ਜਲੰਧਰ: ਕੋਲਕਾਤਾ ਦੇ ਈਡਨ ਗਾਰਡਨ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਭਾਰਤ ਅਤੇ ਬੰਗਲਾਦੇਸ਼ ਦਾ ਮੈਚ 2 ਪੱਖਾਂ ਤੋਂ ਬੇਹੱਦ ਹੀ ਦਿਲਚਸਪ ਮੰਨਿਆ ਜਾ ਰਿਹਾ ਹੈ। ਪਹਿਲਾਂ ਤਾਂ ਇਹ ਕਿ ਪਹਿਲੀ ਵਾਰੀ ਭਾਰਤ ਵਿੱਚ ਡੇਅ ਐਂਡ ਨਾਈਟ ਟੈਸਟ ਮੈਚ ਖੇਡਿਆ ਰਿਹਾ ਹੈ ਤੇ ਦੂਜਾ ਇਹ ਕਿ ਇਸ ਵਾਰ ਦਾ ਮੈਚ ਲਾਲ ਰੰਗ ਦੀ ਗੇਂਦ ਨਾਲ ਨਹੀਂ ਬਲਕਿ ਗੁਲਾਬੀ ਰੰਗ ਦੀ ਗੇਂਦ ਨਾਲ ਖੇਡਿਆ ਜਾ ਰਿਹਾ ਹੈ। ਭਾਰਤੀ ਕ੍ਰਿਕਟ ਟੀਮ ਪਹਿਲੀ ਵਾਰ ਮੈਚ 'ਚ ਗੁਲਾਬੀ ਰੰਗ ਦੀ ਗੇਂਦ ਦਾ ਇਸਤੇਮਾਲ ਕਰੇਗੀ।
ਹਾਲਾਂਕਿ ਸ਼ੁੱਕਰਵਾਰ ਨੂੰ ਕਲਕੱਤਾ 'ਚ ਖੇਡੇ ਜਾ ਰਹੇ ਮੈਚ 'ਚ ਜੋ ਗੁਲਾਬੀ ਗੇਂਦ ਦਾ ਇਸਤੇਮਾਲ ਹੋ ਰਿਹਾ ਹੈ, ਉਸ ਦਾ ਨਿਰਮਾਨ ਜਲੰਧਰ ਵਿੱਚ ਨਹੀਂ ਹੋਇਆ ਹੈ। ਪਰ ਇਸ ਦੇ ਬਾਵਜੂਦ ਜਲੰਧਰ 'ਚ ਕ੍ਰਿਕਟ ਦੀ ਗੇਂਦ ਬਣਾਉਣ ਵਾਲੀਆਂ 'ਚ ਬਹੁਤ ਖੁਸ਼ੀ ਦਾ ਮਾਹੌਲ ਹੈ।
ਇਸ ਮੌਕੇ ਕ੍ਰਿਕਟ ਗੇਂਦ ਨਿਰਮਾਤਾ ਪਵਨ ਕੁਮਾਰ ਨੇ ਦੱਸਿਆ ਕਿ ਗੁਲਾਬੀ ਰੰਗ ਦੀ ਕ੍ਰਿਕਟ ਗੇਂਦ ਲਾਲ ਰੰਗ ਦੀ ਕ੍ਰਿਕਟ ਗੇਂਦ ਨਾਲੋਂ ਬਹੁਤ ਅਲੱਗ ਹੈ।
ਜਾਣੋਂ ਗੁਲਾਬੀ ਗੇਂਦ ਦੀਆਂ ਖਾਸੀਆਤ
- ਗੁਲਾਬੀ ਰੰਗ ਦੀ ਕ੍ਰਿਕਟ ਗੇਂਦ ਲਾਲ ਰੰਗ ਦੀ ਗੇਂਦ ਦੇ ਮੁਕਾਬਲੇ ਜ਼ਿਆਦਾ ਸਵਿੰਗ ਕਰਦੀ ਹੈ।
- ਮੈਚ ਰਾਤ ਦੇ ਸਮੇਂ ਖੇਡੇ ਜਾਣ ਕਰਕੇ ਇਸ ਦੀ ਵੇਵਲੈਂਥ ਵੀ ਲਾਲ ਗੇਂਦ ਦੇ ਮੁਕਾਬਲੇ ਜ਼ਿਆਦਾ ਹੈ। ਇਸ ਨਾਲ ਖਿਡਾਰੀਆਂ ਨੂੰ ਜ਼ਿਆਦਾ ਪ੍ਰੇਸ਼ਾਨੀ ਦਾ ਸਾਹਮਣਾ ਨਹੀਂ ਕਰਨਾ ਪੈਂਦਾ।
ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡੇ ਜਾ ਰਹੇ ਮੈਚ 'ਚ ਗੁਲਾਬੀ ਰੰਗ ਦੀ ਗੇਂਦ ਦੇ ਇਸਤੇਮਾਲ ਹੋਣ 'ਤੇ ਖੇਡ ਨਿਰਮਾਤਾਵਾਂ ਖਾਸੀ ਖੁਸ਼ੀ ਦੀ ਲਹਿਰ ਵੇਖਣ ਨੂੰ ਮਿਲ ਰਹੀ ਹੈ। ਨਿਰਮਾਤਾਵਾਂ ਮੁਤਾਬਕ ਖੇਡੇ ਜਾ ਰਹੇ ਟੈਸਟ ਮੈਚ ਵਿੱਚ ਗੁਲਾਬੀ ਗੇਂਦ ਦੀ ਅਨਾਊਂਸਮੈਂਟ ਤੋਂ ਬਾਅਦ ਉਨ੍ਹਾਂ ਨੂੰ ਗੁਲਾਬੀ ਗੇਂਦ ਦੇ ਖੂਬ ਸਾਰੇ ਆਰਡਰ ਮਿਲ ਰਹੇ ਹਨ।
