ਨਵੀਂ ਦਿੱਲੀ: ਫ਼ਿਲਮਸਾਜ਼ ਜ਼ੋਇਆ ਅਖ਼ਤਰ ਦੀ 'ਗਲੀ ਬੁਆਏ' ਅਕਤੂਬਰ ਮਹੀਨੇ 'ਚ ਜਾਪਾਨ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫ਼ਿਲਮ ਨੂੰ ਮੈਲਬੌਰਨ ਦੇ ਇੰਡੀਅਨ ਫ਼ਿਲਮ ਫੈਸਟੀਵਲ ਵਿੱਚ ਸਰਬੋਤਮ ਫ਼ਿਲਮ ਦਾ ਪੁਰਸਕਾਰ ਮਿਲਿਆ ਅਤੇ ਇਸ ਦਾ ਪ੍ਰੀਮੀਅਰ ਬਰਲੀਨ ਫ਼ਿਲਮ ਫੈਸਟੀਵਲ ਵਿੱਚ ਵੀ ਹੋਇਆ।
ਹੋਰ ਪੜ੍ਹੋ : 'ਗਲੀ ਬੁਆਏ' ਨੇ ਕੀਤਾ 100 ਕਰੋੜ ਦਾ ਅੰਕੜਾ ਪਾਰ
ਫ਼ਿਲਮ ਦੀ ਜਾਪਾਨ ਵਿੱਚ ਰਿਲੀਜ਼ ਦੇ ਬਾਰੇ ਵਿੱਚ ਰਣਵੀਰ ਨੇ ਕਿਹਾ ਮੈਂ ਬਹੁਤ ਖੁਸ਼ ਹਾਂ ਤੇ ਮੈਂ ਬਹੁਤ ਮਾਣ ਮਹਿਸੂਸ ਕਰਦਾ ਹਾਂ ਕਿ 'ਗਲੀ ਬੁਆਏ' ਜਾਪਾਨ ਵਿੱਚ ਰਿਲੀਜ਼ ਹੋਵੇਗੀ।
ਅਦਾਕਾਰ ਰਣਵੀਰ ਸਿੰਘ ਨੇ ਫ਼ਿਲਮ ਵਿੱਚ ਅੰਡਰ-ਗਰਾਊਂਡ ਰੈਪਰ ਦੀ ਭੂਮਿਕਾ ਨਿਭਾਈ ਸੀ। ਉਸ ਨੇ ਕਿਹਾ "ਮੈਂ ਕਿਸੇ ਦਿਨ ਉੱਥੇ ਜਾਵਾਂਗਾ - 'ਗਲੀ ਬੁਆਏ' ਜਾਪਾਨ ਵਿੱਚ ਰਿਲੀਜ਼ ਹੋ ਰਹੀ ਹੈ ਅਤੇ ਫ਼ਿਲਮ ਵਿੱਚ ਕੰਮ ਕਰਨ ਵਾਲੇ ਹਰ ਵਿਅਕਤੀ ਨੂੰ ਇਸ ‘ਤੇ ਮਾਣ ਹੈ। ਸਾਡੀ ਫ਼ਿਲਮ ਜਾਪਾਨ ਜਿਹੀ ਵੱਡੀ ਧਰਤੀ 'ਤੇ ਜਾ ਰਹੀ ਹੈ ਅਤੇ ਸਾਨੂੰ ਉਮੀਦ ਹੈ ਕਿ ਤੁਸੀਂ ਸਾਰੇ ਫ਼ਿਲਮ ਵੇਖੋਗੇ ਅਤੇ ਤੁਹਾਨੂੰ ਫ਼ਿਲਮ ਪਸੰਦ ਵੀ ਆਵੇਗੀ। ”
ਇਸ ਫ਼ਿਲਮ ਦਾ ਨਿਰਦੇਸ਼ਨ ਜ਼ੋਇਆ ਅਖ਼ਤਰ ਨੇ ਕੀਤਾ ਹੈ ਤੇ ਮੁੱਖ ਭੂਮਿਕਾ ਵਿੱਚ ਰਣਵੀਰ ਨਾਲ ਆਲੀਆ ਭੱਟ ਹੈ। ਇਹ ਫ਼ਿਲਮ 14 ਫਰਵਰੀ ਨੂੰ ਰਿਲੀਜ਼ ਹੋਈ ਸੀ ਜਿਸ ਨੇ ਭਾਰਤ ਵਿੱਚ ਧੂੰਮਾਂ ਪਾ ਦਿੱਤੀਆ ਸਨ।
