ਨਵੀਂ ਦਿੱਲੀ : ਮਸ਼ਹੂਰ ਤਕਨੀਕੀ ਕੰਪਨੀ ਐੱਪਲ ਦੇਸ਼ ਵਿੱਚ ਇੱਕ ਆਨਲਾਈਨ ਸਟੋਰ ਤੋਂ ਇਲਾਵਾ 2 ਤੋਂ 3 ਹੋਰ ਸਟੋਰ ਖੋਲ੍ਹਣ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ ਐੱਪਲ ਨੇ ਸਰਕਾਰ ਨੂੰ ਇਸ ਯੋਜਨਾ ਦੀ ਜਾਣਕਾਰੀ ਵੀ ਦਿੱਤੀ ਹੈ। ਕੰਪਨੀ ਆਪਣੀ ਇਸ ਯੋਜਨਾ ਉੱਤੇ ਪੂਰੀ ਤਰ੍ਹਾਂ ਕੰਮ ਕਰ ਰਹੀ ਹੈ।
ਤੁਹਾਨੂੰ ਦੱਸ ਦਈਏ ਕਿ ਕੰਪਨੀ ਆਪਣਾ ਪਹਿਲਾ ਸਟੋਰ ਮੁੰਬਈ ਵਿਖੇ ਖੋਲ੍ਹੇਗੀ। ਇਸ ਵਿੱਚ ਕਿੰਨਾ ਸਮਾਂ ਲੱਗੇਗਾ, ਇਸ ਬਾਰੇ ਫ਼ਿਲਹਾਲ ਕੋਈ ਵੀ ਜਾਣਕਾਰੀ ਨਹੀਂ ਹੈ।
ਐੱਫਡੀਆਈ ਦੇ ਨਿਯਮਾਂ ਵਿੱਚ ਢਿੱਲ
ਸਰਕਾਰ ਨੇ ਪਿਛਲੇ ਹਫ਼ਤੇ ਹੀ ਸਿੰਗਲ ਬ੍ਰਾਂਡ ਰਿਟੇਲ ਵਿੱਚ ਐੱਫ਼ਡੀਆਈ ਦੇ ਨਿਯਮਾਂ ਨੂੰ ਸੌਖਿਆਂ ਕੀਤਾ ਸੀ। ਐੱਪਲ ਕੁੱਝ ਸਮੇਂ ਤੋਂ ਭਾਰਤ ਵਿੱਚ ਉਤਪਾਦਕਤਾ ਵਧਾਉਣ ਉੱਤੇ ਧਿਆਨ ਦੇ ਰਿਹਾ ਹੈ। ਤਾਇਵਾਨ ਦੀ ਉਤਪਾਦਨ ਕੰਪਨੀ 'ਵਿਸਟ੍ਰਾਨ' ਤੋਂ ਠੇਕੇ ਰਾਹੀਂ ਆਈਫ਼ੋਨ 6ਐੱਸ ਅਤੇ 7 ਨੂੰ ਬਣਵਾਇਆ ਜਾ ਰਿਹਾ ਹੈ।
ਸਰਕਾਰ ਨੇ ਬੀਤੇ ਹਫ਼ਤੇ ਹੀ ਸਿੰਗਲ ਬ੍ਰਾਂਡ ਰਿਟੇਲ ਵਿੱਚ ਐੱਫ਼ਡੀਆਈ ਦੇ ਨਿਯਮਾਂ ਨੂੰ ਸੌਖਿਆ ਬਣਾਉਂਦਿਆਂ ਵਿਦੇਸ਼ੀ ਕੰਪਨੀਆਂ ਨੂੰ ਭੌਤਿਕ ਸਟੋਰ ਖੋਲ੍ਹਣ ਤੋਂ ਪਹਿਲਾਂ ਆਨਲਾਈਨ ਸਟੋਰ ਖੋਲ੍ਹਣ ਦੀ ਆਗਿਆ ਦਾ ਫ਼ੈਸਲਾ ਕੀਤਾ ਸੀ। ਸਰਕਾਰ ਨੇ 30% ਲੋਕਲ ਸਰੋਤਾਂ ਦੇ ਨਿਯਮਾਂ ਵਿੱਚ ਤਬਦੀਲੀ ਕੀਤੀ ਹੈ।
