IPL 2020: ਕਿੰਗਜ਼ ਇਲੈਵਨ ਪੰਜਾਬ ਨੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੂੰ 97 ਦੌੜਾਂ ਨਾਲ ਹਰਾਇਆ

ਕਿੰਗਜ਼ ਇਲੈਵਨ ਪੰਜਾਬ ਨੇ ਵੀਰਵਾਰ ਨੂੰ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡੇ ਗਏ ਆਈਪੀਐਲ -13 ਦੇ ਛੇਵੇਂ ਮੈਚ ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੂੰ 97 ਦੌੜਾਂ ਨਾਲ ਹਰਾ ਕੇ ਇਸ ਸੀਜ਼ਨ ਦਾ ਆਪਣਾ ਪਹਿਲਾ ਮੈਚ ਜਿੱਤਿਆ।

ਹੈਦਰਾਬਾਦ: ਕਿੰਗਜ਼ ਇਲੈਵਨ ਪੰਜਾਬ ਨੇ ਵੀਰਵਾਰ ਨੂੰ ਆਈਪੀਐਲ -13 ਵਿੱਚ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡੇ ਗਏ ਮੈਚ ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੂੰ 97 ਦੌੜਾਂ ਨਾਲ ਹਰਾਇਆ। ਪੰਜਾਬ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ ਵਿੱਚ 3 ਵਿਕਟਾਂ ਗੁਆ ਕੇ 206 ਦੌੜਾਂ ਬਣਾਈਆਂ ਸਨ। ਬੈਂਗਲੁਰੂ ਦੀ ਟੀਮ 17 ਓਵਰਾਂ ਵਿੱਚ 109 ਦੌੜਾਂ ਹੀ ਬਣਾ ਸਕੀ।

ਕਿੰਗਜ਼ ਇਲੈਵਨ ਪੰਜਾਬ ਅਤੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ

ਰਾਹੁਲ ਨੇ ਵਿਰਾਟ ਕੋਹਲੀ ਤੋਂ ਮਿਲੀ ਦੋ ਜੀਵਨਦਾਨ ਦਾ ਪੂਰਾ ਫਾਇਦਾ ਉਠਾਇਆ ਅਤੇ 69 ਗੇਂਦਾਂ 'ਤੇ ਅਜੇਤੂ 132 ਦੌੜਾਂ ਬਣਾਈਆਂ ਜੋ ਉਨ੍ਹਾਂ ਦੇ ਕਰੀਅਰ ਦਾ ਸਰਵਉਚ ਸਕੋਰ ਵੀ ਹੈ। ਰਾਹੁਲ ਨੇ ਆਪਣੀ ਪਾਰੀ ਵਿੱਚ 14 ਚੌਕੇ ਅਤੇ ਸੱਤ ਛੱਕੇ ਲਗਾਏ ਸੀ। ਜਿਸ ਤੋਂ ਪਹਿਲਾਂ ਬੱਲੇਬਾਜ਼ੀ ਲਈ ਸੱਦਾ ਪਾਉਣ ਵਾਲੀ ਕਿੰਗਜ਼ ਇਲੈਵਨ ਦੀ ਟੀਮ ਤਿੰਨ ਵਿਕਟਾਂ ਉੱਤੇ 206 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਉਣ ਵਿੱਚ ਕਾਮਯਾਬ ਰਹੀ। ਉਨ੍ਹਾਂ ਦੇ ਇਲਾਵਾ ਮਯੰਕ ਅਗਰਵਾਲ ਨੇ 26 ਅਤੇ ਕਰੁਣ ਨਾਇਰ ਨੇ ਨਾਬਾਦ 15 ਦੌੜਾਂ ਬਣਾਈਆਂ।

