ਦੁਬਈ: ਬੀਸੀਸੀਆਈ ਨੇ ਐਤਵਾਰ ਨੂੰ ਐਲਾਨ ਕੀਤਾ ਕਿ ਇੰਡੀਅਨ ਪ੍ਰੀਮੀਅਰ ਲੀਗ ਦਾ ਪਹਿਲਾ ਕੁਆਲੀਫਾਇਰ ਅਤੇ ਫਾਈਨਲ ਦੁਬਈ ਵਿੱਚ ਹੋਵੇਗਾ ਜਦੋਂ ਕਿ ਬਾਕੀ ਦੋ ਪਲੇਅਫ ਮੈਚ ਅਬੂ-ਧਾਬੀ ਵਿੱਚ ਖੇਡੇ ਜਾਣਗੇ। ਕੁਆਲੀਫਾਇਰ ਵਨ ਚੋਟੀ ਦੀਆਂ ਦੋ ਟੀਮਾਂ ਵਿਚਕਾਰ ਹੋਵੇਗਾ ਜੋ ਕਿ 5 ਨਵੰਬਰ ਨੂੰ ਖੇਡਿਆ ਜਾਵੇਗਾ ਜਦਕਿ ਫਾਈਨਲ 10 ਨਵੰਬਰ ਨੂੰ ਹੋਵੇਗਾ। ਅਬੂ ਧਾਬੀ ਦੇ ਸ਼ੇਖ ਜਾਇਦ ਸਟੇਡੀਅਮ ਵਿੱਚ 6 ਨਵੰਬਰ ਨੂੰ ਐਲੀਮੈਂਟੇਟਰ ਮੈਚ ਖੇਡੇ ਜਾਣਗੇ, ਜੋ ਤੀਸਰੇ ਅਤੇ ਚੌਥੇ ਸਥਾਨ ਦੀਆਂ ਟੀਮਾਂ ਵਿਚਕਾਰ ਹੋਣਗੇ। ਇੱਕ ਦੂਜਾ ਕੁਆਲੀਫਾਇਰ ਵੀ 8 ਨਵੰਬਰ ਨੂੰ ਇਥੇ ਖੇਡਿਆ ਜਾਵੇਗਾ। ਇਸ ਦੇ ਨਾਲ ਹੀ ਬੀਸੀਸੀਆਈ ਨੇ ਮਹਿਲਾ ਟੀ-20 ਚੈਲੇਂਜ ਦੇ ਪ੍ਰੋਗਰਾਮ ਦਾ ਵੀ ਐਲਾਨ ਕੀਤਾ ਹੈ।
ਬੀਸੀਸੀਆਈ ਨੇ ਮਹਿਲਾ ਟੀ-20 ਚੈਲੇਂਜ ਦੇ ਪ੍ਰੋਗਰਾਮ ਦਾ ਐਲਾਨ ਕੀਤਾ, ਜੋ ਚਾਰ ਤੋਂ ਨੌਂ ਨਵੰਬਰ ਦੇ ਵਿਚਕਾਰ ਸ਼ਾਰਜਾਹ ਵਿੱਚ ਹੋਵੇਗਾ। ਇਸ ਦੇ ਲਈ ਮਹਿਲਾ ਖਿਡਾਰੀ ਦੁਬਈ ਪਹੁੰਚ ਚੁੱਕੀਆਂ ਹਨ ਅਤੇ ਛੇ ਦਿਨਾਂ ਲਈ ਕੁਆਰੰਟੀਨ 'ਚ ਹਨ। ਫਾਈਨਲ ਮੈਚ 9 ਨਵੰਬਰ ਨੂੰ ਖੇਡਿਆ ਜਾਵੇਗਾ। ਟੀਮਾਂ ਸੁਪਰਨੋਵਾਸ, ਵੇਲੋਸਿਟੀ ਅਤੇ ਟ੍ਰੇਲਬਲੇਜ਼ਰ ਇੱਕ-ਦੂਜੇ ਨਾਲ ਇੱਕ ਵਾਰ ਖੇਡਣਗੀਆਂ ਅਤੇ ਫਿਰ ਫਾਈਨਲ ਮੈਚ ਹੋਵੇਗਾ। ਬੀਸੀਸੀਆਈ ਨੇ ਟੂਰਨਾਮੈਂਟ ਦੀ ਸ਼ੁਰੂਆਤ ਵੇਲੇ ਸਾਰੀਆਂ ਰਾਜ ਇਕਾਈਆਂ ਅਤੇ ਚੋਟੀ ਦੇ ਕੌਂਸਲ ਮੈਂਬਰਾਂ ਨੂੰ ਨਹੀਂ ਬੁਲਾਇਆ ਪਰ ਹੁਣ ਉਨ੍ਹਾਂ ਨੂੰ ਫਾਈਨਲ ਲਈ ਸੱਦਾ ਦੇਣ ਦਾ ਫੈਸਲਾ ਕੀਤਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਹਰ ਰਾਜ ਇਕਾਈ ਤੋਂ ਇੱਕ ਅਧਿਕਾਰੀ ਬੁਲਾਇਆ ਜਾਵੇਗਾ। ਆਈਪੀਐਲ ਦਾ ਪਲੇਆਫ ਦੁਬਈ ਅਤੇ ਅਬੂ-ਧਾਬੀ ਵਿੱਚ ਖੇਡਿਆ ਜਾਵੇਗਾ, ਜਦੋਂ ਕਿ ਤਿੰਨ ਟੀਮਾਂ ਦਾ ਮਹਿਲਾ ਟੀ 20 ਚੈਲੇਂਜ ਟੂਰਨਾਮੈਂਟ ਸ਼ਾਰਜਾਹ ਵਿੱਚ ਖੇਡਿਆ ਜਾਵੇਗਾ।
