ਹੈਦਰਾਬਾਦ: ਕਿਸ਼ੋਰ ਕੁਮਾਰ (Kishore Kumar) ਦੀ ਬਰਸੀ ਉੱਤੇ ਅੱਜ ਪੂਰਾ ਭਾਰਤ ਉਨ੍ਹਾਂ ਨੂੰ ਯਾਦ ਕਰ ਰਿਹਾ ਹੈ। ਉਨ੍ਹਾਂ ਨੇ ਆਪਣੀ ਗਾਇਕੀ ਦਾ ਜਾਦੂ ਨਾਲ ਲੋਕਾਂ ਦੇ ਦਿਲਾਂ ਚ ਕਿਦੇ ਵੀ ਨਾ ਮਿਟਨ ਵਾਲੀ ਥਾਂ ਬਣਾਈ। ਗਾਇਕੀ ਦੇ ਨਾਲ ਨਾਲ ਉਹ ਹੋਰ ਕਈ ਤਰ੍ਹਾਂ ਦੀ ਮੁਹਾਰਤ ਰੱਖਦੇ ਸਨ। ਉਹ ਭਾਰਤੀ ਪਲੇਬੈਕ ਗਾਇਕ, ਅਦਾਕਾਰ, ਲੇਖਕ, ਫਿਲਮ ਨਿਰਮਾਤਾ, ਸੰਗੀਤਕਾਰ, ਪਟਕਥਾ ਲੇਖਕ ਆਦਿ ਸਨ।
ਕਿਸ਼ੋਰ ਕੁਮਾਰ ਦਾ ਜਨਮ 4 ਅਗਸਤ 1929 ਨੂੰ ਮੱਧ ਪ੍ਰਦੇਸ਼ ਦੇ ਖੰਡਵਾ ਜ਼ਿਲ੍ਹੇ ਵਿੱਚ ਹੋਇਆ ਸੀ। ਉਨ੍ਹਾਂ ਦਾ ਅਸਲੀ ਨਾਂ ਆਭਾਸ ਕੁਮਾਰ ਸੀ। ਪਰ ਉਸਨੂੰ ਉਸਦੇ ਸਕ੍ਰੀਨ ਨਾਮ ਕਿਸ਼ੋਰ ਕੁਮਾਰ ਤੋਂ ਮਾਨਤਾ ਮਿਲੀ। ਕਿਸ਼ੋਰ ਕੁਮਾਰ ਅਟੁੱਟ ਪ੍ਰਤਿਭਾ ਦੇ ਧਨੀ ਸਨ। ਇਸ ਤੋਂ ਇਲਾਵਾ, ਉਹ ਵਿਵਹਾਰ ਦੁਆਰਾ ਇੱਕ ਚੁਸਤ ਅਤੇ ਮਨੋਰੰਜਕ ਵਿਅਕਤੀ ਸਨ। 13 ਅਕਤੂਬਰ 1987 ਨੂੰ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ। ਕਿਸ਼ੋਰ ਕੁਮਾਰ ਸਾਡੇ ਵਿੱਚ ਨਹੀਂ ਹਨ ਪਰ ਉਨ੍ਹਾਂ ਦੀਆਂ ਯਾਦਾਂ ਅੱਜ ਵੀ ਜਿੰਦਾਂ ਹਨ।
ਕਿਸ਼ੋਰ ਕੁਮਾਰ ਇੱਕ ਮਸਤ ਸੁਭਾਅ ਦੇ ਆਦਮੀ ਸਨ ਅਤੇ ਆਪਣੀ ਚੁਸਤੀ ਭਰੀ ਸ਼ੈਲੀ ਲਈ ਮਸ਼ਹੂਰ ਸਨ। ਕਿਸ਼ੋਰ ਨੇ ਆਪਣੇ ਗਾਇਕੀ ਕਰੀਅਰ ਵਿੱਚ 1500 ਫਿਲਮਾਂ ਵਿੱਚ ਗਾਣੇ ਗਾਏ ਸਨ, ਪਰ ਉਨ੍ਹਾਂ ਦੇ ਭਰਾ ਅਸ਼ੋਕ ਕੁਮਾਰ ਨੇ ਇੱਕ ਇੰਟਰਵਿ ਵਿੱਚ ਦੱਸਿਆ ਸੀ ਕਿ ਕਿਸ਼ੋਰ ਕੁਮਾਰ ਬਚਪਨ ਵਿੱਚ ਬਹੁਤ ਬੇਸੁਰੇ ਸਨ।
ਕਿਸ਼ੋਰ ਕੁਮਾਰ ਨੇ ਕੀਤੇ ਸਨ ਐਨੇ ਵਿਆਹ