ਕਿੰਗਜ਼ ਇਲੈਵਨ ਪੰਜਾਬ ਅਤੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ

ਇਸਦੇ ਜਵਾਬ ਵਿੱਚ, ਆਰਸੀਬੀ ਦਾ ਚੋਟੀ ਦਾ ਆਰਡਰ ਵਿਗੜ ਗਿਆ, ਜਿਸ ਤੋਂ ਉਹ ਉਬਰ ਨਹੀਂ ਸਕਿਆ ਅਤੇ ਉਨ੍ਹਾਂ ਦੀ ਟੀਮ 17 ਓਵਰਾਂ ਵਿੱਚ 109 ਦੌੜਾਂ ’ਤੇ ਢੇਰ ਹੋ ਗਈ। ਬੈਂਗਲੁਰੂ ਦੇ ਵਾਸ਼ਿੰਗਟਨ ਸੁੰਦਰ ਨੇ 30, ਅਬਰਾਹਿਮ ਡੀਵਿਲੀਅਰਜ਼ ਨੇ 28 ਅਤੇ ਐਰੋਨ ਫਿੰਚ ਨੇ 20 ਦੌੜਾਂ ਬਣਾਈਆਂ। ਕੋਚ ਅਨਿਲ ਕੁੰਬਲੇ ਤੋਂ ਸਿੱਖ ਰਹੇ ਕਿੰਗਜ਼ ਇਲੈਵਨ ਦੇ ਦੋਂਵੇ ਲੈੱਗ ਸਪਿੰਨਰਾਂ ਮੁਰੂਗਨ ਅਸ਼ਵਿਨ (21 ਦੌੜਾਂ 'ਤੇ 3) ਅਤੇ ਰਵੀ ਬਿਸ਼ਨੋਈ (32 ਦੌੜਾਂ' ਤੇ 3) ਨੇ ਪ੍ਰਭਾਵਤ ਕੀਤਾ।

ਕਿੰਗਜ਼ ਇਲੈਵਨ ਦੀ ਇਹ ਟੂਰਨਾਮੈਂਟ ਵਿੱਚ ਪਹਿਲੀ ਜਿੱਤ ਹੈ। ਉਸ ਨੇ ਪਹਿਲਾ ਮੈਚ ਦਿੱਲੀ ਕੈਪਿਟਲਸ ਤੋਂ ਸੁਪਰ ਓਵਰ ਵਿੱਚ ਹਾਰਿਆ ਸੀ, ਜਦੋਂਕਿ ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਹਰਾਉਣ ਤੋਂ ਬਾਅਦ ਸ਼ਾਨਦਾਰ ਸ਼ੁਰੂਆਤ ਕਰਨ ਵਾਲੇ ਆਰਸੀਬੀ ਵਿਜੇ ਮੁਹਿੰਮ ਨੂੰ ਜਾਰੀ ਨਹੀਂ ਰੱਖ ਸਕੇ। ਕਿੰਗਜ਼ ਇਲੈਵਨ ਨੇ ਵੀ ਦੌੜਾਂ ਦੇ ਮਾਮਲੇ ਵਿੱਚ ਆਈਪੀਐਲ ਵਿੱਚ ਆਪਣੀ ਦੂਜੀ ਵੱਡੀ ਜਿੱਤ ਹਾਸਲ ਕੀਤੀ।

• A royal challenge accomplished ✅#SaddaPunjab #IPL2020 #KXIP #KXIPvRCB pic.twitter.com/7ocmZAtZXi

  — Kings XI Punjab (@lionsdenkxip) September 24, 2020 " class="align-text-top noRightClick twitterSection" data="

  A royal challenge accomplished ✅#SaddaPunjab #IPL2020 #KXIP #KXIPvRCB pic.twitter.com/7ocmZAtZXi

  — Kings XI Punjab (@lionsdenkxip) September 24, 2020

  ">

  A royal challenge accomplished ✅#SaddaPunjab #IPL2020 #KXIP #KXIPvRCB pic.twitter.com/7ocmZAtZXi

