ਨਵੀਂ ਦਿੱਲੀ : ਬਾਰਡਰ ਗਾਵਸਕਰ ਟਰਾਫੀ 2023 ਦਾ ਇਹ ਮੈਚ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਇਨ੍ਹਾਂ ਚਾਰ ਟੈਸਟ ਮੈਚਾਂ ਦੀ ਸੀਰੀਜ਼ ਦਾ ਦੂਜਾ ਮੈਚ 17 ਫਰਵਰੀ ਤੋਂ ਦਿੱਲੀ ਦੇ ਅਰੁਣ ਜੇਤਲੀ ਕ੍ਰਿਕਟ ਸਟੇਡੀਅਮ 'ਚ ਖੇਡਿਆ ਜਾਣਾ ਹੈ। ਪਰ, ਅਸੀਂ ਤੁਹਾਨੂੰ ਕੁਝ ਅਜਿਹੇ ਖਿਡਾਰੀਆਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦਾ ਸਿੱਕਾ ਪਿਛਲੇ ਤਿੰਨ ਸਾਲਾਂ ਤੋਂ ਟੈਸਟ ਕ੍ਰਿਕਟ 'ਚ ਨਹੀਂ ਚੱਲ ਰਿਹਾ ਹੈ।
ਗੱਲ ਕਰ ਰਹੇ ਹਾਂ ਅਜਿਹੇ ਪੰਜ ਖਿਡਾਰੀਆਂ ਦੀ ਜਿਨ੍ਹਾਂ ਦਾ ਟੈਸਟ ਮੈਚਾਂ 'ਚ ਖਰਾਬ ਪ੍ਰਦਰਸ਼ਨ ਰਿਹਾ ਹੈ। ਦਿੱਲੀ ਵਿੱਚ ਹੋਣ ਵਾਲੇ ਦੂਜੇ ਟੈਸਟ ਮੈਚ ਵਿੱਚ ਇਨ੍ਹਾਂ ਪੰਜਾਂ ਵਿੱਚੋਂ ਕਿਹੜਾ ਖਿਡਾਰੀ ਆਪਣੀ ਸ਼ਾਨਦਾਰ ਫਾਰਮ ਵਿੱਚ ਵਾਪਸੀ ਕਰ ਸਕਦਾ ਹੈ। ਇਸ ਟੂਰਨਾਮੈਂਟ ਦੇ ਪਹਿਲੇ ਟੈਸਟ ਵਿੱਚ ਭਾਰਤ ਨੇ ਆਸਟਰੇਲੀਆ ਨੂੰ 132 ਦੌੜਾਂ ਦੇ ਵੱਡੇ ਫ਼ਰਕ ਨਾਲ ਹਰਾ ਕੇ 1-0 ਦੀ ਬੜ੍ਹਤ ਬਣਾ ਲਈ ਹੈ।
ਵਿਰਾਟ ਕੋਹਲੀ ਦੇ ਬੱਲੇ ਦਾ ਨਹੀਂ ਚੱਲਿਆ ਜਾਦੂ : ਵਿਰਾਟ ਕੋਹਲੀ ਪਿਛਲੇ ਤਿੰਨ ਸਾਲਾਂ ਤੋਂ ਕ੍ਰਿਕਟ ਦੇ ਕਿਸੇ ਵੀ ਰੂਪ ਵਿੱਚ ਸਹੀ ਢੰਗ ਨਾਲ ਨਹੀਂ ਖੇਡ ਰਹੇ ਸਨ। ਕਿੰਗ ਕੋਹਲੀ ਨੇ ਵਨਡੇ ਅਤੇ ਟੀ-20 ਫਾਰਮੈਟ 'ਚ ਵਾਪਸੀ ਕੀਤੀ ਹੈ। ਪਰ ਵਿਰਾਟ ਕੋਹਲੀ ਅਜੇ ਵੀ ਟੈਸਟ ਫਾਰਮੈਟ ਵਿੱਚ ਚੰਗੀ ਫਾਰਮ ਦੀ ਤਲਾਸ਼ ਵਿੱਚ ਹਨ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਨਾਗਪੁਰ 'ਚ ਖੇਡੇ ਗਏ ਪਹਿਲੇ ਟੈਸਟ ਮੈਚ 'ਚ ਕਈ ਭਾਰਤੀ ਖਿਡਾਰੀਆਂ ਨੇ ਚੰਗਾ ਪ੍ਰਦਰਸ਼ਨ ਕੀਤਾ, ਪਰ ਉਸ ਮੈਚ 'ਚ ਕੋਹਲੀ ਆਪਣੇ ਬੱਲੇ ਨਾਲ ਕੁਝ ਖਾਸ ਨਹੀਂ ਕਰ ਸਕੇ।
ਬਾਰਡਰ ਗਾਵਸਕਰ ਟਰਾਫੀ ਦੇ ਇਸ ਮੈਚ ਵਿੱਚ ਕੋਹਲੀ ਨੇ 26 ਗੇਂਦਾਂ ਵਿੱਚ ਸਿਰਫ 12 ਦੌੜਾਂ ਬਣਾਈਆਂ। ਇਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਵਿਰਾਟ ਟੈਸਟ ਕ੍ਰਿਕਟ 'ਚ ਬੁਰੇ ਦੌਰ 'ਚੋਂ ਗੁਜ਼ਰ ਰਿਹਾ ਹੈ। ਹੁਣ ਅਸੀਂ ਚੋਟੀ ਦੇ 5 ਖਿਡਾਰੀਆਂ ਦਾ ਡਾਟਾ ਸਾਂਝਾ ਕਰਾਂਗੇ ਜਿਨ੍ਹਾਂ ਨੇ 2020 ਤੋਂ ਬਾਅਦ ਸਭ ਤੋਂ ਘੱਟ ਔਸਤ ਸਕੋਰ ਕੀਤਾ ਹੈ।
ਟੈਸਟ 1 ਵਿੱਚ ਚੋਟੀ ਦੇ 5 ਖਿਡਾਰੀਆਂ ਦੀ ਖਰਾਬ ਪਰਫਾਰਮੈਂਸ :
- ਵੈਸਟਇੰਡੀਜ਼ ਦੇ ਜੇਸਨ ਹੋਲਡਰ - 2020 ਵਿੱਚ 22.83 ਦੀ ਔਸਤ ਨਾਲ ਸਕੋਰ ਕੀਤਾ।
- ਭਾਰਤ ਦੇ ਅਜਿੰਕਿਆ ਰਹਾਣੇ - 2020 ਵਿੱਚ 24.08 ਦੀ ਔਸਤ ਨਾਲ ਦੌੜਾਂ ਬਣਾਈਆਂ।
- ਵੈਸਟਇੰਡੀਜ਼ ਦੇ ਜੌਹਨ ਕੈਂਪਬੈਲ - 24.58 ਦੀ ਔਸਤ ਨਾਲ ਸਕੋਰ ਕੀਤਾ।
- ਭਾਰਤ ਦੇ ਵਿਰਾਟ ਕੋਹਲੀ - 2020 ਵਿੱਚ 25.80 ਦੀ ਔਸਤ ਨਾਲ ਦੌੜਾਂ ਬਣਾਈਆਂ।
- ਇੰਗਲੈਂਡ ਦੇ ਰੋਰੀ ਬਰਨਜ਼ - 2020 ਵਿੱਚ 27 ਦੀ ਔਸਤ ਨਾਲ ਸਕੋਰ ਕੀਤਾ।
ਇਹ ਵੀ ਪੜ੍ਹੋ: WPL Auction 2023: ਸਮ੍ਰਿਤੀ ਮੰਧਾਨਾ ਬਣੀ ਮਾਲਦਾਰ RCB ਦੀ 'ਲੇਡੀ ਵਿਰਾਟ'
