ਅਹਿਮਦਾਬਾਦ: ਦਿੱਗਜ ਤੇਜ਼ ਗੇਂਦਬਾਜ਼ ਜੇਮਜ਼ ਐਂਡਰਸਨ ਨੇ ਇੰਗਲੈਂਡ ਅਤੇ ਵੇਲਜ਼ ਕ੍ਰਿਕਟ ਬੋਰਡ (ਈ.ਸੀ.ਬੀ.) ਦੀ ਘੁੰਮਣ ਨੀਤੀ ਦੇ ਆਲੋਚਕਾਂ ਨੂੰ ਅਪੀਲ ਕੀਤੀ ਹੈ ਕਿ ਟੀਮ ਦੇ ਵਿਸਤਾਰਪੂਰਵਕ ਸੂਚੀ ਨੂੰ ਵੇਖਦਿਆਂ ਟੀਮ ਦੀ ਵਿਆਪਕ ਤਸਵੀਰ ਵੱਲ ਧਿਆਨ ਦਿੱਤਾ ਜਾਵੇ।
ਰੋਟੇਸ਼ਨ ਪਾਲਿਸੀ ਦੇ ਕਾਰਨ ਇੰਗਲੈਂਡ ਨੇ ਜੋਨੀ ਬੇਅਰਸਟੋ ਅਤੇ ਮਾਰਕ ਵੁੱਡ ਨੂੰ ਭਾਰਤ ਖ਼ਿਲਾਫ਼ ਪਹਿਲੇ 2 ਟੈਸਟ ਮੈਚਾਂ 'ਚੋਂ ਬਾਹਰ ਰੱਖਿਆ ਅਤੇ ਹੁਣ ਉਹ ਆਖਰੀ 2 ਟੈਸਟ ਮੈਚਾਂ ’ਚ ਵਾਪਸ ਆ ਗਏ ਹਨ। ਵਿਕਟਕੀਪਰ ਬੱਲੇਬਾਜ਼ ਜੋਸ ਬਟਲਰ ਪਹਿਲੇ ਟੈਸਟ ਤੋਂ ਬਾਅਦ ਵਾਪਸ ਪਰਤੇ ਜਦਕਿ ਆਲਰਾਊਂਡਰ ਮੋਇਨ ਅਲੀ ਦੂਜੇ ਮੈਚ ਤੋਂ ਬਾਅਦ ਘਰ ਪਰਤ ਗਏ।
ਐਂਡਰਸਨ ਨੇ ਕਿਹਾ, “ਤੁਹਾਨੂੰ ਵਿਆਪਕ ਤਸਵੀਰ ਨੂੰ ਵੇਖਣਾ ਚਾਹੀਦਾ ਹੈ। ਇਸ ਦੇ ਪਿੱਛੇ ਇਹ ਵਿਚਾਰ ਸੀ ਕਿ ਜੇ ਮੈਂ ਉਸ ਟੈਸਟ (ਦੂਜੇ ਮੈਚ) ਵਿੱਚ ਨਹੀਂ ਖੇਡਦਾ, ਤਾਂ ਮੈਨੂੰ ਗੁਲਾਬੀ ਗੇਂਦ ਵਾਲੇ ਟੈਸਟ ਮੈਂਚ ਲਈ ਵਧੇਰੇ ਤੰਦਰੁਸਤ ਹੋਕੇ ਮੈਦਾਨ ’ਚ ਉੱਤਰਨਾ ਹੋਵੇਗਾ।
ਕੇਵਿਨ ਪੀਟਰਸਨ ਸਮੇਤ ਕਈ ਸਾਬਕਾ ਖਿਡਾਰੀਆਂ ਨੇ ਈ.ਸੀ.ਬੀ. ਨੀਤੀ ਦੀ ਅਲੋਚਨਾ ਕਰਦਿਆਂ ਕਿਹਾ ਕਿ ਭਾਰਤ ਖ਼ਿਲਾਫ਼ ਸਭ ਤੋਂ ਵੱਡੀ ਲੜੀ ਵਿੱਚ ਆਪਣੇ ਸਰਬੋਤਮ ਖਿਡਾਰੀਆਂ ਨੂੰ ਮੈਦਾਨ ਵਿੱਚ ਉਤਾਰਨਾ ਚਾਹੀਦਾ ਹੈ।
ਐਂਡਰਸਨ ਨੇ ਸੀਰੀਜ਼ ਦੇ ਪਹਿਲੇ ਮੈਚ ਵਿੱਚ ਖੇਡੇ ਅਤੇ ਪੰਜ ਵਿਕਟਾਂ ਨਾਲ ਇੰਗਲੈਂਡ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਉਸ ਨੂੰ ਦੂਜੇ ਮੈਚ ਵਿੱਚ ਆਰਾਮ ਦਿੱਤਾ ਗਿਆ, ਜਿਸ ਨੂੰ ਭਾਰਤ ਨੇ 317 ਦੌੜਾਂ ਨਾਲ ਜਿੱਤ ਲਿਆ ਸੀ।
ਇਹ ਵੀ ਪੜੋ: ਮੋਤੇਰਾ ਸਟੇਡੀਅਮ MGC ਨੂੰ ਇਸ ਮਾਮਲੇ ’ਚ ਹਰਾ ਦੇਵੇਗਾ: ਸਟੂਅਰਟ ਬ੍ਰਾਡ
ਉਹਨਾਂ ਕਿਹਾ, "ਮੈਨੂੰ ਚੰਗਾ ਲੱਗਦਾ ਹੈ ਤੇ ਇਸ ਦੇ ਨਾਲ ਤਾਜ਼ਗੀ ਮਹਿਸੂਸ ਹੁੰਦੀ ਹੈ ਅਤੇ ਜੇ ਮੈਨੂੰ ਮੌਕਾ ਮਿਲਦਾ ਹੈ ਤਾਂ ਮੈਂ ਦੁਬਾਰਾ ਖੇਡਣ ਲਈ ਤਿਆਰ ਹਾਂ। ਇਹ ਥੋੜਾ ਨਿਰਾਸ਼ਾਜਨਕ ਹੈ ਪਰ ਜਿਸ ਕ੍ਰਿਕਟ ਨੂੰ ਖੇਡਣਾ ਹੈ, ਉਸ ਨੂੰ ਧਿਆਨ ਵਿੱਚ ਰੱਖਦਿਆਂ, ਮੈਂ ਵੱਡੀ ਤਸਵੀਰ ਵੇਖ ਸਕਦਾ ਹਾਂ।"
ਐਂਡਰਸਨ ਨੇ ਕਿਹਾ, "ਇਹ ਸਿਰਫ ਮੇਰੇ ਲਈ ਨਹੀਂ, ਸਾਰੇ ਗੇਂਦਬਾਜ਼ਾਂ ਲਈ ਇਕੋ ਜਿਹਾ ਹੈ। ਸਾਨੂੰ ਇਸ ਸਾਲ 17 ਟੈਸਟ ਮੈਚ ਖੇਡਣੇ ਹਨ ਅਤੇ ਆਪਣੇ ਸਰਬੋਤਮ ਖਿਡਾਰੀਆਂ ਨੂੰ ਤੰਦਰੁਸਤ ਰੱਖਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ ਉਨ੍ਹਾਂ ਨੂੰ ਆਪਸ ਵਿੱਚ ਕੁਝ ਆਰਾਮ ਦੇਣਾ ਚਾਹੀਦਾ ਹੈ।