  — Kings XI Punjab (@lionsdenkxip) September 24, 2020

ਰਾਹੁਲ ਆਈਪੀਐਲ ਵਿੱਚ ਸਭ ਤੋਂ ਵੱਡੀ ਵਿਅਕਤੀਗਤ ਪਾਰੀ ਖੇਡਣ ਵਾਲੇ ਭਾਰਤੀ ਬਣੇ। ਪਹਿਲਾਂ ਦਾ ਰਿਕਾਰਡ ਰਿਸ਼ਭ ਪੰਤ (ਨਾਬਾਦ 128) ਦੇ ਨਾਮ 'ਤੇ ਸੀ। ਉਹ ਜਦੋਂ 83 ਅਤੇ 89 ਦੌੜਾਂ 'ਤੇ ਸੀ, ਉਦੋਂ ਕੋਹਲੀ ਨੇ ਆਪਣਾ ਕੈਚ ਛੱਡ ਦਿੱਤਾ, ਜਿਸ ਦਾ ਫਾਇਦਾ ਚੁੱਕਦਿਆ ਉਨ੍ਹਾਂ ਨੇ ਆਖਰੀ 2 ਓਵਰਾਂ ਵਿੱਚ 49 ਦੌੜਾਂ ਜੋੜਨ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਕੋਹਲੀ ਨੇ ਬੱਲੇਬਾਜ਼ੀ ਵਿੱਚ ਵੀ ਨਹੀਂ ਚੱਲੇ। ਕੋਟਰੇਲ ਨੇ ਪਹਿਲੇ ਮੈਚ ਵਿੱਚ ਛਾਪ ਛੱਡਣ ਵਾਲੇ ਦੇਵਦੱਤ ਪਦਿਕਲ (ਇਕ) ਨੂੰ ਆਊਟ ਕਰਨ ਤੋਂ ਬਾਅਦ ਕੋਹਲੀ ਨੂੰ ਵੀ ਪਵੇਲੀਅਨ ਭੇਜਿਆ, ਮੁਹੰਮਦ ਸ਼ਮੀ ਨੇ ਇਸ ਜੋਸ਼ ਫਿਲਿਪ ਨੂੰ ਐਲਬੀਡਬਲਯੂ ਕਰ ਆਊਟ ਕੀਤਾ। ਆਰਸੀਬੀ ਨੇ ਤਿੰਨ ਵਿਕਟਾਂ ਚਾਰ ਦੌੜਾਂ 'ਤੇ ਗੁਆ ਦਿੱਤੇ ਸੀ।

ਏਬੀ ਡੀਵਿਲੀਅਰਜ਼ (18 ਗੇਂਦਾਂ 'ਤੇ 28, ਚਾਰ ਚੌਕੇ, ਇਕ ਛੱਕਾ) ਅਤੇ ਸਲਾਮੀ ਬੱਲੇਬਾਜ਼ ਐਰੋਨ ਫਿੰਚ (21 ਗੇਂਦਾਂ 'ਤੇ 20) ਨੇ ਚੌਥੇ ਵਿਕਟ ਦੇ ਲਈ 49 ਦੌੜਾਂ ਜੋੜੀਆਂ, ਪਰ ਵੱਡੇ ਟੀਚੇ ਦਾ ਦਬਾਅ ਉਨ੍ਹਾਂ 'ਤੇ ਸਾਫ ਦਿਖਾਈ ਦਿੱਤਾ। ਬਿਸ਼ਨੋਈ ਨੇ ਫਿੰਚ ਨੂੰ ਵਿਕਟ ਦੇ ਪਿੱਛੇ ਕੈਚ ਕਰ ਕੇ ਇਹ ਸਾਂਝੇਦਾਰੀ ਤੋੜੀ।

