ਨਵੀਂ ਦਿੱਲੀ: ਆਪਣੇ ਸੋਧ ਕੀਤੇ ਕੈਲੰਡਰ ਵਿੱਚ 5 ਮਹੀਨੇ ਵਿੱਚ 22 ਟੂਰਨਾਮੈਂਟ ਪਾਉਣ ਦੇ ਲਈ ਆਲੋਚਨਾ ਦਾ ਸਾਹਮਣਾ ਕਰ ਰਹੇ ਵਿਸ਼ਵ ਬੈਡਮਿੰਟਨ ਮਹਾਂਸੰਘ ਨੇ ਬੁੱਧਵਾਰ ਨੂੰ ਕਿਹਾ ਕਿ ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਕਾਰਨ ਰੁਕੀਆਂ ਹੋਈਆਂ ਓਲੰਪਿਕ ਕੁਆਲੀਫ਼ਿਕੇਸ਼ਨ ਪ੍ਰਕਿਰਿਆਵਾਂ ਅਗਲੇ ਸਾਲ ਫ਼ਿਰ ਸ਼ੁਰੂ ਹੋਣਗੀਆਂ, ਜਿਸ ਵਿੱਚ ਖਿਡਾਰੀਆਂ ਦੇ ਪਹਿਲਾਂ ਵਾਲੇ ਰੈਂਕਿੰਗ ਅੰਕ ਬਰਕਰਾਰ ਰਹਿਣਗੇ।
ਬੀਡਬਲਿਊਐਫ਼ ਨੇ ਕਿਹਾ ਕਿ ਇਸ ਸਾਲ ਸੋਧ ਕੀਤੇ ਕੈਲੰਡਰ ਵਿੱਚ ਐਲਾਨੇ ਟੂਰਨਾਮੈਂਟ ਓਲੰਪਿਕ ਕੁਆਲੀਫ਼ਾਇਰ ਨਹੀਂ ਮੰਨੇ ਜਾਣਗੇ। ਖਿਡਾਰੀਆਂ ਨੇ ਪ੍ਰੋਗਰਾਮ ਨੂੰ ਅਤਿ ਵਿਅਸਤ ਦੱਸਦੇ ਹੋਏ ਇਸ ਦੀ ਕਾਫ਼ੀ ਆਲੋਚਨਾ ਕੀਤੀ ਸੀ।
ਬੀਡਬਲਿਊਐੱਫ਼ ਨੇ ਇੱਕ ਵਿਗਿਆਪਨ ਵਿੱਚ ਕਿਹਾ ਕਿ ਵਧੀ ਹੋਈ ਕੁਆਲੀਫ਼ਿਕੇਸ਼ਨ ਮਿਆਦ 2021 ਵਿੱਚ ਪਹਿਲੇ ਤੋਂ 17ਵੇਂ ਹਫ਼ਤੇ ਦੇ ਵਿਚਕਾਰ ਹੋਵੇਗੀ। ਇਸ ਵਿੱਚ ਮੁਲਤਵੀ ਹੋਏ, ਰੋਕੇ ਗਏ ਅਤੇ ਰੱਦ ਕੀਤੇ ਗਏ ਟੂਰਨਾਮੈਂਟ ਕਰਵਾਏ ਜਾਣਗੇ। ਇਹ ਸਾਰੇ ਟੂਰਨਾਮੈਂਟ 2021 ਦੇ 17ਵੇਂ ਹਫ਼ਤੇ ਤੋਂ ਪਹਿਲਾਂ ਹੀ ਹੋ ਜਾਣੇ ਚਾਹੀਦੇ।
ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਕਾਰਨ ਅੰਤਰ-ਰਾਸ਼ਟਰੀ ਕੈਲੰਡਰ ਹਿੱਲ ਗਿਆ ਹੈ। ਬੈਡਮਿੰਟਨ ਮਹਾਂਸੰਘ ਇੱਕ ਸਾਲ ਦੀ ਕੁਆਲੀਫ਼ਾਇੰਗ ਮਿਆਦ ਵਿੱਚੋਂ ਆਖ਼ਰੀ 6 ਹਫ਼ਤਿਆਂ ਦੇ ਟੂਰਨਾਮੈਂਟ ਨਹੀਂ ਕਰਵਾ ਸਕਿਆ ਸੀ। ਇਸ ਵਿੱਚ ਕਿਹਾ ਗਿਆ ਕਿ ਮੁਲਤਵੀ ਓਲੰਪਿਕ ਕੁਆਲੀਫ਼ਾਇਰ ਮੁਕਾਬਲੇ ਅਗਲੇ ਸਾਲ ਵੀ ਉਸੇ ਹਫ਼ਤੇ ਹੋਣਗੇ, ਜਿਸ ਸਮੇਂ 2020 ਵਿੱਚ ਹੋਣੇ ਸਨ।
ਮਹਾਂਸੰਘ ਨੇ ਇਹ ਵੀ ਕਿਹਾ ਕਿ 29 ਅਪ੍ਰੈਲ, 2019 ਤੋਂ 26 ਅਪ੍ਰੈਲ 2020 ਦੇ ਵਿਚਕਾਰ ਖਿਡਾਰੀਆਂ ਵੱਲੋਂ ਹਾਸਲ ਕੀਤੇ ਗਏ ਰੈਂਕਿੰਗ ਅੰਕ ਵੀ ਬਰਕਰਾਰ ਰੱਖੇ ਜਾਣਗੇ।
ਬੀਡਬਲਿਊਐੱਫ਼ ਨੇ ਵਿਸ਼ਵ ਰੈਂਕਿੰਗ ਉੱਤੇ ਰੋਕ ਲਾ ਦਿੱਤੀ ਸੀ ਅਤੇ 17 ਮਾਰਚ ਦੀ ਰੈਂਕਿੰਗ ਨੂੰ ਖੇਡ ਦੀ ਬਹਾਲੀ ਦੇ ਸਮੇਂ ਟੂਰਨਾਮੈਂਟਾਂ ਵਿੱਚ ਪ੍ਰਵੇਸ਼ ਅਤੇ ਜਿੱਤ ਦਾ ਆਧਾਰ ਬਣਾਇਆ ਸੀ। ਇਸ ਨੇ ਪਿਛਲੇ ਹਫ਼ਤੇ 2020 ਦੇ ਬਾਕੀ ਪੱਧਰ ਦੇ ਲਈ ਸੋਧਿਤ ਕੈਲੰਡਰ ਜਾਰੀ ਕੀਤਾ ਸੀ।
