ਸੈਂਟ ਜਾਨ (ਐਂਟੀਗਾ): ਵੈਸਟ ਇੰਡੀਜ਼ ਦੀ ਟੀਮ 3 ਮੈਚਾਂ ਦੀ ਟੈਸਟ ਲੜੀ ਦੇ ਲਈ ਐਂਟੀਗਾ ਤੋਂ ਇੰਗਲੈਂਡ ਪਹੁੰਚ ਗਈ ਹੈ। ਦੋਵੇਂ ਟੀਮਾਂ ਦੇ ਵਿਚਕਾਰ ਟੈਸਟ ਲੜੀ ਦੀ ਸ਼ੁਰੂਆਤ 8 ਜੁਲਾਈ ਤੋਂ ਹੋਵੇਗੀ।
ਵੈਸਟ ਇੰਡੀਜ਼ ਦੀ ਰਿਪੋਰਟ ਮੁਤਾਬਕ ਟੀਮ ਸੋਮਵਾਰ ਸ਼ਾਮ ਨੂੰ 2 ਚਾਰਟਰ ਜਹਾਜ਼ ਤੋਂ ਇੰਗਲੈਂਡ ਦੇ ਲਈ ਰਵਾਨਾ ਹੋਈ ਸੀ। ਇਸ ਵਿੱਚ ਖਿਡਾਰੀ ਅਤੇ ਟੀਮ ਦਾ ਸਟਾਫ਼ ਸ਼ਾਮਲ ਸੀ। ਵੈਸਟ ਇੰਡੀਜ਼ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਦੌਰੇ ਉੱਤੇ ਜਾਣ ਵਾਲੇ ਸਾਰੇ ਖਿਡਾਰੀਆਂ ਅਤੇ ਸਟਾਫ਼ ਦਾ ਪਿਛਲੇ ਹਫ਼ਤੇ ਹੀ ਕੋਵਿਡ-19 ਟੈਸਟ ਕੀਤਾ ਗਿਆ ਸੀ, ਜਿਸ ਵਿੱਚ ਸਾਰਿਆਂ ਦੀ ਰਿਪੋਰਟ ਨੈਗੇਟਿਵ ਆਈ ਹੈ।
ਮੰਗਲਵਾਰ ਨੂੰ ਮੈਨਚੈਸਟਰ ਪਹੁੰਚਣ ਤੋਂ ਬਾਅਦ ਇੱਕ ਵਾਰ ਫ਼ਿਰ ਤੋਂ ਪੂਰੀ ਟੀਮ ਦਾ ਕੋਵਿਡ-19 ਟੈਸਟ ਕੀਤਾ ਜਾਵੇਗੀ। ਇਸ ਤੋਂ ਬਾਅਦ ਉਹ 'ਬਾਇਓ ਸਿਕਓਰ' ਵਾਤਾਵਰਣ ਵਿੱਚ ਲੜੀ ਖੇਡੇਗੀ। ਇਸ ਦੇ ਤਹਿਤ ਟੀਮ ਜਿਸ ਥਾਂ ਉੱਤੇ ਹੈ, ਉਸ ਤੋਂ ਅੰਦਰ ਤੇ ਬਾਹਰ ਨਹੀਂ ਜਾ ਸਕੇਗੀ। ਟੀਮ ਦੇ ਨਾਲ ਰਿਜ਼ਰਵ ਖਿਡਾਰੀ ਵੀ ਆਏ ਹਨ, ਤਾਂਕਿ ਟੀਮ ਨੂੰ ਤਿਆਰੀ ਵਿੱਚ ਮਦਦ ਕਰ ਸਕਣ ਅਤੇ ਸੱਟ ਦੀ ਸਥਿਤੀ ਵਿੱਚ ਖਿਡਾਰੀ ਦਾ ਸਥਾਨ ਲੈ ਸਕਣ।
ਇੰਗਲੈਂਡ ਪਹੁੰਚਣ ਤੋਂ ਬਾਅਦ ਹੋਲਡਰ ਨੇ ਕਿਹਾ ਕਿ ਸਾਡਾ ਲੜੀ ਦੇ ਇੰਗਲੈਂਡ ਆਉਣਾ, ਇਹ ਕ੍ਰਿਕਟ ਅਤੇ ਖੇਡ ਵਿੱਚ ਇੱਕ ਵੱਡਾ ਕਦਮ ਹੈ। ਇਸ ਖੇਡ ਦਾ ਨਵਾਂ ਪੜਾਅ ਹੋਵੇਗਾ, ਇਸ ਲਈ ਇਸ ਦੀ ਤਿਆਰੀ ਦੇ ਲਈ ਕਾਫ਼ੀ ਮਿਹਨਤ ਕੀਤੀ ਗਈ ਹੈ।
ਦੋਵੇਂ ਟੀਮਾਂ ਦੇ ਵਿਚਕਾਰ ਪਹਿਲਾ ਟੈਸਟ 8 ਜੁਲਾਈ ਤੋਂ 12 ਜੁਲਾਈ ਦੇ ਵਿਚਕਾਰ ਸਾਉਥਹੈਂਪਟਨ ਵਿੱਚ ਖੇਡਿਆ ਜਾਵੇਗਾ। ਵੈਸਟ ਇੰਡੀਜ਼ ਅਤੇ ਇੰਗਲੈਂਡ ਦੇ ਵਿਚਕਾਰ 3 ਮੈਚਾਂ ਦੀ ਟੈਸਟ ਲੜੀ 8 ਜੁਲਾਈ ਤੋਂ ਸ਼ੁਰੂ ਹੋਵੇਗੀ। ਪਹਿਲਾ ਮੈਚ ਹੈਂਪਸ਼ਾਇਰ ਦੇ ਐਜੇਸ ਬਾਉਲ ਉੱਤੇ ਖੇਡਿਆ ਜਾਵੇਗਾ, ਜਦਕਿ ਦੂਸਰਾ ਅਤੇ ਤੀਸਰਾ ਮੈਚ ਓਲਡ ਟ੍ਰੈਫਰਡ ਮੈਦਾਨ ਉੱਤੇ ਖੇਡਿਆ ਜਾਵੇਗਾ।
ਵੈਸਟ ਇੰਡੀਜ਼ ਦੀ ਟੀਮ: ਜੇਸਨ ਹੋਲਡਰ (ਕਪਤਾਨ), ਜਰਮਨ ਬਲੈਕਵੁੱਡ, ਐਨਕੇਰੁਮਾਨਹ ਬੋਨਰ, ਕ੍ਰੈਗ ਬ੍ਰੈਥਵੇਟ, ਸ਼ਾਮਰ ਬਰੂਕਸ, ਜਾਨ ਕੈਂਪਬੇਲ, ਰੋਸਟਨ ਚੇਜ, ਰਖੀਮ ਕਾਰਨਵਾਲ, ਸ਼ੇਨ ਡਾਉਰਿਚ, ਕੇਮਾਰ ਹੋਲਡਰ, ਸ਼ਾਈ ਹੋਪ, ਅਲਜਾਰੀ ਜੋਸੇਫ, ਰੇਮਰ ਰੀਫ਼ਰ, ਕੇਮਾਰ ਰੋਚ।
