ਚੰਡੀਗੜ੍ਹ: ਪੰਜਾਬੀ ਸਿਨੇਮਾ ਲਈ ‘ਰੱਬ ਦਾ ਰੇਡਿਓ’, ‘ਦਾਣਾ ਪਾਣੀ’, ‘ਯੈਸ ਆਈ ਐਮ ਸਟੂਡੈਂਟ’ ਜਿਹੀਆਂ ਕਾਮਯਾਬ ਅਤੇ ਚਰਚਿਤ ਰਹੀਆਂ ਫ਼ਿਲਮਾਂ ਬਣਾ ਚੁੱਕੇ ਨੌਜਵਾਨ ਨਿਰਦੇਸ਼ਕ ਤਰਨਵੀਰ ਸਿੰਘ ਜਗਪਾਲ ਆਪਣੀ ਨਵੀਂ ਫ਼ਿਲਮ ਦੁਆਰਾ ਇਕ ਵਾਰ ਫਿਰ ਜਿੰਮੀ ਸ਼ੇਰਗਿੱਲ ਨੂੰ ਨਿਰਦੇਸ਼ਿਤ ਕਰਨ ਜਾ ਰਹੇ ਹਨ, ਜਿੰਨ੍ਹਾਂ ਦੀ ਇਹ ਫ਼ਿਲਮ ਜਲਦ ਸੈੱਟ 'ਤੇ ਜਾ ਰਹੀ ਹੈ।
ਫ਼ਿਲਮ ਦੀ ਦੂਜੀ ਕਾਸਟ ਅਤੇ ਹੋਰਨਾਂ ਪੱਖਾਂ ਦਾ ਰਸਮੀ ਐਲਾਨ ਵੀ ਅਗਲੇ ਦਿਨ੍ਹੀਂ ਕੀਤਾ ਜਾ ਰਿਹਾ ਹੈ, ਜਿਸ ਵਿਚ ਪੰਜਾਬੀ ਸਿਨੇਮਾ ਦੇ ਕਈ ਮੰਨੇ ਪ੍ਰਮੰਨੇ ਕਲਾਕਾਰ ਮਹੱਤਵਪੂਰਨ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਉਣਗੇ। ਫ਼ਿਲਮ ਟੀਮ ਅਨੁਸਾਰ ਇਸ ਵਰ੍ਹੇ ਦੀ ਬੇਹਤਰੀਨ ਅਤੇ ਅਰਥਭਰਪੂਰ ਫ਼ਿਲਮ ਵਜੋਂ ਸਾਹਮਣੇ ਆਉਣ ਜਾ ਰਹੀ ਇਸ ਫ਼ਿਲਮ ਦੀ ਸ਼ੂਟਿੰਗ ਦਾ ਕੁਝ ਹਿੱਸਾ ਪੰਜਾਬ ਅਤੇ ਜਿਆਦਾਤਰ ਕੈਨੇਡਾ ਦੇ ਵੈਨਕੂਵਰ ਅਤੇ ਬ੍ਰਿਟਿਸ਼ ਕੋਲੰਬੀਆਂ ਦੀਆਂ ਵੱਖ ਵੱਖ ਲੋਕੇਸ਼ਨਾਂ 'ਤੇ ਫ਼ਿਲਮਾਇਆ ਜਾਵੇਗਾ।
ਜੇਕਰ ਇਸ ਹੋਣਹਾਰ ਨਿਰਦੇਸ਼ਕ ਦੇ ਹੁਣ ਤੱਕ ਦੇ ਸਿਨੇਮਾ ਕਰੀਅਰ ਵੱਲ ਨਜ਼ਰਸਾਨੀ ਕੀਤੀ ਜਾਵੇ ਤਾਂ ਇਹ ਉਚਕੋਟੀ ਦੇ ਪੰਜਾਬੀ ਸਿਨੇਮਾ ਨਿਰਦੇਸ਼ਕ ਨਵਨੀਅਤ ਸਿੰਘ ਨਾਲ ‘ਟੌਹਰ ਮਿੱਤਰਾਂ ਦੀ’, ‘ਸਿੰਘ ਵਰਸਿਜ਼ ਕੌਰ’, ‘ਰੰਗੀਲੇ’, ‘ਰੋਮਿਓ ਰਾਂਝਾ’ ਤੋਂ ਇਲਾਵਾ ਧੀਰਜ ਰਤਨ ਨਾਲ ‘ਸਾਡੀ ਲਵ ਸਟੋਰੀ’ , ‘ਇਸ਼ਕ ਗਰਾਰੀ’, ਅਮਿਤ ਪਰਾਸ਼ਰ ਨਾਲ ’ਤੂੰ ਮੇਰਾ ਬਾਈ ਮੈਂ ਤੇਰਾ ਬਾਈ’ ਜਿਹੀਆਂ ਕਈ ਫ਼ਿਲਮਾਂ ਕਰਨ ਦਾ ਮਾਣ ਹਾਸਿਲ ਕਰ ਚੁੱਕੇ ਹਨ।
