ਹੈਦਰਾਬਾਦ: ਪਿਛਲੇ 13 ਦਿਨਾਂ ਤੋਂ ਇਕਾਂਤਵਾਸ ਚ ਰਹਿ ਰਹੀ ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ ਦੀ ਓਮੀਕਰੋਨ ਰਿਪੋਰਟ (Kareena Kapoor Khan's genome sequencing report ) ਸ਼ੁੱਕਰਵਾਰ ਨੂੰ ਨੈਗੇਟਿਵ ਆਈ ਹੈ। ਬੀਐਮਸੀ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਕਰੀਨਾ ਕਪੂਰ 13 ਦਸੰਬਰ ਨੂੰ ਕੋਰੋਨਾ ਪਾਜ਼ੀਟਿਵ ਪਾਈ ਗਈ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਖੁਦ ਨੂੰ ਕੁਆਰੰਟੀਨ ਕਰ ਲਿਆ ਸੀ। ਅਦਾਕਾਰਾ ਫਿਲਮ ਨਿਰਮਾਤਾ ਕਰਨ ਜੌਹਰ ਦੇ ਘਰ ਪਾਰਟੀ 'ਚ ਗਈ ਸੀ, ਜਿਸ ਤੋਂ ਬਾਅਦ ਅਦਾਕਾਰਾ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਸੀ।
ਏਐਨਆਈ ਦੇ ਮੁਤਾਬਕ, ਕਰੀਨਾ ਕਪੂਰ ਖਾਨ ਅਤੇ ਅੰਮ੍ਰਿਤਾ ਅਰੋੜਾ ਨੂੰ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ ਸੀ। ਮੁੰਬਈ ਬੀਐਮਸੀ ਨੇ ਕਰੀਨਾ ਕਪੂਰ ਅਤੇ ਅੰਮ੍ਰਿਤਾ ਅਰੋੜਾ ਦੇ ਸੰਪਰਕ ਵਿੱਚ ਆਏ ਲੋਕਾਂ ਦਾ ਆਰਟੀਪੀਸੀਟੀ ਟੈਸਟ ਕਰਵਾਉਣ ਦਾ ਹੁਕਮ ਦਿੱਤਾ ਸੀ। ਇਸ ਦੇ ਨਾਲ ਹੀ ਅਦਾਕਾਰਾ ਕਰੀਨਾ ਕਪੂਰ ਦੇ ਘਰ ਨੂੰ ਮੁੰਬਈ ਬੀਐਮਸੀ ਨੇ ਨਿਯਮਾਂ ਤਹਿਤ ਸੀਲ ਕਰ ਦਿੱਤਾ ਗਿਆ ਸੀ।
ਬੀਐਮਸੀ ਨੇ 108 ਲੋਕਾਂ ਦਾ ਆਰਟੀ ਪੀਸੀਆਰ ਟੈਸਟ ਕੀਤਾ। ਕਈ ਉੱਚ ਜੋਖਮ ਵਾਲੇ ਸੰਪਰਕਾਂ ਦਾ ਪਾਲਣ ਕੀਤਾ ਗਿਆ ਸੀ। 145 ਨਜ਼ਦੀਕੀ ਸੰਪਰਕਾਂ ਦੀ ਪਛਾਣ ਕੀਤੀ ਗਈ ਸੀ। ਇਸ ਦੇ ਨਾਲ ਹੀ ਹਾਈ ਰਿਸਕ ਵਾਲੇ 37 ਲੋਕਾਂ ਦਾ ਫਾਲੋਅਪ ਲਿਆ ਜਾ ਰਿਹਾ ਹੈ।
ਦੱਸ ਦਈਏ ਕਿ ਬਾਲੀਵੁੱਡ ਵਿੱਚ ਪਿਛਲੇ ਦਿਨੀਂ ਦੋ ਪਾਰਟੀਆਂ ਹੋਈਆਂ ਸੀ। ਪਹਿਲੀ ਕਰਨ ਜੌਹਰ ਦੀ ਸੀ ਅਤੇ ਦੂਜੀ ਰੀਆ ਕਪੂਰ ਦੀ। ਕਰਨ ਜੌਹਰ ਦੇ ਘਰ ਹੋਈ ਪਾਰਟੀ 'ਚ ਮਲਾਇਕਾ, ਅੰਮ੍ਰਿਤਾ, ਕਰੀਨਾ ਕਪੂਰ, ਅਰਜੁਨ ਕਪੂਰ, ਮਹੀਪ ਕਪੂਰ, ਸੀਮਾ ਖਾਨ, ਆਲੀਆ ਭੱਟ ਨੇ ਸ਼ਿਰਕਤ ਕੀਤੀ ਸੀ। ਇਸ ਦੇ ਨਾਲ ਹੀ ਮਲਾਇਕਾ, ਕਰਿਸ਼ਮਾ, ਅੰਮ੍ਰਿਤਾ, ਮਸਾਬਾ ਗੁਪਤਾ, ਪੂਨਮ ਦਮਾਨੀਆ ਨੇ ਰੀਆ ਦੇ ਘਰ ਆਯੋਜਿਤ ਪ੍ਰੀ ਕ੍ਰਿਸਮਸ ਪਾਰਟੀ 'ਚ ਸ਼ਿਰਕਤ ਕੀਤੀ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਕਰਨ ਜੌਹਰ ਦੀ ਪਾਰਟੀ ਤੋਂ ਕੋਰੋਨਾ ਫੈਲਿਆ ਸੀ। ਇੱਥੇ ਸੀਮਾ ਖਾਨ ਨੂੰ ਸਭ ਤੋਂ ਪਹਿਲਾਂ ਕੋਰੋਨਾ ਹੋਇਆ ਸੀ, ਉਸ ਦੇ ਸੰਪਰਕ ਵਿੱਚ ਆਉਣ ਤੋਂ ਬਾਅਦ ਕਰੀਨਾ-ਅੰਮ੍ਰਿਤਾ ਨੂੰ ਕੋਰੋਨਾ ਹੋ ਗਿਆ ਸੀ। ਪਾਰਟੀ ਦੇ ਹੋਸਟ ਕਰਨ ਜੌਹਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਦੋ ਵਾਰ ਆਪਣਾ ਟੈਸਟ ਕਰਵਾਇਆ। ਦੋਵੇਂ ਵਾਰ ਉਸ ਦੀ ਰਿਪੋਰਟ ਕੋਰੋਨਾ ਨੈਗੇਟਿਵ ਆਈ ਹੈ।
ਇਹ ਵੀ ਪੜੋ: ਕਿਸਾਨਾਂ 'ਤੇ ਸੋਸ਼ਲ ਮੀਡੀਆ ਪੋਸਟ: ਕੰਗਨਾ ਅੱਜ ਮੁੰਬਈ ਪੁਲਿਸ ਦੇ ਸਾਹਮਣੇ ਹੋ ਸਕਦੀ ਹੈ ਪੇਸ਼
