ਹੈਦਰਾਬਾਦ: ਦੋਸਤੀ 'ਤੇ ਆਧਾਰਿਤ ਅਮਿਤਾਭ ਬੱਚਨ, ਅਨੁਪਮ ਖੇਰ, ਬੋਮਨ ਇਰਾਨੀ ਅਤੇ ਡੈਨੀ ਡੇਨਜੋਂਗਪਾ ਸਟਾਰਰ ਫਿਲਮ 'ਉਚਾਈ' ਦਾ ਟ੍ਰੇਲਰ (Uunchai Trailer Release) 18 ਅਕਤੂਬਰ ਨੂੰ ਰਿਲੀਜ਼ ਹੋ ਗਿਆ ਹੈ। ਟ੍ਰੇਲਰ ਦੇਖ ਕੇ ਪਤਾ ਚੱਲਦਾ ਹੈ ਕਿ ਫਿਲਮ ਦੀ ਕਹਾਣੀ ਕਾਫੀ ਸ਼ਾਨਦਾਰ ਹੈ, ਜੋ ਚਾਰ ਦੋਸਤਾਂ ਦੀ ਅਟੁੱਟ ਦੋਸਤੀ 'ਤੇ ਆਧਾਰਿਤ ਹੈ, ਜੋ ਇਕ ਦੋਸਤ (ਡੈਨੀ ਡੇਨਜੋਂਗਪਾ) ਦੀ ਖਾਤਰ ਉਮਰ ਦੇ ਅੰਤ 'ਚ ਵੱਡੇ ਜ਼ੋਖਮ ਉਠਾਉਣ ਲਈ ਨਿਕਲ ਜਾਂਦੇ ਹਨ।
ਟ੍ਰੇਲਰ ਵਿੱਚ ਕੀ ਹੈ?: ਢਾਈ ਮਿੰਟ ਦਾ ਟ੍ਰੇਲਰ ਚਾਰ ਦੋਸਤਾਂ ਅਮਿਤਾਭ ਬੱਚਨ, ਅਨੁਪਮ ਖੇਰ, ਬੋਮਨ ਇਰਾਨੀ ਅਤੇ ਡੈਨੀ ਡੇਨਜੋਂਗਪਾ ਵਿਚਕਾਰ ਖੁਸ਼ੀ, ਭਾਵਨਾਵਾਂ ਅਤੇ ਤਿਆਗ ਨਾਲ ਭਰਪੂਰ ਹੈ। ਟ੍ਰੇਲਰ ਦੇਖ ਕੇ ਰੋਣਾ ਵੀ ਆ ਜਾਂਦਾ ਹੈ ਅਤੇ ਨੌਜਵਾਨ ਵੀ ਆਪਣੀ ਦੋਸਤੀ ਤੇ ਕੱਲ੍ਹ ਦੀ ਤਸਵੀਰ ਦੇਖ ਲੈਂਦੇ ਹਨ। ਫਿਲਮ ਦੀ ਟੈਗਲਾਈਨ ਹੈ 'ਦੋਸਤੀ ਉਨ੍ਹਾਂ ਦੀ ਪ੍ਰੇਰਨਾ ਹੈ'। ਟ੍ਰੇਲਰ ਅੰਤ ਤੱਕ ਦਰਸ਼ਕਾਂ ਨੂੰ ਆਪਣੇ ਨਾਲ ਜੋੜੀ ਰੱਖਣ ਦੀ ਸਮਰੱਥਾ ਰੱਖਦਾ ਹੈ। (Uunchai Trailer Release)
- " class="align-text-top noRightClick twitterSection" data="">
ਫਿਲਮ ਦੀ ਕਹਾਣੀ ਇਨ੍ਹਾਂ ਚਾਰ ਦੋਸਤਾਂ 'ਚੋਂ ਇਕ ਡੈਨੀ ਡੇਨਜੋਂਗਪਾ ਦੇ ਸੁਪਨੇ 'ਤੇ ਆਧਾਰਿਤ ਹੈ, ਜੋ ਆਪਣੀ ਉਮਰ ਦੇ ਅੰਤ 'ਚ ਮਾਊਂਟ ਐਵਰੈਸਟ 'ਤੇ ਜਾਣਾ ਚਾਹੁੰਦਾ ਹੈ। ਪਰ ਉਸਦੀ ਮੌਤ ਤੋਂ ਬਾਅਦ ਉਸਦੀਆਂ ਅਸਥੀਆਂ ਨੂੰ ਵਿਸਰਜਨ ਕਰਨ ਲਈ, ਅਮਿਤਾਭ ਬੱਚਨ, ਅਨੁਪਮ ਖੇਰ ਅਤੇ ਬੋਮਨ ਇਰਾਨੀ ਮਾਊਂਟ ਐਵਰੈਸਟ 'ਤੇ ਚਲੇ ਗਏ।
ਟ੍ਰਲੇਰ ਦੇ ਬੈਕਗ੍ਰਾਊਂਡ 'ਚ ਪਰਿਣੀਤੀ ਚੋਪੜਾ ਦੀ ਆਵਾਜ਼ ਵੀ ਸੁਣਾਈ ਦੇ ਰਹੀ ਹੈ। ਫਿਲਮ 'ਚ ਪਰਿਣੀਤੀ ਅਹਿਮ ਭੂਮਿਕਾ ਨਿਭਾਉਣ ਜਾ ਰਹੀ ਹੈ। ਰਾਜਸ਼੍ਰੀ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਦਾ ਨਿਰਦੇਸ਼ਨ ਸੂਰਜ ਬੜਜਾਤਿਆ ਨੇ ਕੀਤਾ ਹੈ, ਜੋ 'ਹਮ ਆਪਕੇ ਹੈ ਕੌਨ' ਅਤੇ 'ਹਮ ਸਾਥ ਸਾਥ ਹੈ' ਵਰਗੀਆਂ ਪਰਿਵਾਰਕ ਡਰਾਮਾ ਫਿਲਮਾਂ ਲਈ ਜਾਣੇ ਜਾਂਦੇ ਹਨ।
ਇਹ ਵੀ ਪੜ੍ਹੋ:Nora Fatehi Dance Show Canceled: ਬੰਗਲਾਦੇਸ਼ 'ਚ ਨੋਰਾ ਫਤੇਹੀ ਦਾ ਡਾਂਸ ਸ਼ੋਅ ਹੋਇਆ ਰੱਦ, ਇਹ ਹੈ ਕਾਰਨ