ਡਿਵਿਲੀਅਰਜ਼ ਵੀ ਤੁਰੰਤ ਪਵੇਲੀਅਨ ਪਰਤ ਗਏ। ਉਨ੍ਹਾਂ ਨੇ ਦੂਜੇ ਲੈੱਗ ਸਪਿਨਰ ਮੁਰੂਗਨ ਅਸ਼ਵਿਨ ਦੀ ਗੂਗਲੀ 'ਤੇ ਕਵਰ 'ਤੇ ਕੈਚ ਦਿੱਤਾ ਜਿਸ ਨਾਲ ਆਰਸੀਬੀ ਦੀ ਉਮੀਦਾਂ ਵੀ ਖ਼ਤਮ ਹੋ ਗਈ। ਵਾਸ਼ਿੰਗਟਨ ਸੁੰਦਰ (27 ਗੇਂਦਾਂ 'ਤੇ 30) ਦੇ ਯੋਗਦਾਨ ਤੋਂ ਹਾਰ ਦਾ ਅੰਤਰ ਕੁੱਝ ਘੱਟ ਹੋਇਆਂ। ਇਸ ਤੋਂ ਪਹਿਲਾਂ ਰਾਹੁਲ ਨੇ ਆਪਣੀ ਸੈਂਕੜੇ ਦੀ ਪਾਰੀ ਦੇ ਦੌਰਾਨ ਮਯੰਕ ਅਗਰਵਾਲ (20 ਗੇਂਦਾਂ 'ਤੇ 26 ਦੌੜਾਂ, 4 ਚੌਕੇ) ਦੇ ਨਾਲ ਪਹਿਲੀ ਵਿਕਟ ਦੇ ਲਈ 57, ਨਿਕੋਲਸ ਪੂਰਨ (18 ਗੇਂਦਾਂ 'ਤੇ 17) ਦੇ ਨਾਲ ਦੂਸਰੇ ਵਿਕਟ ਦੇ ਲਈ 57 ਅਤੇ ਕਰੁਣ ਨਾਇਰ (8 ਗੇਂਦਾਂ 'ਤੇ ਨਾਬਾਦ 15) ਦੇ ਨਾਲ ਚੌਥੇ ਵਿਕਟ ਦੇ ਲਈ 78 ਦੌੜਾਂ ਦੀਆਂ ਸਾਂਝੇਦਾਰੀਆਂ ਕੀਤੀਆਂ।

ਆਰਸੀਬੀ ਦੇ ਵੱਲੋਂ ਯੁਜਵੇਂਦਰ ਚਾਹਲ (25 ਦੌੜਾਂ 'ਤੇ 1) ਨੇ ਫਿਰ ਪ੍ਰਭਾਵ ਛੱਡਿਆ ਪਰ ਡੇਲ ਸਟੇਨ (ਚਾਰ ਓਵਰ 57 ਦੌੜਾਂ) ਅਤੇ ਉਮੇਸ਼ ਯਾਦਵ (ਤਿੰਨ ਓਵਰ 35 ਦੌੜਾਂ) ਨੇ ਨਿਰਾਸ਼ ਕੀਤਾ। ਸ਼ਿਵਮ ਦੂਬੇ ਨੇ ਤਿੰਨ ਓਵਰ ਕੀਤੇ ਅਤੇ 33 ਦੌੜਾਂ ਦੇ ਕਰ ਦੋ ਵਿਕਟਾਂ ਲਈਆਂ।

ਰਾਹੁਲ ਅਤੇ ਅਗਰਵਾਲ ਨੇ ਪਾਰੀ ਦੀ ਸ਼ੁਰੂਆਤ ਕੀਤੀ ਅਤੇ ਢੀਲੀ ਗੇਂਦਾਂ ਨੂੰ ਬਾਉਂਡਰੀ ਲਾਈਨ 'ਤੇ ਪਹੁੰਚਾਇਆ। ਚਾਹਲ ਨੇ ਪਾਵਰਪਲੇਅ ਦੇ ਬਾਅਦ ਗੇਂਦ ਸੰਭਾਲੀ ਅਤੇ ਆਂਉਦੇ ਹੀ ਗੂਗਲੀ 'ਤੇ ਅਗਰਵਾਲ ਨੂੰ ਬੋਲਡ ਕੀਤਾ। ਰਾਹੁਲ 'ਤੇ ਇਸ ਦਾ ਕੋਈ ਅਸਰ ਨਹੀਂ ਹੋਇਆ। ਉਨ੍ਹਾਂ ਨੇ ਦੂਜੇ ਪਾਸਿਓਂ ਦੌੜਾਂ ਇਕੱਠੀਆਂ ਕਰਦਾ ਰਿਹਾ ਅਤੇ ਪਾਰੀ ਦਾ ਪਹਿਲਾ ਛੱਕਾ ਮਾਰਿਆ।

