ਸ਼ਾਹਰੁਖ਼ ਅਤੇ ਕਰਨ ਜੌਹਰ ਮਤਲਬੀ ਹਨ:ਨੀਨਾ ਗੁਪਤਾ

ਬਾਲੀਵੁੱਡ ਅਦਾਕਾਰਾ ਨੀਨਾ ਗੁਪਤਾ ਨੇ ਸ਼ਾਹਰੁਖ਼ ਅਤੇ ਕਰਨ ਜੌਹਰ ਨੂੰ ਲੈ ਕੇ ਇਕ ਕਿੱਸਾ ਸਾਂਝਾ ਕੀਤਾ ਹੈ ਜਿਸ ਤੋਂ ਇਹ ਸਿੱਧ ਹੋ ਰਿਹਾ ਹੈ ਕਿ ਸ਼ਾਹਰੁਖ਼ ਅਤੇ ਕਰਨ ਮਤਲਬੀ ਹਨ।

ਮੁੰਬਈ: ਫ਼ਿਲਮ 'ਬਧਾਈ ਹੋ' 'ਚ ਨੀਨਾ ਗੁਪਤਾ ਨੇ ਆਪਣੀ ਅਦਾਕਾਰੀ ਦੇ ਨਾਲ ਸਭ ਦਾ ਦਿਲ ਜਿੱਤ ਲਿਆ ਸੀ। ਫ਼ਿਲਮ 'ਚ ਉਨ੍ਹਾਂ ਨੇ ਇਕ ਵੱਧ ਉਮਰ ਦੀ ਗਰਭਵਤੀ ਮਹਿਲਾ ਦਾ ਕਿਰਦਾਰ ਅਦਾ ਕੀਤਾ ਸੀ। ਇਹ ਫ਼ਿਲਮ ਸਫ਼ਲ ਰਹੀ ਸੀ ਅਤੇ 100 ਕਰੋੜ ਕਲੱਬ 'ਚ ਸ਼ਾਮਿਲ ਹੋਈ ਸੀ।
ਨੀਨਾ ਗੁਪਤਾ ਨੇ ਹਾਲ ਹੀ ਇਕ ਨਿੱਜੀ ਇੰਟਰਵਿਊ 'ਚ ਅਹਿਮ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਸ਼ਾਹਰੁਖ਼ਅਤੇ ਕਰਨ ਜੌਹਰ ਦੋਵੇਂ ਮਤਲਬੀ ਹਨ। ਦਰਅਸਲ ਨੀਨਾ ਗੁਪਤਾ ਨੇ ਇਕ ਕਿੱਸਾ ਸਾਂਝਾ ਕੀਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਇਕ ਵਾਰ ਉਹ ਕਰਨ ਜੌਹਰ ਅਤੇ ਸ਼ਾਹਰੁਖ਼ਨੂੰ ਏਅਰਪੋਰਟ 'ਤੇ ਮਿਲੇ ਸੀ। ਉਸ ਵੇਲੇ ਨੀਨਾ ਨੇ ਆਪਣੀ ਬੇਟੀ ਮਸਾਬਾ ਦੇ ਫ਼ਿਲਮ ਇੰਡਸਟਰੀ 'ਚ ਜਾਣ ਦੀ ਇੱਛਾ ਦਾ ਪ੍ਰਗਟਾਵਾ ਕੀਤਾ ਸੀ। ਇਸ ਸੰਬਧੀ ਕਰਨ ਅਤੇ ਸ਼ਾਹਰੁਖ਼ ਨੇ ਨੀਨਾ ਨੂੰ ਆਪਣਾ ਨੰਬਰ ਦਿੱਤਾ ਸੀ।
ਨੀਨਾ ਨੇ ਬਹੁਤ ਵਾਰ ਉਨ੍ਹਾਂ ਦੋਹਾਂ ਨੂੰ ਫ਼ੋਨ ਕੀਤਾ ਪਰ ਕਿਸੇ ਨੇ ਵੀ ਫ਼ੋਨ ਨਹੀਂ ਚੁੱਕਿਆ। ਇਸ ਲਈ ਉਨ੍ਹਾਂ ਮਜ਼ਾਕ 'ਚ ਕਿਹਾ ਇਹ ਲੋਕ ਮਤਲਬੀ ਅਤੇ ਚੀਪ ਹਨ। ਆਪ ਹੀ ਨੰਬਰ ਦੇ ਕੇ ਆਪ ਹੀ ਫ਼ੋਨ ਨਹੀਂ ਚੁੱਕਦੇ।