ਸੈਨ ਫ੍ਰਾਂਸਿਸਕੋ: ਮੈਟਾ-ਮਾਲਕੀਅਤ ਵਾਲਾ ਸੋਸ਼ਲ ਮੀਡੀਆ ਪਲੇਟਫਾਰਮ WhatsApp ਕਥਿਤ ਤੌਰ 'ਤੇ ਚੈਨਲਸ ਨਾਮਕ ਇੱਕ ਨਵੇਂ ਫੀਚਰ 'ਤੇ ਕੰਮ ਕਰ ਰਿਹਾ ਹੈ, ਜੋ iOS 'ਤੇ ਜਾਣਕਾਰੀ ਦਾ ਪ੍ਰਸਾਰ ਕਰਨ ਲਈ ਇੱਕ ਨਵਾਂ ਵਨ-ਟੂ-ਮੇਨੀ ਟੂਲ ਹੈ। WABTinfo ਦੇ ਅਨੁਸਾਰ, WhatsApp ਸਟੇਟਸ ਟੈਬ ਅਪਡੇਟਸ ਦਾ ਨਾਮ ਬਦਲਣ ਦੀ ਯੋਜਨਾ ਬਣਾ ਰਿਹਾ ਹੈ ਤਾਂਕਿ ਇਸ ਸੈਕਸ਼ਨ ਦੇ ਅੰਦਰ ਚੈਨਲਸ ਨੂੰ ਸ਼ਾਮਿਲ ਕੀਤਾ ਜਾ ਸਕੇ। ਵਟਸਐਪ ਚੈਨਲ ਇੱਕ ਨਿੱਜੀ ਟੂਲ ਹੈ ਜਿਸ ਵਿੱਚ ਫ਼ੋਨ ਨੰਬਰ ਅਤੇ ਯੂਜ਼ਰਸ ਦੀ ਜਾਣਕਾਰੀ ਨੂੰ ਹਮੇਸ਼ਾ ਗੁਪਤ ਰੱਖਿਆ ਜਾਂਦਾ ਹੈ। ਦੂਜੇ ਪਾਸੇ, ਇੱਕ ਚੈਨਲ ਦੇ ਅੰਦਰ ਪ੍ਰਾਪਤ ਕੀਤੇ ਮੈਸਿਜ਼ ਐਡ-ਟੂ-ਐਡ ਇਨਕ੍ਰਿਪਟਡ ਨਹੀਂ ਹੁੰਦੇ ਹਨ।
ਇਸ ਸੁਵਿਧਾ ਦਾ ਉਦੇਸ਼: ਇਸ ਤੋਂ ਇਲਾਵਾ, ਰਿਪੋਰਟ ਨੇ ਦੱਸਿਆ ਕਿ ਕਿਉਂਕਿ ਇਹ ਇੱਕ ਜਨਤਕ ਸੋਸ਼ਲ ਨੈਟਵਰਕ ਵੱਲ ਮੁੜਨ ਦੀ ਬਜਾਏ ਨਿੱਜੀ ਮੈਸੇਜਿੰਗ ਦਾ ਵਿਕਲਪਿਕ ਵਿਸਤਾਰ ਹੈ ਤਾਂ ਲੋਕ ਚੁਣ ਸਕਦੇ ਹਨ ਕਿ ਉਹ ਕਿਹੜੇ ਚੈਨਲਸ ਨੂੰ ਫ਼ਾਲੋ ਕਰਨਾ ਚਾਹੁੰਦੇ ਹਨ ਅਤੇ ਕੋਈ ਵੀ ਇਹ ਨਹੀਂ ਦੇਖ ਸਕਦਾ ਕਿ ਉਹ ਕਿਸ ਨੂੰ ਫਾਲੋਂ ਕਰਦੇ ਹਨ। ਚੈਨਲਸ ਫੀਚਰ ਹੈਂਡਲਸ ਨੂੰ ਵੀ ਸਵੀਕਾਰ ਕਰੇਗਾ, ਜਿਸ ਨਾਲ ਯੂਜ਼ਰਸ ਵਟਸਐਪ 'ਚ ਯੂਜ਼ਰਨੇਮ ਟਾਈਪ ਕਰਕੇ ਉਸ ਚੈਨਲ ਨੂੰ ਲੱਭ ਸਕਣਗੇ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਸ ਸੁਵਿਧਾ ਦਾ ਉਦੇਸ਼ ਚੈਨਲ ਦੀ ਪਹੁੰਚ ਨੂੰ ਵਧਾਉਣਾ ਹੈ, ਜਿਸ ਨਾਲ ਯੂਜ਼ਰਸ ਨੂੰ ਆਪਣੀ ਪਸੰਦ ਦੇ ਅਪਡੇਟ ਪ੍ਰਾਪਤ ਕਰਨਾ ਆਸਾਨ ਹੋ ਜਾਂਦਾ ਹੈ।
ਵਟਸਐਪ ਨੇ 'ਕੀਪ ਇਨ ਚੈਟ' ਫ਼ੀਚਰ ਪੇਸ਼ ਕੀਤਾ: ਚੈਨਲ ਇਸ ਸਮੇਂ ਵਿਕਾਸ ਅਧੀਨ ਹੈ ਅਤੇ ਉਨ੍ਹਾਂ ਨੂੰ ਐਪ ਦੇ ਭਵਿੱਖ ਦੇ ਅਪਡੇਟਾਂ ਵਿੱਚ ਜਾਰੀ ਕੀਤੇ ਜਾਵੇਗਾ। ਇਸ ਦੌਰਾਨ, ਵਟਸਐਪ ਨੇ 'ਕੀਪ ਇਨ ਚੈਟ' ਫ਼ੀਚਰ ਪੇਸ਼ ਕੀਤਾ ਹੈ ਜੋ ਯੂਜ਼ਰਸ ਨੂੰ ਇੱਕ ਗਾਇਬ ਮੈਸੇਜ ਥ੍ਰੈਡ ਵਿੱਚ ਇੱਕ ਮੈਸਿਜ਼ ਨੂੰ ਲੰਬੇ ਸਮੇਂ ਤੱਕ ਪ੍ਰੈਸ ਕਰਕੇ ਉਸਨੂੰ ਸੁਰੱਖਿਅਤ ਕਰਨ ਦੀ ਆਗਿਆ ਦੇਵੇਗਾ। ਵਟਸਐਪ ਨੇ ਇਸ ਨੂੰ ਸੈਂਡਰ ਸੁਪਰਪਾਵਰ ਕਿਹਾ ਹੈ ਅਤੇ ਇਹ ਭੇਜਣ ਵਾਲੇ ਦੀ ਪਸੰਦ ਹੋਵੇਗੀ ਕਿ ਉਹ ਚੈਟ ਵਿੱਚ ਹੋਰਾਂ ਨੂੰ ਬਾਅਦ ਲਈ ਕੁਝ ਮੈਸਿਜ਼ ਰੱਖਣ ਦੀ ਇਜਾਜ਼ਤ ਦੇਵੇ।
ਇਹ ਵੀ ਪੜ੍ਹੋ: Twitter War: ਬਲੂ ਟਿੱਕ ਅਤੇ ਯੂਕਰੇਨ ਯੁੱਧ ਨੂੰ ਲੈ ਕੇ ਐਲੋਨ ਮਸਕ ਅਤੇ ਲੇਖਕ ਸਟੀਫਨ ਕਿੰਗ ਵਿਚਕਾਰ ਜੰਗ ਸ਼ੁਰੂ