ਕੋਹਲੀ ਨੇ ਮੱਧ ਦੇ ਓਵਰਾਂ ਵਿੱਚ ਦੁਬੇ ਨੂੰ ਗੇਂਦ ਦਿੱਤੀ, ਜਿਨ੍ਹਾਂ ਨੇ ਪੂਰਨ ਅਤੇ ਗਲੇਨ ਮੈਕਸਵੈਲ (ਪੰਜ) ਨੂੰ ਆਊਟ ਕੀਤਾ। ਕੋਹਲੀ ਜੇ ਰਾਹੁਲ ਦੇ ਕੈਚ ਲੈ ਲੈਂਦੇ ਤਾਂ ਆਰਸੀਬੀ ਦੇ ਸਾਹਮਣੇ ਕੋਈ ਵੱਡਾ ਟੀਚਾ ਨਾ ਹੋਣਾ ਸੀ। ਰਾਹੁਲ ਨੇ ਸਟੇਨ ਦੀ ਡੂੰਘੀ ਮਿਡਵਿਕਟ 'ਤੇ ਛੱਕਾ ਮਾਰਨ ਦੇ ਬਾਅਦ ਅਗਲੀ ਗੇਂਦ 'ਤੇ ਉਸੇ ਖੇਤਰ 'ਚ ਸੁੱਟੀ ਪਰ ਕੋਹਲੀ ਨੇ ਆਸਾਨ ਕੈਚ ਛੱਡ ਦਿੱਤਾ। ਇੰਨਾ ਹੀ ਨਹੀਂ ਕੋਹਲੀ ਨੇ ਬਾਅਦ 'ਚ ਨਵਦੀਪ ਸੈਣੀ ਦੀ ਗੇਂਦ 'ਤੇ ਵੀ ਉਨ੍ਹਾਂ ਦਾ ਕੈਚ ਛੱਡ ਦਿੱਤਾ।

ਇਸ ਦਾ ਖਾਸਿਆਜਾ ਸਟੈਨ ਅਤੇ ਆਰਸੀਬੀ ਦੋਵਾਂ ਨੂੰ ਭੁਗਤਣਾ ਪਿਆ। ਉਨ੍ਹਾਂ ਨੇ ਪਾਰੀ ਦੇ 19 ਵੇਂ ਓਵਰ ਵਿੱਚ ਤਿੰਨ ਛੱਕੇ ਅਤੇ ਦੋ ਚੌਕੇ ਮਾਰੇ ਅਤੇ ਇਸ ਦੌਰਾਨ ਨਾ ਸਿਰਫ ਆਪਣਾ ਸੈਂਕੜਾ ਪੂਰਾ ਕੀਤਾ ਬਲਕਿ ਟੀ -20 ਵਿੱਚ ਪਿਛਲੇ ਉੱਚ ਸਕੋਰ (ਨਾਬਾਦ 110) ਨੂੰ ਪਿੱਛੇ ਛੱਡ ਦਿੱਤਾ। ਸਟੈਨ ਦੇ ਇਸ ਓਵਰ ਵਿੱਚ 26 ਦੌੜਾਂ ਬਣੀਆਂ। ਰਾਹੁਲ ਨੇ ਦੁਬੇ ਦੀ ਪਾਰੀ ਦੀ ਆਖਰੀ 2 ਗੇਂਦਾਂ 'ਤੇ ਛੱਕੇ ਮਾਰ ਕੇ 23 ਦੌੜਾਂ ਬਣਾਈਆਂ।