ਨਵੀਂ ਦਿੱਲੀ: ਲੇਨੋਵੋ ਨੇ ਭਾਰਤੀ ਬਾਜ਼ਾਰਾਂ ਵਿੱਚ ਆਪਣੇ ਯੋਗਾ 7 ਆਈ ਅਤੇ ਯੋਗਾ 9 ਆਈ ਲੈਪਟਾਪ ਨੂੰ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਯੋਗਾ 7 ਆਈ ਅਤੇ ਯੋਗਾ 9 ਆਈ ਦੀ ਸ਼ੁਰੂਆਤੀ ਕੀਮਤ ਕ੍ਰਮਵਾਰ 99,000 ਅਤੇ 1,69,990 ਦੱਸੀ ਗਈ ਹੈ।
ਕੰਪਨੀ ਨੇ ਕਿਹਾ ਹੈ ਕਿ ਯੋਗਾ 7 ਆਈ ਅਤੇ ਯੋਗਾ 9 ਆਈ ਫਿਲਹਾਲ ਲੇਨੋਵੋ ਡਾਟ ਕਾੱਮ 'ਤੇ ਪ੍ਰੀ-ਆਰਡਰ ਲਈ ਉਪਲੱਬਧ ਹਨ। ਇਸ ਤੋਂ ਇਲਾਵਾ ਵੱਖ-ਵੱਖ ਪਲੇਟਫਾਰਮਾਂ 'ਤੇ , ਇਹ 12 ਅਤੇ 15 ਜਨਵਰੀ ਤੋਂ ਵਿਕਰੀ ਸ਼ੁਰੂ ਹੋਣ ਵਾਲੀ ਹੈ।
ਲੇਨੋਵੋ ਇੰਡੀਆ ਦੇ ਖਪਤਕਾਰ ਪੀਸੀਐਸਡੀ ਮਾਮਲਿਆਂ ਦੇ ਕਾਰਜਕਾਰੀ ਨਿਰਦੇਸ਼ਕ ਸ਼ੈਲੇਂਦਰ ਕੱਤਿਆਲ ਨੇ ਇੱਕ ਬਿਆਨ ਵਿੱਚ ਕਿਹਾ, "ਇਹ ਨਵੀਂ ਲੜੀ ਇੰਟੇਲ ਦੀ ਹਾਲਿਆ 11 ਵੀਂ ਪੀੜ੍ਹੀ ਦੇ ਟਾਇਗਰ ਲੇਕ ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੈ, ਜਿਸ ਦੀ ਸਟਾਈਲਿੰਗ ਬਹੁਤ ਵਧੀਆ ਹੈ ਅਤੇ ਉਹ ਏਆਈ ਸਮਰੱਥ ਵਿਸ਼ੇਸ਼ਤਾਵਾਂ ਨਾਲ ਲੈਸ ਹੈ।"
ਯੋਗਾ 7 ਆਈ ਵਿੱਚ ਇੰਟੇਲ ਆਈਰਿਸ ਐਕਸਈ ਗਰਾਫਿਕਸ ਸ਼ਾਮਿਲ ਹਨ। ਇਸ ਨੂੰ ਅਰਾਮਦਾਇਕ ਬਣਾਉਣ ਲਈ, ਇਸ ਦੇ ਕਿਨਾਰੇ ਘੁਮਾਏ ਹੋਏ ਹਨ। ਇਸ ਦੇ ਆਲੇ ਦੁਆਲੇ ਤਿੱਖੇ ਬੇਜਲ ਡਿਜ਼ਾਈਨ ਹਨ, ਜੋ ਕਿ 88 ਫੀਸਦ ਕਿਰਿਆਸ਼ੀਲ ਖੇਤਰ ਅਨੁਪਾਤ ਪ੍ਰਦਾਨ ਕਰਦੇ ਹਨ।
ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਟੈਬਲੇਟ ਤੋਂ ਲੈਪਟਾਪ ਮੋਡ ਵਿੱਚ ਤਬਦੀਲ ਕਰਨ ਦੇ ਦੌਰਾਨ ਸਥਿਰਤਾ ਲਈ ਇਸ ਨੂੰ 360 ਡਿਗਰੀ ਤੱਕ ਮੋੜਿਆ ਜਾ ਸਕਦਾ ਹੈ। ਇਸਦਾ ਚਾਰਜ ਵੀ ਬਹੁਤ ਤੇਜ਼ ਹੁੰਦਾ ਹੈ ਅਤੇ ਵਧੀਆ ਕੂਲਿੰਗ ਦੀ ਸਹੂਲਤ ਵੀ ਹੈ, ਤਾਂ ਜੋ ਇਸ ਦੀ ਬੈਟਰੀ 16 ਘੰਟਿਆਂ ਤੱਕ ਦਾ ਬੈਕਅਪ ਦੇਣ ਵਿੱਚ ਸਮਰਥ ਹੋਵੇ।
ਯੋਗਾ 7 ਆਈ ਡਾੱਲਬੀ ਐਟਮਸ ਸਪੀਕਰ ਸਿਸਟਮ ਅਤੇ ਸਮਾਰਟ ਅਸਿਸਟ ਦੇ ਨਾਲ ਬਾਇਓਮੀਟ੍ਰਿਕ ਪ੍ਰਮਾਣੀਕਰਣ ਅਤੇ ਟਰੂਬਲੌਕ ਪ੍ਰਾਈਵੇਸੀ ਸ਼ਟਰ ਵੀ ਹੈ।
ਕੰਪਨੀ ਦੇ ਮੁਤਾਬਕ, ਯੋਗਾ 9 ਆਈ ਵਿੱਚ ਬਿਹਤਰ ਲੌਗਇਨ ਤਜਰਬੇ ਲਈ ਇੱਕ ਅਲਟਰਾਸੋਨਿਕ ਫਿੰਗਰਪ੍ਰਿੰਟ ਰੀਡਰ ਸ਼ਾਮਲ ਕੀਤਾ ਗਿਆ ਹੈ। ਇਸਦੇ ਸਮਾਰਟ ਸੈਂਸਰ ਟੱਚਪੈਡ ਦੀ ਮਦਦ ਨਾਲ, ਇਸ ਨੂੰ ਐਕਟਿਵ ਸਰਫੇਸ ਏਰਿਆ ਵਿੱਚ 50 ਫੀਸਦ ਤੱਕ ਤੇਜ਼ੀ ਨਾਲ ਕਲਿੱਕ ਕੀਤਾ ਜਾ ਸਕਦਾ ਹੈ, ਜਿਸ ਨੂੰ ਕਲਿਕ ਕਰਨ ਦੌਰਾਨ ਵਾਇਬਰੇਸ਼ਨ ਹੋਵੇਗੀ ਅਤੇ ਮੁੜ ਤਿਆਰ ਕੀਤਾ ਗਿਆ ਟਰੂਸਟ੍ਰਾਈਕ ਕੀਬੋਰਡ ਦਿਨ ਭਰ ਟਾਈਪਿੰਗ ਨੂੰ ਆਰਾਮਦਾਇਕ ਬਣਾਉਂਦਾ ਹੈ।