ਇਸ ਤੋਂ ਇਲਾਵਾ ਹਾਲੀਆ ਸਮੇਂ ਇੰਨ੍ਹਾਂ ਵੱਲੋਂ ਗੁਰਇਕਬਾਠ ਦਾ ਸ਼ਾਨਦਾਰ ਮਿਊਜ਼ਿਕ ਵੀਡੀਓਜ਼ ‘ਦਿਲ੍ਹਾਂ ਦੇ ਹਾਣੀ’ ਆਦਿ ਦਾ ਨਿਰਦੇਸ਼ਨ ਕਰਕੇ ਇਸ ਖਿੱਤੇ ਵਿਚ ਵੱਖਰੀ ਪਹਿਚਾਣ ਸਥਾਪਿਤ ਕਰ ਲਈ ਗਈ ਹੈ। ਪੰਜਾਬੀ ਸਿਨੇਮਾ ਦੇ ਸਰਵੋਤਮ ‘ਦਿ ਬੈਸਟ ਡੈਬਿਊ ਨਿਰਦੇਸ਼ਕ’ ਅਤੇ ‘ਦਾਣਾ ਪਾਣੀ’ ਲਈ ‘ਫ਼ਿਲਮਫ਼ੇਅਰ ਐਵਾਰਡ’ ਨਾਲ ਨਵਾਜ਼ੇ ਜਾਣ ਦਾ ਫ਼ਖਰ ਹਾਸਿਲ ਕਰ ਚੁੱਕੇ ਅਤੇ ਪੜਾਅ ਦਰ ਪੜਾਅ ਮਜ਼ਬੂਤ ਅਤੇ ਨਵੀਆਂ ਪੈੜ੍ਹਾਂ ਸਿਰਜਣ ਵੱਲ ਅੱਗੇ ਵਧ ਰਹੇ ਹਨ।
ਇਸ ਸ਼ਾਨਦਾਰ ਨਿਰਦੇਸ਼ਕ ਕੋਲੋ ਉਨ੍ਹਾਂ ਦੇ ਨਵੇਂ ਪ੍ਰੋਜੈਕਟ ਬਾਰੇ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਸ਼ੁਰੂ ਹੋਣ ਜਾ ਰਹੀ ਪੰਜਾਬ ਅਤੇ ਪੰਜਾਬੀਅਤ ਦੀ ਤਰਜਮਾਨੀ ਕਰਦੀ ਇਹ ਫ਼ਿਲਮ ਬਹੁਤ ਹੀ ਦਿਲਟੁੰਬਵੇਂ ਅਤੇ ਭਾਵਨਾਤਮਕ ਵਿਸ਼ੇ ਦੁਆਲੇ ਕੇਂਦਰਿਤ ਹੈ, ਜੋ ਹਰ ਫ਼ਿਲਮ ਦੁਆਰਾ ਕੁਝ ਨਿਵੇਕਲਾ ਕਰਨ ਦੀਆਂ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ 'ਤੇ ਪੂਰੀ ਤਰ੍ਹਾਂ ਖਰੀ ਉਤਰੇਗੀ।
ਹੁਣ ਜੇਕਰ ਜ਼ਿੰਮੀ ਸ਼ੇਰਗਿੱਲ ਦੇ ਵਰਕਫੰਟ ਦੀ ਗੱਲ਼ ਕਰੀਏ ਤਾਂ ਅਦਾਕਾਰ ਦੀ ਹਾਲ ਹੀ ਵਿੱਚ ਕੁਲਰਾਜ ਰੰਧਾਵਾ ਨਾਲ ਫਿਲਮ ‘ਤੂੰ ਹੋਵੇ, ਮੈਂ ਹੋਵਾਂ’ ਰਿਲੀਜ਼ ਹੋਈ ਹੈ, ਇਸ ਫਿਲਮ ਵਿੱਚ ਜੋੜੀ ਦੀ ਸ਼ਾਨਦਾਰ ਕੈਮਿਸਟਰੀ 13 ਸਾਲਾਂ ਬਾਅਦ ਦੇਖਣ ਨੂੰ ਮਿਲੀ ਸੀ।
ਇਹ ਵੀ ਪੜ੍ਹੋ:Imtiaz Ali film Chamkila: ਫਿਲਮ 'ਚਮਕੀਲਾ' ਦੀ ਸ਼ੂਟਿੰਗ ਖਤਮ, ਪਰਿਣੀਤੀ ਚੋਪੜਾ ਨੇ ਦਿਲਜੀਤ ਦੁਸਾਂਝ ਉਤੇ ਲੁਟਾਇਆ ਪਿਆਰ, ਕਿਹਾ-
