ਦੁਬਈ: ਰਾਹੁਲ ਤਿਵਾਤੀਆ ਦੀ ਸ਼ਾਨਦਾਰ ਬੱਲੇਬਾਜ਼ੀ ਦੀ ਬਦੌਲਤ ਰਾਜਸਥਾਨ ਰਾਇਲਜ਼ ਨੇ ਐਤਵਾਰ ਨੂੰ ਇਥੇ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡੀ ਜਾ ਰਹੀ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੰਸਕਰਣ ਦੇ 26ਵੇਂ ਮੈਚ ਵਿੱਚ ਸਨਰਾਈਜ਼ ਹੈਦਰਾਬਾਦ ਨੂੰ ਪੰਜ ਵਿਕਟਾਂ ਨਾਲ ਹਰਾਇਆ।
ਹੈਦਰਾਬਾਦ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ ਵਿੱਚ ਚਾਰ ਵਿਕਟਾਂ ਦੇ ਨੁਕਸਾਨ ‘ਤੇ 158 ਦੌੜਾਂ ਬਣਾਈਆਂ। ਇਸ ਦੇ ਜਵਾਬ ਵਿੱਚ ਰਾਜਸਥਾਨ ਦੀ ਟੀਮ ਨੇ ਟੀਚਾ 19.5 ਓਵਰਾਂ ਵਿੱਚ ਬਾਕੀ ਬਚਿਆ ਪੰਜ ਵਿਕਟਾਂ ਨਾਲ ਹਾਸਲ ਕਰ ਲਿਆ।
ਰਾਜਸਥਾਨ ਦੀ ਸ਼ੁਰੂਆਤ ਖ਼ਰਾਬ ਰਹੀ ਅਤੇ ਸਲਾਮੀ ਬੇਨ ਸਟੋਕਸ 5 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤਿਆ। ਇਸ ਤੋਂ ਬਾਅਦ ਕਪਤਾਨ ਸਟੀਵ ਸਮਿਥ ਵੀ ਰਨ ਆਉਟ ਹੋ ਗਿਆ। ਉਸ ਨੇ ਮਹਿਜ਼ 5 ਦੌੜਾਂ ਬਣਾਈਆਂ।
ਜੋਸ ਬਟਲਰ ਵੀ ਬਹੁਤੀ ਦੇਰ ਨਹੀਂ ਟਿਕ ਸਕਿਆ ਅਤੇ ਅਗਲੇ ਹੀ ਓਵਰ ਵਿੱਚ 16 ਦੌੜਾਂ ਬਣਾ ਕੇ ਖਲੀਲ ਅਹਿਮਦ ਦਾ ਸ਼ਿਕਾਰ ਬਣ ਗਿਆ। ਟੀਮ ਨੇ ਸਿਰਫ 26 ਦੌੜਾਂ 'ਤੇ 3 ਵਿਕਟਾਂ ਗੁਆ ਦਿੱਤੀਆਂ ਸਨ।
ਸੰਜੂ ਸੈਮਸਨ ਅਤੇ ਰੌਬਿਨ ਉਥੱਪਾ ਨੇ ਕੁਝ ਹੱਦ ਤੱਕ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਸਫਲ ਵੀ ਨਹੀਂ ਹੋਏ। ਸੈਮਸਨ 26 (25 ਗੇਂਦਾਂ, 3 ਚੌਕੇ) ਅਤੇ ਉਥੱਪਾ 18 (15 ਗੇਂਦਾਂ, ਇਕ ਚੌਕਾ, ਇਕ ਛੱਕਾ) ਦੇ ਸਕੋਰ 'ਤੇ ਆਉਟ ਹੋਇਆ।
ਅੰਤ ਵਿੱਚ, ਰਿਆਨ ਪਰਾਗ ਅਤੇ ਰਾਹੁਲ ਤਿਵਾਤੀਆ ਨੇ ਕੁਝ ਸ਼ਾਨਦਾਰ ਸ਼ਾਟ ਲਗਾਏ ਅਤੇ ਟੀਮ ਨੂੰ ਜਿਤਾਉਣ ਵਿੱਚ ਸਫਲ ਰਹੇ। ਰਾਹੁਲ ਤਿਵਾਟੀਆ ਨੇ 48 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ, ਜਦਕਿ ਰਿਆਨ ਨੇ ਵੀ ਦੂਜੇ ਸਿਰੇ ਤੋਂ ਵਿਕਟ ਬਣਾਈ ਰੱਖੀ।
ਹੈਦਰਾਬਾਦ ਤੋਂ ਰਾਸ਼ਿਦ ਖਾਨ ਨੇ ਦੋ, ਖਲੀਲ ਅਹਿਮਦ ਨੇ 2 ਵਿਕਟਾਂ ਲਈਆਂ।
ਇਸ ਤੋਂ ਪਹਿਲਾਂ, ਹੈਦਰਾਬਾਦ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ ਕਪਤਾਨ ਡੇਵਿਡ ਵਾਰਨਰ ਅਤੇ ਜੌਨੀ ਬੇਅਰਸਟੋ ਪਿਛਲੇ ਮੈਚ ਦੀ ਤਰ੍ਹਾਂ ਸ਼ੁਰੂਆਤ ਨਹੀਂ ਕਰ ਸਕੇ ਅਤੇ ਟੀਮ 23 ਦੌੜਾਂ ਦੇ ਸਕੋਰ 'ਤੇ ਬੇਅਰਸਟੋ ਵਜੋਂ ਆਪਣਾ ਪਹਿਲਾ ਵਿਕਟ ਗਵਾਂ ਬੈਠੀ।
