ਨਵੀਂ ਦਿੱਲੀ: ਆਸਟ੍ਰੇਲੀਆ ਦੌਰੇ 'ਤੇ ਗਈ ਮੌਜੂਦਾ ਭਾਰਤੀ ਟੈਸਟ ਟੀਮ ਥੋੜੀ ਕਿਸਮਤ ਵਾਲੀ ਹੈ ਕਿ ਇਸ ਵਾਰ ਉਨ੍ਹਾਂ ਕੋਲ ਉਹ 2 ਸਪਿਨਰ ਹਨ, ਜਿਨ੍ਹਾਂ ਨੇ ਪਿਛਲੀ ਬਾਰ ਆਸਟ੍ਰੇਲੀਆ ਦਾ ਦੌਰਾ ਕੀਤਾ ਸੀ।
ਇਸ ਤੋਂ ਪਹਿਲਾਂ ਦੌਰਾ ਅਲਗ ਹੁੰਦਾ ਸੀ ਤੇ ਇਸ ਨਾਲ ਖਿਡਾਰੀਆਂ, ਖ਼ਾਸਕਰ ਸਪਿਨਰਾਂ ਲਈ ਚੀਜ਼ਾ ਮੁਸ਼ਕਲ ਹੋ ਗਈਆਂ ਸਨ। ਜਦੋਂ ਤੱਕ ਉਹ ਪਿੱਚਾਂ ਦੇ ਨਾਲ ਤਾਲਮੇਲ ਬਿਠਾਉਣਗੇ, ਉਸ ਵੇਲੇ ਤੱਕ ਦੌਰਾ ਖ਼ਤਮ ਹੋ ਜਾਵੇਗਾ। ਪਹਿਲਾ ਦੇ ਸਪਿਨਰ ਇਸ ਨਾਲ ਸੰਘਰਸ਼ ਕਰ ਚੁੱਕੇ ਹਨ।
ਭਾਰਤ ਦੇ 2 ਸਰਬੋਤਮ ਸਪਿਨਰਾਂ ਵਿਚੋਂ ਇੱਕ ਕੁਲਦੀਪ ਯਾਦਵ ਅਤੇ ਰਵੀਚੰਦਰਨ ਅਸ਼ਵਿਨ ਨੂੰ 17 ਦਸੰਬਰ ਤੋਂ ਐਡੀਲੇਡ ਵਿੱਚ ਸ਼ੁਰੂ ਹੋਣ ਵਾਲੇ ਪਹਿਲੇ ਟੈਸਟ ਮੈਚ ਵਿੱਚ ਮੌਕਾ ਦਿੱਤਾ ਜਾ ਸਕਦਾ ਹੈ।ਜਦੋਂ ਭਾਰਤ ਨੇ ਆਖਰੀ ਵਾਰ 2018-19 ਵਿੱਚ ਆਸਟ੍ਰੇਲੀਆ ਦਾ ਦੌਰਾ ਕੀਤਾ ਸੀ, ਤਾਂ ਕੁਲਦੀਪ ਨੇ ਜਨਵਰੀ ਵਿੱਚ ਸਿਡਨੀ ਟੈਸਟ ਦੀ ਪਹਿਲੀ ਪਾਰੀ ਵਿੱਚ ਪੰਜ ਵਿਕਟਾਂ ਲਈਆਂ ਸਨ। ਉਨ੍ਹਾਂ ਤੋਂ ਇਲਾਵਾ ਅਸ਼ਵਿਨ ਨੇ ਐਡੀਲੇਡ ਵਿੱਚ ਦੋਵਾਂ ਪਾਰੀਆਂ ਵਿੱਚ 6 ਵਿਕਟਾਂ ਲਈਆਂ ਸੀ। ਪਰ ਇਸ ਵਾਰ ਅਸ਼ਵਿਨ ਨੂੰ ਟੀਮ ਵਿੱਚ ਜਗ੍ਹਾ ਬਣਾਉਣ ਲਈ ਕੁਲਦੀਪ ਨਾਲ ਮੁਕਾਬਲਾ ਕਰਨਾ ਪਏਗਾ।
2003-04 ਅਤੇ 2007-08 ਵਿੱਚ 2 ਵਾਰ ਆਸਟ੍ਰੇਲੀਆ ਦਾ ਦੌਰਾ ਕਰ ਚੁੱਕੇ ਸਾਬਕਾ ਭਾਰਤੀ ਆਫ ਸਪਿਨਰ ਹਰਭਜਨ ਸਿੰਘ ਨੇ ਇਸ ਗੱਲ ਨੂੰ ਵਿਸਥਾਰ ਵਿੱਚ ਦੱਸਿਆ ਹੈ ਕਿ ਆਸਟ੍ਰੇਲੀਆ ਵਿੱਚ ਗੇਂਦਬਾਜ਼ੀ ਕਰਨੀ ਕਿਉਂ ਮੁਸ਼ਕਲ ਹੈ।
ਇੱਕ ਨਿਊਜ਼ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਹਰਭਜਨ ਨੇ ਕਿਹਾ, “ਆਸਟ੍ਰੇਲੀਆ ਵਿੱਚ ਗੇਂਦਬਾਜ਼ੀ ਕਰਨਾ ਮੁਸ਼ਕਲ ਹੈ ਕਿਉਂਕਿ ਦੌਰਾ ਉਦੋਂ ਤੱਕ ਖ਼ਤਮ ਹੋ ਜਾਂਦਾ ਹੈ ਜਦੋਂ ਤੱਕ ਅਸੀਂ ਉਥੇ ਵਿਕਟਾਂ ਨਾਲ ਆਪਣਾ ਤਾਲਮੇਲ ਬਿਠਾਉਂਦੇ ਹਾਂ। ਹਰ ਚਾਰ-ਪੰਜ ਸਾਲਾਂ ਵਿੱਚ ਤੁਸੀਂ ਟੂਰ ਕਰੋਗੇ। ਉਨ੍ਹਾਂ ਦੇ ਸਪਿਨਰਾਂ ਨੂੰ ਹੋਰ ਸਫਲਤਾ ਮਿਲੇਗੀ ਕਿਉਂਕਿ ਉਹ ਹਾਲਤਾਂ ਨੂੰ ਬਿਹਤਰ ਜਾਣਦੇ ਹਨ ਅਤੇ ਇਹ ਉਨ੍ਹਾਂ ਦਾ ਘਰ ਹੈ।”
ਹਰਭਜਨ ਨੇ ਸਪਿਨਰਾਂ ਨੂੰ ਸਲਾਹ ਦਿੰਦੇ ਹੋਏ ਕਿਹਾ, “ਸਪਿਨਰਾਂ ਨੂੰ ਜਿੰਨੀ ਜਲਦੀ ਹੋ ਸਕੇ ਆਪਣੀ ਲੰਬਾਈ ਨੂੰ ਅਨੁਕੂਲ ਕਰਨ ਦੀ ਜ਼ਰੂਰਤ ਹੋਏਗੀ। ਨਾਲ ਹੀ ਉਨ੍ਹਾਂ ਨੂੰ ਸਾਈਡ ਸਪਿਨ ਉੱਤੇ ਨਿਰਭਰ ਨਹੀਂ ਕਰਨਾ ਚਾਹੀਦਾ ਕਿਉਂਕਿ ਤੁਸੀਂ ਅਜਿਹਾ ਨਹੀਂ ਕਰ ਸਕੋਗੇ। ਜੇ ਅਜਿਹਾ ਹੁੰਦਾ ਹੈ ਤਾਂ ਇਸ ਦਾ ਫਾਇਦਾ ਹੋਵੇਗਾ।" ਪਰ ਤੁਹਾਨੂੰ ਇਸ 'ਤੇ ਜ਼ਿਆਦਾ ਨਿਰਭਰ ਨਹੀਂ ਕਰਨ ਦੀ ਲੋੜ ਹੈ। ਉਛਾਲ ਹਾਸਲ ਕਰਨ ਲਈ ਭਾਰਤੀ ਸਪਿਨਰਾਂ ਨੂੰ ਥੋੜੀ ਹੌਲੀ ਗੇਂਦਬਾਜ਼ੀ ਕਰਨ ਦੀ ਜ਼ਰੂਰਤ ਹੈ।"
