ਹੈਦਰਾਬਾਦ: 'ਦ ਕਸ਼ਮੀਰ ਫਾਈਲਜ਼' ਦਾ ਬਾਕਸ ਆਫਿਸ ਕਲੈਕਸ਼ਨ ਦਿਨ-ਬ-ਦਿਨ ਵੱਧਦਾ ਜਾ ਰਿਹਾ ਹੈ। ਫਿਲਮ ਨੇ 5 ਦਿਨਾਂ ਵਿੱਚ ਉਮੀਦ ਤੋਂ ਵੱਧ 60 ਕਰੋੜ ਦੀ ਕਮਾਈ ਕਰ ਲਈ ਹੈ। ਫਿਲਮ ਨੇ ਪਹਿਲੇ ਦਿਨ 3.5 ਕਰੋੜ ਦੀ ਕਮਾਈ ਕੀਤੀ ਸੀ। ਫਿਲਮ ਦੀ ਦਿਨ-ਬ-ਦਿਨ ਵਧਦੀ ਕਮਾਈ ਨੂੰ ਦੇਖਦੇ ਹੋਏ ਵਪਾਰ ਮਾਹਿਰਾਂ ਦਾ ਮੰਨਣਾ ਹੈ ਕਿ ਫਿਲਮ ਬਾਕਸ ਆਫਿਸ 'ਤੇ 350 ਕਰੋੜ ਰੁਪਏ ਦਾ ਕਲੈਕਸ਼ਨ ਕਰ ਸਕਦੀ ਹੈ। 'ਦ ਕਸ਼ਮੀਰ ਫਾਈਲਜ਼' ਇਸ ਸਮੇਂ ਦੇਸ਼ ਦਾ ਭਖਦਾ ਮੁੱਦਾ ਬਣ ਗਿਆ ਹੈ, ਜਿਸ ਕਾਰਨ ਇਸ ਦੀ ਕਮਾਈ ਰੋਜ਼ਾਨਾ ਵੱਧ ਰਹੀ ਹੈ।
ਫਿਲਮ 'ਦ ਕਸ਼ਮੀਰ ਫਾਈਲਜ਼' 11 ਮਾਰਚ ਨੂੰ ਦੇਸ਼ ਭਰ ਦੇ ਚੋਣਵੇਂ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਫਿਲਮ ਟਰੇਂਡ ਐਨਾਲਿਸਟ ਤਰਨ ਆਦਰਸ਼ ਅਨੁਸਾਰ ਫਿਲਮ ਨੇ ਪਹਿਲੇ ਦਿਨ 3.55 ਕਰੋੜ, ਦੂਜੇ ਦਿਨ (13 ਮਾਰਚ) 8.50 ਕਰੋੜ ਅਤੇ ਤੀਜੇ ਦਿਨ (13 ਮਾਰਚ) 15.10 ਕਰੋੜ, ਚੌਥੇ ਦਿਨ (14 ਮਾਰਚ) 15.05 ਕਰੋੜ ਦੀ ਕਮਾਈ ਕੀਤੀ ਹੈ। ਅਤੇ ਪੰਜਵੇਂ ਦਿਨ (15 ਮਾਰਚ) ਨੂੰ 18 ਕਰੋੜ ਰੁਪਏ ਕਮਾਏ ਸਨ। ਪੰਜ ਦਿਨਾਂ 'ਚ ਫਿਲਮ ਦੀ ਕੁੱਲ ਕਮਾਈ 60.20 ਕਰੋੜ ਰੁਪਏ ਦੱਸੀ ਗਈ ਹੈ। ਬਾਕਸ ਆਫਿਸ 'ਤੇ ਫਿਲਮ ਦੀ ਕਮਾਈ ਅਜੇ ਵੀ ਵੱਧ ਰਹੀ ਹੈ।
ਇਸ ਦੇ ਨਾਲ ਹੀ ਵਪਾਰ ਮਾਹਿਰਾਂ ਦਾ ਮੰਨਣਾ ਹੈ ਕਿ ਦੇਸ਼ ਭਰ 'ਚ 'ਦ ਕਸ਼ਮੀਰ ਫਾਈਲਜ਼' ਦੀ ਚਰਚਾ ਤੇਜ਼ ਹੋਣ ਕਾਰਨ ਲੋਕਾਂ 'ਚ ਇਸ ਫਿਲਮ ਨੂੰ ਦੇਖਣ ਦੀ ਉਤਸੁਕਤਾ ਵੱਧ ਗਈ ਹੈ। ਅਜਿਹੇ 'ਚ ਫਿਲਮ ਬਾਕਸ ਆਫਿਸ 'ਤੇ 300 ਤੋਂ 350 ਕਰੋੜ ਦੀ ਕਮਾਈ ਕਰਨ 'ਚ ਸਫਲ ਹੋ ਸਕਦੀ ਹੈ।
ਟਰੇਂਡ ਮਾਹਿਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਜਿਸ ਤਰ੍ਹਾਂ ਫਿਲਮ ਦੀ ਕਮਾਈ ਦਿਨ-ਬ-ਦਿਨ ਵੱਧ ਰਹੀ ਹੈ, ਉਸ ਹਿਸਾਬ ਨਾਲ ਫਿਲਮ ਅਗਲੇ ਵੀਕੈਂਡ ਤੱਕ 200 ਕਰੋੜ ਰੁਪਏ ਤੱਕ ਦੀ ਕਮਾਈ ਕਰ ਲਵੇਗੀ।
ਇਹ ਵੀ ਪੜ੍ਹੋ: ਆਮਿਰ ਅਤੇ ਅਨੁਸ਼ਕਾ ਸਪੈਨਿਸ਼ ਫਿਲਮ 'ਚੈਂਪੀਅਨ' ਦੇ ਰੀਮੇਕ 'ਚ ਫਿਰ ਨਜ਼ਰ ਆਉਣਗੇ ਇਕੱਠੇ
ਫਿਲਮ 'ਦ ਕਸ਼ਮੀਰ ਫਾਈਲਜ਼' 1990 ਵਿੱਚ ਕਸ਼ਮੀਰ ਵਿੱਚ ਕਸ਼ਮੀਰੀ ਪੰਡਿਤਾਂ ਦੇ ਕੂਚ ਅਤੇ ਨਸਲਕੁਸ਼ੀ 'ਤੇ ਆਧਾਰਿਤ ਫਿਲਮ ਹੈ। ਫਿਲਮ ਦੇਖਣ ਤੋਂ ਬਾਅਦ ਦੇਸ਼ ਭਰ 'ਚ ਰੌਲਾ ਪੈ ਗਿਆ ਹੈ ਕਿ ਇਸ ਸੱਚਾਈ ਨੂੰ ਹੁਣ ਤੱਕ ਕਿਉਂ ਛੁਪਾਇਆ ਗਿਆ। ਫਿਲਮ 'ਚ ਬਹੁਤ ਹੀ ਦਿਲ ਨੂੰ ਛੂਹ ਲੈਣ ਵਾਲੇ ਅਤੇ ਸੰਵੇਦਨਸ਼ੀਲ ਦ੍ਰਿਸ਼ ਦੇਖਣ ਨੂੰ ਮਿਲ ਰਹੇ ਹਨ, ਜੋ ਦਰਸ਼ਕਾਂ ਦੇ ਦਿਲਾਂ ਨੂੰ ਹਿਲਾ ਦੇਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਅੰਦਰੋਂ ਵੀ ਝੰਜੋੜ ਰਹੇ ਹਨ।
