ਹੈਦਰਾਬਾਦ: ਸਿਧਾਰਥ ਸ਼ੁਕਲਾ ਦੀ ਮੌਤ ਤੋਂ ਬਾਅਦ ਲਾਪਤਾ ਹੋਈ ਸ਼ਹਿਨਾਜ਼ ਗਿੱਲ ਜਲਦ ਹੀ ਕੰਮ 'ਤੇ ਵਾਪਸ ਆਉਣ ਦੀ ਖ਼ਬਰ ਹੈ। ਇੱਕ ਮਹੀਨੇ ਤੋਂ ਵੱਧ ਸਮੇਂ ਤੋਂ ਪ੍ਰਸ਼ੰਸਕਾਂ ਤੋਂ ਦੂਰ ਰਹੀ ਸ਼ਹਿਨਾਜ਼ ਜਲਦ ਹੀ ਸ਼ੂਟਿੰਗ ਵਿੱਚ ਵਾਪਸੀ ਕਰਨ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਹਿਨਾਜ਼ ਹੁਣ ਆਪਣੀ ਪੰਜਾਬੀ ਫਿਲਮ 'ਹੋਂਸਲਾ ਰੱਖ' ਦੇ ਗੀਤ ਦੀ ਸ਼ੂਟਿੰਗ ਲਈ ਤਿਆਰ ਹੈ। ਜਿਸ ਵਿੱਚ ਦਿਲਜੀਤ ਦੋਸਾਂਝ, ਸੋਨਮ ਬਾਜਵਾ ਅਤੇ ਚਾਈਲਡ ਸਟਾਰ ਸ਼ਿੰਦਾ ਗਰੇਵਾਲ ਵੀ ਹਨ। ਫਿਲਮ ਵਿੱਚ ਸ਼ਹਿਨਾਜ਼ ਦੇ ਬੇਟੇ ਦਾ ਕਿਰਦਾਰ ਨਿਭਾਉਣ ਵਾਲੇ ਸ਼ਿੰਦਾ ਨੇ ਫਿਲਮ ਦੇ ਸੈੱਟ ਤੋਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੀਆਂ ਕੀਤੀਆਂ ਹਨ, ਜੋ ਸੋਸ਼ਲ ਮੀਡੀਆ ਉੱਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਹਾਲ ਹੀ 'ਚ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ' ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਜਿਸ ਵਿੱਚ ਉਹ ਇੱਕ ਐਪ ਉੱਤੇ 'ਗੈੱਸ ਦਿ ਕਰੈਕਟਰ' ਗੇਮ ਖੇਡਦੇ ਹੋਏ ਨਜ਼ਰ ਆਏ।
- " class="align-text-top noRightClick twitterSection" data="
">
ਉੱਥੇ ਹੀ, ਪ੍ਰਸ਼ੰਸਕ ਵੀਡੀਓ ਦੇਖ ਕੇ ਅੰਦਾਜ਼ਾ ਲਗਾ ਰਹੇ ਹਨ ਕਿ ਉਹ ਗੇਮ 'ਅਕਿਨੇਟਰ' ਖੇਡ ਰਹੇ ਸਨ ਜੋ ਇਹ ਅੰਦਾਜ਼ਾ ਲਗਾਉਣ ਦੀ ਕੋਸ਼ਿਸ਼ ਕਰਦਾ ਹੈ ਕਿ ਖਿਡਾਰੀ ਕਿਸ ਪ੍ਰਕਾਰ ਦੇ ਕਾਲਪਨਿਕ ਜਾਂ ਅਸਲ ਜੀਵਤ ਵਿਅਕਤੀ ਬਾਰੇ ਸੋਚ ਰਿਹਾ ਹੈ। ਇਸ ਗੇਮ ਵਿੱਚ ਸ਼ਿੰਦਾ ਗਰੇਵਾਲ ਨੇ ਸ਼ਹਿਨਾਜ਼ ਗਿੱਲ ਤੋਂ ਕਈ ਪ੍ਰਸ਼ਨ ਪੁੱਛੇ, ਅਖੀਰ ਵਿੱਚ ਸ਼ਹਿਨਾਜ਼ ਦੀ ਗੇਮ ਤੋਂ ਅੰਤਿਮ ਜਵਾਬ ਅਭਿਨੇਤਰੀ ਦੇ ਨਾਮ ਸੀ। ਐਪ ਨੇ ਉਸ ਦਾ ਸਹੀ ਨਾਂ 'ਸ਼ਹਿਨਾਜ਼ ਕੌਰ ਗਿੱਲ ਸ਼ੁਕਲਾ' ਰੱਖਿਆ ਹੈ। ਇਹ ਸੁਣ ਕੇ ਅਭਿਨੇਤਰੀ ਹੱਸ ਪਈ। ਸ਼ਹਿਨਾਜ਼ ਗਿੱਲ ਦੇ ਪ੍ਰਸ਼ੰਸਕ ਇਸ ਵੀਡੀਓ ਨੂੰ ਬਹੁਤ ਪਸੰਦ ਕਰ ਰਹੇ ਹਨ। ਪ੍ਰਸ਼ੰਸਕ ਲਗਾਤਾਰ ਇਸ 'ਤੇ ਟਿੱਪਣੀ ਕਰਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਪ੍ਰਸ਼ੰਸਕ ਨੇ ਲਿਖਿਆ, 'ਵਾਹ ਬਹੁਤ ਪਿਆਰੀ ਸ਼ਿੰਦਾ ਗਰੇਵਾਲ।' ਇਕ ਹੋਰ ਪ੍ਰਸ਼ੰਸਕ ਨੇ ਟਿੱਪਣੀ ਕਰਦਿਆਂ ਕਿਹਾ, 'ਹਾਏ ਮੇਰੀ ਸ਼ਹਿਨਾਜ਼ ਗਿੱਲ।'
- " class="align-text-top noRightClick twitterSection" data="
">
ਸੂਤਰਾਂ ਮੁਤਾਬਿਕ ਸ਼ਹਿਨਾਜ਼ ਇਹ ਸ਼ੂਟਿੰਗ 7 ਅਕਤੂਬਰ ਨੂੰ ਯੂਨਿਟ ਨਾਲ ਕਰੇਗੀ। ਇਸ ਫਿਲਮ ਵਿੱਚ ਸ਼ਹਿਨਾਜ਼ ਗਿੱਲ ਦੇ ਨਾਲ ਦਿਲਜੀਤ ਦੋਸਾਂਝ ਅਤੇ ਸੋਨਮ ਬਾਜਵਾ ਵੀ ਮੁੱਖ ਭੂਮਿਕਾ ਵਿੱਚ ਹਨ। ਇਸ ਸਾਲ ਦੇ ਸ਼ੁਰੂ ਵਿੱਚ, ਸ਼ਹਿਨਾਜ਼ ਇਸ ਫਿਲਮ ਦੀ ਸ਼ੂਟਿੰਗ ਲਈ ਕੈਨੇਡਾ ਗਈ ਸੀ, ਜਿੱਥੋਂ ਉਸਨੇ ਕਈ ਵੀਡੀਓ ਅਤੇ ਫੋਟੋਆਂ ਵੀ ਸਾਂਝੀਆਂ ਕੀਤੀਆਂ।
ਕਾਬਿਲੇਗੌਰ ਹੈ ਕਿ ਸ਼ਹਿਨਾਜ਼ ਗਿੱਲ ਬਾਰੇ ਅਫਵਾਹਾਂ ਸਨ ਕਿ ਉਹ ਅਦਾਕਾਰ ਸਿਧਾਰਥ ਸ਼ੁਕਲਾ ਨਾਲ ਰਿਸ਼ਤੇ ਵਿੱਚ ਸੀ। ਕਥਿਤ ਤੌਰ 'ਤੇ ਸਿਧਾਰਥ ਨੇ 2 ਸਤੰਬਰ ਨੂੰ ਉਨ੍ਹਾਂ ਦੀ ਗੋਦ ’ਚ ਆਖਰੀ ਸਾਹ ਲਿਆ। ਉਹ ਕਥਿਤ ਤੌਰ 'ਤੇ ਇਸ ਸਾਲ ਦਸੰਬਰ ਵਿੱਚ ਵਿਆਹ ਕਰਨ ਦੀ ਯੋਜਨਾ ਵੀ ਬਣਾ ਰਹੇ ਸੀ। ਸ਼ੁਕਲਾ ਦੇ ਦੇਹਾਂਤ ਤੋਂ ਬਾਅਦ, ਸ਼ਹਿਨਾਜ਼ ਸਦਮੇ ਦੀ ਸਥਿਤੀ ਵਿੱਚ ਹੈ, ਅਤੇ ਮੀਡੀਆ ਤੋਂ ਵੀ ਦੂਰ ਹੈ।
ਇਹ ਵੀ ਪੜੋ: Drugs case : ਆਰੀਅਨ ਖ਼ਾਨ ਸਣੇ 3 ਦੋਸ਼ੀਆਂ ਦੀ 7 ਅਕਤੂਬਰ ਤੱਕ ਵੱਧੀ NCB ਰਿਮਾਂਡ
