ਮੁੰਬਈ: ਸ਼੍ਰੀਲੰਕਾ ਦੇ ਦਿੱਗਜ ਤੇਜ਼ ਗੇਂਦਬਾਜ਼ ਲਸਿਥ ਮਲਿੰਗਾ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਉਹ ਇੰਡੀਅਨ ਪ੍ਰੀਮੀਅਰ ਲੀਗ ਦੇ 13ਵੇਂ ਐਡੀਸ਼ਨ ਲਈ ਉਪਲੱਬਧ ਨਹੀਂ ਹੋਣਗੇ। ਇਸ ਸਾਲ ਆਈ.ਪੀ.ਐਲ. ਦਾ ਆਯੋਜਨ 19 ਸਤੰਬਰ ਤੋਂ ਯੂ.ਏ.ਈ. ਵਿੱਚ ਹੋਣਾ ਹੈ।
ਆਈ.ਪੀ.ਐਲ. ਦੀ ਫਰੈਂਚਾਇਜ਼ੀ ਮੁੰਬਈ ਇੰਡੀਅਨਜ਼ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਆਸਟਰੇਲੀਆਈ ਤੇਜ਼ ਗੇਂਦਬਾਜ਼ ਜੇਮਸ ਪੈਟੀਨਸਨ ਆਉਣ ਵਾਲੇ ਸੀਜ਼ਨ ਵਿਚ ਮਲਿੰਗਾ ਦੀ ਜਗ੍ਹਾ ਲੈਣਗੇ।
ਮੁੰਬਈ ਇੰਡੀਅਨਜ਼ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ 'ਤੇ ਲਿਖਿਆ, "ਲਸਿਥ ਮਲਿੰਗਾ ਇਸ ਸੀਜ਼ਨ 'ਚ ਨਹੀਂ ਖੇਣਗੇ ਅਤੇ ਆਸਟਰੇਲੀਆ ਦੇ ਤੇਜ਼ ਗੇਂਦਬਾਜ਼ ਜੇਮਸ ਪੈਟੀਨਸਨ ਉਨ੍ਹਾਂ ਦੀ ਜਗ੍ਹਾ ਲੈਣਗੇ।"
ਫਰੈਂਚਾਇਜ਼ੀ ਨੇ ਪੁਸ਼ਟੀ ਕੀਤੀ ਕਿ ਮਲਿੰਗਾ ਨੇ ਨਿੱਜੀ ਕਾਰਨਾਂ ਕਰਕੇ ਟੂਰਨਾਮੈਂਟ ਤੋਂ ਬਾਹਰ ਜਾਣ ਦਾ ਫੈਸਲਾ ਕੀਤਾ ਹੈ। ਫ੍ਰੈਂਚਾਇਜ਼ੀ ਨੇ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ, “ਲਸਿਥ ਮਲਿੰਗਾ ਨੇ ਨਿੱਜੀ ਕਾਰਨਾਂ ਕਰਕੇ ਸੀਜ਼ਨ ਲਈ ਨਾ ਮੌਜੂਦ ਹੋਣ ਅਤੇ ਸ੍ਰੀਲੰਕਾ ਵਿੱਚ ਪਰਿਵਾਰ ਨਾਲ ਘਰ ਪਰਤਣ ਦੀ ਬੇਨਤੀ ਕੀਤੀ।” ਇਸ ਤੋਂ ਇਲਾਵਾ, ਫ੍ਰੈਂਚਾਇਜ਼ੀ ਨੇ ਇਹ ਵੀ ਪ੍ਰਗਟ ਕੀਤਾ ਕਿ ਇਸ ਹਫਤੇ ਦੇ ਅੰਤ ਵਿੱਚ ਪੈਟਨਸਨ ਵੀ ਟੀਮ 'ਚ ਸ਼ਾਮਲ ਹੋਣਗੇ।
ਮੁੰਬਈ ਇੰਡੀਅਨਜ਼ ਦੇ ਮਾਲਕ ਆਕਾਸ਼ ਅੰਬਾਨੀ ਨੇ ਕਿਹਾ, "ਜੇਮਜ਼ ਸਾਡੇ ਲਈ ਸਹੀ ਫਿੱਟ ਹਨ ਅਤੇ ਸਾਡੇ ਤੇਜ਼ ਹਮਲੇ ਦੇ ਵਿਕਲਪ ਦੇ ਤੌਰ 'ਤੇ ਉਪਲੱਬਧ ਹਨ, ਖ਼ਾਸਕਰ ਇਸ ਮੌਸਮ ਵਿੱਚ ਖੇਡਣ ਵਾਲੀਆਂ ਸਥਿਤੀਆਂ ਲਈ।"
ਦੱਸ ਦਈਏ ਕਿ ਲਸਿਥ ਮਲਿੰਗਾ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਵਿਕਟ ਲੈਣ ਵਾਲੇ ਖਿਡਾਰੀ ਹਨ। ਮਲਿੰਗਾ ਨੇ ਖੇਡੇ ਗਏ ਕੁੱਲ 122 ਮੈਚਾਂ ਵਿਚ 170 ਵਿਕਟਾਂ ਲਈਆਂ ਹਨ।
