ਚੰਡੀਗੜ੍ਹ: 'ਅਣਦੇਖੀ' ਫੇਮ ਸਟਾਰ ਵਰੁਣ ਭਗਤ ਨੇ ਆਪਣੇ ਪਹਿਲੀ ਸੰਗੀਤਕ ਵੀਡੀਓ 'ਬੀਬਾ' ਨਾਲ ਪੰਜਾਬੀ ਮੰਨੋਰੰਜਨ ਦੇ ਖੇਤਰ 'ਚ ਡੈਬਿਊ ਕੀਤਾ ਹੈ। ਸਚੇਤ ਟੰਡਨ, ਮੁਹੰਮਦ ਦਾਨਿਸ਼ ਅਤੇ ਸ਼ਾਦਾਬ ਫਰੀਦੀ ਦੁਆਰਾ ਗਾਏ ਇਸ ਗੀਤ ਦੇ ਬੋਲ ਅਨਵਰ ਜੋਗੀ ਅਤੇ ਧਰੁਵ ਯੋਗੀ ਦੇ ਹਨ। ਇਸ ਤੋਂ ਇਲਾਵਾ ਗੀਤ ਦੇ ਵੀਡੀਓ ਵਿੱਚ ਵਰੁਣ ਨੂੰ ਜੌਰਜੀਆ ਐਂਡਰੀਆਨੀ ਦੇ ਨਾਲ ਦਿਖਾਇਆ ਗਿਆ ਹੈ, ਜੋ ਵਰੁਣ ਦੇ ਅਨੁਸਾਰ ਉਸ ਲਈ ਇੱਕ ਸ਼ਾਨਦਾਰ ਸਹਿ-ਸਟਾਰ ਰਹੀ ਹੈ।
- " class="align-text-top noRightClick twitterSection" data="">
ਗੀਤ ਬਾਰੇ ਬੋਲਦੇ ਹੋਏ ਵਰੁਣ ਭਗਤ ਨੇ ਕਿਹਾ ਕਿ "ਇਹ ਮੇਰਾ ਪਹਿਲਾ ਸੰਗੀਤ ਵੀਡੀਓ ਹੈ ਅਤੇ ਮੈਨੂੰ ਇਸਦੀ ਸ਼ੂਟਿੰਗ ਕਰਨ ਵਿੱਚ ਬਹੁਤ ਮਜ਼ਾ ਆਇਆ। ਮੇਰੇ ਕੋਲ ਇੱਕ ਸ਼ਾਨਦਾਰ ਨਿਰਦੇਸ਼ਕ ਸੀ ਜੋ ਜਾਣਦਾ ਸੀ ਕਿ ਉਹ ਕੀ ਕਰਨਾ ਚਾਹੁੰਦਾ ਹੈ ਅਤੇ ਮੇਰੇ ਕੋਲ ਇੱਕ ਬਹੁਤ ਹੀ ਸ਼ਾਨਦਾਰ ਸਹਿ-ਅਦਾਕਾਰਾ ਜੌਰਜੀਆ ਐਂਡਰੀਆਨੀ ਸੀ, ਜੋ ਸੱਚਮੁੱਚ ਮਿੱਠੀ, ਨਿੱਘੀ ਸੀ ਅਤੇ ਉਤਸ਼ਾਹਜਨਕ ਹੈ।"
ਉਸਨੇ ਅੱਗੇ ਕਿਹਾ “ਮੈਂ ਪਹਿਲਾਂ ਤਾਂ ਘਬਰਾ ਗਿਆ ਸੀ ਕਿਉਂਕਿ ਮੈਨੂੰ ਆਪਣੀਆਂ ਲਾਈਨਾਂ ਦਾ ਪਤਾ ਨਹੀਂ ਸੀ, ਲਰਨਿੰਗ ਲਾਈਨਾਂ ਗੀਤ ਦੇ ਬੋਲ ਸਿੱਖਣ ਅਤੇ ਕਹਿਣ ਨਾਲੋਂ ਬਹੁਤ ਵੱਖਰੀਆਂ ਹਨ, ਲਿਪ-ਸਿੰਕਿੰਗ ਇੱਕ ਬਿਲਕੁਲ ਵੱਖਰੀ ਕਲਾ ਹੈ ਜਿਸਦੀ ਮੈਂ ਅਜੇ ਵੀ ਆਦਤ ਪਾ ਰਿਹਾ ਹਾਂ। ਉਹਨਾਂ ਨੇ ਅੱਗੇ ਕਿਹਾ "ਮੈਂ ਸਾਰਿਆਂ ਨਾਲ ਬਹੁਤ ਮਜ਼ੇਦਾਰ ਸਮਾਂ ਬਿਤਾਇਆ। ਉਹ ਸਾਰੇ ਬਹੁਤ ਨਿੱਘੇ ਅਤੇ ਚੰਗੇ ਸਨ ਅਤੇ ਇਸ ਲਈ ਮੈਨੂੰ ਉਨ੍ਹਾਂ ਨਾਲ ਕੰਮ ਕਰਕੇ ਮਜ਼ਾ ਆਇਆ। ਤੁਹਾਨੂੰ ਦੱਸ ਦਈਏ ਜਾਰਜੀਆ ਐਂਡਰਿਆਨੀ ਅਤੇ ਵਰੁਣ ਦਾ ਇਹ ਨਵਾਂ ਗੀਤ ਮਿਊਜ਼ਿਕ ਲੈਜੇਂਡ ਨੁਸਰਤ ਫਤਿਹ ਅਲੀ ਖਾਨ ਦੇ ਗੀਤ ਦਾ ਰੀਮੇਕ ਹੈ। ਨਿਰਦੇਸ਼ਕ ਆਦਿਲ ਸ਼ੇਖ ਨੇ ਹੁਣ ਇਸ ਨਵੇਂ ਸੰਸਕਰਣ ਨੂੰ ਪਾਰਟੀ ਨੰਬਰ ਵਿੱਚ ਬਦਲ ਦਿੱਤਾ। ਤੁਸੀਂ ਇਸ ਗੀਤ ਦੇ ਮਜ਼ੇਦਾਰ ਬੀਟਸ 'ਤੇ ਨੱਚਣ ਲਈ ਮਜ਼ਬੂਰ ਹੋ ਜਾਵੋਗੇ।
ਤੁਹਾਨੂੰ ਦੱਸ ਦਈਏ ਕਿ ਜੌਰਜੀਆ ਐਂਡਰੀਆਨੀ ਇਸ ਸੀਜ਼ਨ ਦਾ ਸਭ ਤੋਂ ਵੱਡਾ ਪਾਰਟੀ ਗੀਤ 'ਬੀਬਾ' ਲੈ ਕੇ ਆਈ ਹੈ ਇਸ ਗੀਤ 'ਚ ਜੌਰਜੀਆ ਐਂਡਰਿਆਨੀ ਜ਼ਬਰਦਸਤ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਉਸ ਦੇ ਡਾਂਸ ਮੂਵਜ਼ ਅਤੇ ਸਟਾਈਲ ਨੇ ਪ੍ਰਸ਼ੰਸਕਾਂ ਨੂੰ ਦੀਵਾਨਾ ਕਰ ਕੇ ਰੱਖ ਦਿੱਤਾ ਹੈ। ਯੂਜ਼ਰਸ ਦਾ ਕਹਿਣਾ ਹੈ ਕਿ ਇਸ ਗੀਤ ਨਾਲ ਜੌਰਜੀਆ ਨੇ ਨੋਰਾ ਫਤੇਹੀ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਗੀਤ ਹੁਣ ਤੱਕ 12,86,111 ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਾ ਹੈ।
ਗੀਤ ਦੀ ਵੀਡੀਓ ਬਾਰੇ ਜੌਰਜੀਆ ਐਂਡਰੀਆਨੀ ਦਾ ਅਨੁਭਵ: 'ਮੈਂ ਹਮੇਸ਼ਾ ਚੁਣੌਤੀਆਂ ਦਾ ਸਾਹਮਣਾ ਕਰਦੀ ਹਾਂ। ਇਹ ਸਭ ਤੋਂ ਵਧੀਆ ਆਉਟਪੁੱਟ ਵਿੱਚੋਂ ਇੱਕ ਹੈ। ਬੀਬਾ ਦੇ ਡਾਂਸ ਸਟੈਪਸ ਐਨਰਜੀ ਨਾਲ ਭਰੇ ਹੋਏ ਹਨ, ਜੋ ਇਸ ਗਾਣੇ ਵਿੱਚ ਜਾਨ ਪਾ ਦਿੰਦੇ ਹਨ। ਮੈਨੂੰ ਇਹ ਗੀਤ ਪਹਿਲਾਂ ਹੀ ਪਸੰਦ ਸੀ।'
ਇਹ ਵੀ ਪੜ੍ਹੋ: Tiger Harmeek Singh: ਫਿਲਮ 'ਤਵੀਤੜ੍ਹੀ’ ਨਾਲ ਬਤੌਰ ਨਿਰਦੇਸ਼ਕ ਨਵੇਂ ਸਫ਼ਰ ਦਾ ਆਗਾਜ਼ ਕਰਨਗੇ ਹਰਮੀਕ ਸਿੰਘ
