ਨਵੀਂ ਦਿੱਲੀ: ਮਹਿੰਦਰ ਸਿੰਘ ਧੋਨੀ ਦੀ ਸਫਲ ਸਰਜਰੀ ਤੋਂ ਬਾਅਦ ਇਕ ਖਾਸ ਤਸਵੀਰ ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ 'ਚ ਐੱਮਐੱਸ ਧੋਨੀ ਨਾਲ ਸਾਬਕਾ ਭਾਰਤੀ ਕ੍ਰਿਕਟਰ ਮੁਹੰਮਦ ਕੈਫ ਨਜ਼ਰ ਆ ਰਹੇ ਹਨ। ਧੋਨੀ ਮੁੰਬਈ ਦੇ ਕੋਕਿਲਾਬੇਨ ਹਸਪਤਾਲ 'ਚ ਸਰਜਰੀ ਤੋਂ ਬਾਅਦ ਘਰ ਪਰਤ ਰਹੇ ਸਨ। ਇਸ ਦੇ ਨਾਲ ਹੀ ਮੁਹੰਮਦ ਕੈਫ ਏਅਰਪੋਰਟ 'ਤੇ ਉਨ੍ਹਾਂ ਨੂੰ ਮਿਲੇ ਅਤੇ ਉਨ੍ਹਾਂ ਨਾਲ ਇਕ ਫੋਟੋ ਵੀ ਕਲਿੱਕ ਕਰਵਾਈ। ਇਸ ਤੋਂ ਬਾਅਦ ਮੁਹੰਮਦ ਕੈਫ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਤੋਂ ਇਹ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਧੋਨੀ ਆਪਣੀ ਪਤਨੀ ਸਾਕਸ਼ੀ ਮਲਿਕ ਅਤੇ ਬੇਟੀ ਜੀਵਾ ਨਾਲ ਨਜ਼ਰ ਆ ਰਹੇ ਹਨ। ਮੁਹੰਮਦ ਕੈਫ ਦੇ ਪਰਿਵਾਰ ਨੇ ਵੀ ਧੋਨੀ ਦੇ ਪਰਿਵਾਰ ਨਾਲ ਤਸਵੀਰਾਂ ਖਿਚਵਾਈਆਂ।
ਧੋਨੀ ਨਾਲ ਫੈਮਿਲੀ ਫੋਟੋ ਕਲਿੱਕ: ਧੋਨੀ ਦੀ ਆਪਣੇ ਪਰਿਵਾਰ ਨਾਲ ਫੋਟੋ ਸੋਸ਼ਲ ਮੀਡੀਆ 'ਤੇ ਕਾਫੀ ਟ੍ਰੈਂਡ ਕਰ ਰਹੀ ਹੈ। ਇਹ ਫੋਟੋ ਉਸ ਸਮੇਂ ਦੀ ਹੈ ਜਦੋਂ ਧੋਨੀ ਗੋਡੇ ਦੀ ਸਰਜਰੀ ਕਰਵਾ ਕੇ ਘਰ ਪਰਤ ਰਹੇ ਸਨ। ਮੁਹੰਮਦ ਕੈਫ ਆਪਣੇ ਪਰਿਵਾਰ ਨਾਲ ਏਅਰਪੋਰਟ 'ਤੇ ਧੋਨੀ ਨੂੰ ਮਿਲਣ ਗਏ ਸਨ। ਇਸ ਲਈ ਕੈਫ ਨੇ ਧੋਨੀ ਨਾਲ ਫੈਮਿਲੀ ਫੋਟੋ ਕਲਿੱਕ ਕਰਵਾਈ, ਪਰ ਇਨ੍ਹਾਂ 'ਚੋਂ ਇਕ ਤਸਵੀਰ ਬਹੁਤ ਖਾਸ ਹੈ।