ਕਿਸ਼ੋਰ ਕੁਮਾਰ ਦਾ ਗਾਇਕੀ ਕੈਰੀਅਰ ਹਮੇਸ਼ਾਂ ਸਿਖਰ 'ਤੇ ਰਿਹਾ ਅਤੇ ਉਸਦੀ ਨਿੱਜੀ ਜ਼ਿੰਦਗੀ ਵਿੱਚ ਬਹੁਤ ਉਤਲ ਪੁਥਲ ਸੀ। ਕਿਸ਼ੋਰ ਕੁਮਾਰ ਨੇ ਕੁੱਲ ਚਾਰ ਵਿਆਹ ਕੀਤੇ ਸਨ। ਕਿਸ਼ੋਰ ਦੀ ਪਹਿਲੀ ਪਤਨੀ ਰੁਮਾ ਘੋਸ਼, ਦੂਜੀ ਅਦਾਕਾਰਾ ਮਧੂਬਾਲਾ, ਤੀਜੀ ਯੋਗਿਤਾ ਬਾਲੀ ਅਤੇ ਚੌਥੀ ਪਤਨੀ ਲੀਲਾ ਚੰਦਰਵਰ ਸੀ। ਕਿਸ਼ੋਰ ਕੁਮਾਰ ਤੋਂ ਵੱਖ ਹੋਣ ਤੋਂ ਬਾਅਦ ਯੋਗਿਤਾ ਬਾਲੀ ਨੇ ਅਭਿਨੇਤਾ ਮਿਥੁਨ ਚੱਕਰਵਰਤੀ ਨਾਲ ਵਿਆਹ ਕਰ ਲਿਆ।
ਕਿਸ਼ੋਰ ਬਚਪਨ ਵਿੱਚ ਬੇਸੁਰੇ ਸਨ
ਕਿਹਾ ਜਾਂਦਾ ਹੈ ਕਿ ਆਪਣੀ ਗਾਇਕੀ ਨਾਲ ਸਭ ਨੂੰ ਦੀਵਾਨਾ ਬਣਾਉਣ ਵਾਲੇ ਕਿਸ਼ੋਰ ਕੁਮਾਰ ਨੇ ਕਦੇ ਵੀ ਸੰਗੀਤ ਦੀ ਸਿਖਲਾਈ ਨਹੀਂ ਲਈ। ਕਿਸ਼ੋਰ ਦੇ ਵੱਡੇ ਭਰਾ ਅਸ਼ੋਕ ਕੁਮਾਰ ਨੇ ਇੱਕ ਇੰਟਰਵਿ ਵਿੱਚ ਖੁਲਾਸਾ ਕੀਤਾ ਸੀ ਕਿ ਕਿਸ਼ੋਰ ਬਚਪਨ ਵਿੱਚ ਬਹੁਤ ਬੇਸੁਰਾ ਸੀ ਅਤੇ ਉਸਦੀ ਆਵਾਜ਼ ਫਟੇ ਹੋਏ ਬਾਂਸ ਵਰਗੀ ਸੀ, ਪਰ ਕਿਸ਼ੋਰ ਕੁਮਾਰ ਨੇ ਖੁਦ ਆਪਣੀ ਗਾਇਕੀ ਵਿੱਚ ਸੁਧਾਰ ਕਰਕੇ ਸਾਰਿਆਂ ਦੇ ਦਿਲਾਂ ਤੇ ਰਾਜ ਕੀਤਾ।
ਕਿਹੜੇ ਗਾਇਕ ਨੂੰ ਕਰਦੇ ਸਨ ਫੌਲੋ
ਕਿਸ਼ੋਰ ਕੁਮਾਰ ਨੂੰ ਅੰਗਰੇਜ਼ੀ ਗਾਣਿਆਂ ਦਾ ਬਹੁਤ ਸ਼ੌਕ ਸੀ, ਜਦੋਂ ਕਿ ਉਹ ਹਿੰਦੀ ਸਿਨੇਮਾ ਦੇ ਮਹਾਨ ਗਾਇਕ ਕੇਐਲ ਸਹਿਗਲ ਦੇ ਬਹੁਤ ਪਸੰਦ ਕਰਦੇ ਸਨ ਅਤੇ ਕਿਸ਼ੋਰ ਹਮੇਸ਼ਾਂ ਕੇਐਲ ਸਹਿਗਲ ਵਰਗੇ ਸਰਬੋਤਮ ਗਾਇਕ ਬਣਨਾ ਚਾਹੁੰਦੇ ਸਨ ਅਤੇ ਉਨ੍ਹਾਂ ਦੀ ਗਾਇਕੀ ਦਾ ਪਾਲਣ ਕਰਦੇ ਸਨ।
ਇਹ ਵੀ ਪੜ੍ਹੋ: ਅਕਸ਼ੈ ਕੁਮਾਰ ਨੇ ਪੂਰੀ ਕੀਤੀ ‘ਰਕਸ਼ਾਬੰਧਨ’ ਦੀ ਸ਼ੂਟਿੰਗ, ਪੋਸਟ ਸ਼ੇਅਰ ਕਰ ਲਿਖਿਆ ਖਾਸ ਨੋਟ