- WTC Final 2023: ਜਾਣੋ, ਨਵੇਂ ਨਿਯਮ ਦੁਆਰਾ ਮੈਚ ਡਰਾਅ, ਟਾਈ ਤੇ ਰੱਦ ਹੋਣ 'ਤੇ ਕਿਹੜੀ ਟੀਮ ਨੂੰ ਹੋਵੇਗਾ ਫਾਇਦਾ
- Odisha Train Accident: ਵਰਿੰਦਰ ਸਹਿਵਾਗ ਦਾ ਵੱਡਾ ਐਲਾਨ, ਇਸ ਤਰ੍ਹਾਂ ਕਰਨਗੇ ਰੇਲ ਹਾਦਸੇ ਦੇ ਪੀੜਤਾਂ ਦੀ ਮਦਦ
- WTC Final 2023: ਆਸਟ੍ਰੇਲੀਆ ਨੂੰ ਲੱਗਾ ਵੱਡਾ ਝਟਕਾ, ਇਹ ਧਾਕੜ ਤੇਜ਼ ਗੇਂਦਬਾਜ਼ ਟੀਮ 'ਚੋਂ ਬਾਹਰ
ਪਿਆਰਾ ਕੈਪਸ਼ਨ: ਮੁਹੰਮਦ ਕੈਫ ਦੇ ਬੇਟੇ ਕਬੀਰ ਨਾਲ ਧੋਨੀ ਦੀ ਫੋਟੋ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਨ ਤੋਂ ਬਾਅਦ ਮੁਹੰਮਦ ਕੈਫ ਨੇ ਇੱਕ ਪਿਆਰਾ ਕੈਪਸ਼ਨ ਵੀ ਲਿਖਿਆ ਹੈ ਕਿ 'ਬੇਟ ਕਬੀਰ ਸੀਐਸਕੇ ਦੇ ਕਪਤਾਨ ਐਮਐਸ ਧੋਨੀ ਨੂੰ ਮਿਲ ਕੇ ਬਹੁਤ ਖੁਸ਼ ਸੀ, ਕਿਉਂਕਿ ਧੋਨੀ ਨੇ ਉਸ ਨੂੰ ਦੱਸਿਆ ਕਿ ਉਹ ਵੀ ਉਸ ਵਾਂਗ ਹੀ ਬਚਪਨ 'ਚ ਫੁੱਟਬਾਲ ਖੇਡਦਾ ਸੀ। ਜਲਦੀ ਠੀਕ ਹੋਵੋ, ਅਗਲੇ ਸੀਜ਼ਨ ਦੇ ਚੈਂਪੀਅਨ ਨੂੰ ਮਿਲਦੇ ਹਾਂ। ਦੱਸ ਦਈਏ ਇਸ ਸਾਲ ਆਈਪੀਐੱਲ 2023 ਵਿੱਚ ਧੋਨੀ ਨੇ ਆਪਣੀ ਕਪਤਾਨੀ ਦਾ ਕ੍ਰਿਸ਼ਮਾ ਵਿਖਾਉਂਦਿਆਂ ਮੁੜ ਤੋਂ ਚੇਨਈ ਸੁਰਪ ਕਿੰਗਜ਼ ਨੂੰ ਚੈਂਪੀਅਨ ਬਣਾਇਆ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਈਪੀਐੱਲ ਖਿਤਾਬ ਜਿੱਤਣ ਵਿੱਚ ਮੁੰਬਈ ਇੰਡੀਆਨਜ਼ ਦੀ ਵੀ ਬਰਾਬਰੀ ਕੀਤੀ ਹੈ। ਮੁੰਬਈ ਇੰਡੀਆਨਜ਼ ਇਹ ਖ਼ਿਤਾਬ 5 ਵਾਰ ਆਪਣੇ ਨਾਂਅ ਕਰ ਚੁੱਕੀ ਹੈ ਅਤੇ ਹੁਣ ਚੇਨਈ ਦੇ ਨਾਂਅ ਵੀ ਆਈਪੀਐੱਲ ਦੇ ਪੰਜ ਖਿਤਾਬ ਹਨ।
