ਚੰਡੀਗੜ੍ਹ: ਬਹੁਤ-ਉਡੀਕੀ ਰਹੀ ਪੰਜਾਬੀ ਫਿਲਮ "ਮੁੰਡਾ ਸਾਊਥਾਲ ਦਾ" ਦਾ ਟ੍ਰੇਲਰ ਇੰਟਰਨੈੱਟ 'ਤੇ ਹਿੱਟ ਹੋ ਰਿਹਾ ਹੈ, ਜਿਸ ਕਾਰਨ ਨਿਰਮਾਤਾਵਾਂ ਦਾ ਉਤਸ਼ਾਹ ਦੇਖਣ ਵਾਲਾ ਹੈ, ਇਹ ਪਹਿਲੀ ਵਾਰ ਹੈ ਜਦੋਂ ਤਨੂੰ ਗਰੇਵਾਲ ਅਤੇ ਅਰਮਾਨ ਬੇਦਿਲ ਸਕ੍ਰੀਨ ਸਪੇਸ ਸਾਂਝੀ ਕਰਦੇ ਨਜ਼ਰ ਆਉਣਗੇ।
ਤਨੂੰ ਗਰੇਵਾਲ ਅਤੇ ਅਰਮਾਨ ਬੇਦਿਲ ਇੰਨੀਂ ਦਿਨੀਂ ਫਿਲਮ ਦੇ ਪ੍ਰਮੋਸ਼ਨ ਵਿੱਚ ਰੁੱਝੇ ਹੋਏ ਹਨ, ਜੋ ਆਏ ਦਿਨ ਫਿਲਮ ਨਾਲ ਸੰਬੰਧਿਤ ਕੋਈ ਨਾ ਕੋਈ ਵੀਡੀਓ ਸਾਂਝੀ ਕਰਦੇ ਰਹਿੰਦੇ ਹਨ, ਹੁਣ ਗਾਇਕ ਅਰਮਾਨ ਬੇਦਿਲ ਨੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਤਨੂੰ ਗਰੇਵਾਲ ਨਾਲ ਇੱਕ ਰੁਮਾਂਟਿਕ ਗੀਤ ਉਤੇ ਰੁਮਾਂਸ ਕਰਦੇ ਨਜ਼ਰ ਆ ਰਹੇ ਹਨ।
ਇਸ ਵੀਡੀਓ ਨੂੰ ਦੇਖ ਕੇ ਨਿਰਦੇਸ਼ਕ ਸੁੱਖ ਸੰਘੇੜਾ ਨੇ ਬਹੁਤ ਹੀ ਮਜ਼ੇਦਾਰ ਕਮੈਂਟ ਕੀਤਾ ਹੈ, ਸੰਘੇੜਾ ਨੇ ਲਿਖਿਆ ਹੈ 'ਯਾਰ ਮੈਨੂੰ ਇਹਨਾਂ ਦਾ ਸੱਚੀ ਕੋਈ ਚੱਕਰ ਲੱਗਦਾ...ਦਇਆ ਕੁਛ ਤੋਂ ਗੜਬੜ ਹੈ।' ਹੁਣ ਇਸ ਕਮੈਂਟ ਉਤੇ ਤਨੂੰ ਗਰੇਵਾਲ ਨੇ ਸ਼ਰਮਾਉਣ ਵਾਲਾ ਇਮੋਜੀ ਸਾਂਝਾ ਕੀਤਾ ਹੈ ਅਤੇ ਅਰਮਾਨ ਨੇ ਲਾਲ ਦਿਲ ਵਾਲਾ ਇਮੋਜੀ ਸਾਂਝਾ ਕੀਤਾ ਹੈ। ਪਰ ਇਹ ਕਲਾਕਾਰ ਸੱਚੀ ਰਿਸ਼ਤੇ ਵਿੱਚ ਹਨ ਜਾਂ ਨਹੀਂ ਇਸ ਬਾਰੇ ਜੋੜੇ ਨੇ ਕੁੱਝ ਵੀ ਸ਼ੋਸਲ ਨਹੀਂ ਕੀਤਾ ਹੈ। ਫਿਲਹਾਲ ਇਹ ਇੱਕ ਮਜ਼ਾਕੀਆ ਕਮੈਂਟ ਹੀ ਹੈ।
- ਅਦਾਕਾਰੀ-ਨਿਰਦੇਸ਼ਨ ਦੇ ਨਾਲ ਹੁਣ ਪੰਜਾਬੀ ਗਾਇਕੀ ਵੱਲ ਵੀ ਵਧਿਆ ਮੀਨਾਰ ਮਲਹੋਤਰਾ, ਰਿਲੀਜ਼ ਹੋਇਆ ਪਹਿਲਾਂ ਹਿੰਦੀ ਗੀਤ ‘ਸੁਰਮੇ ਵਾਲੀ’
- ਆਖੀਰ ਕਿਉਂ ਨਹੀਂ ਹੈ ਤਾਪਸੀ ਪੰਨੂ ਸ਼ੋਸਲ ਮੀਡੀਆ 'ਤੇ ਐਕਟਿਵ, ਹੁਣ ਅਦਾਕਾਰਾ ਨੇ ਖੁਦ ਦੱਸਿਆ ਵੱਡਾ ਕਾਰਨ
- Punjabi film Cheta Singh: ਪ੍ਰਿੰਸ ਕੰਵਲਜੀਤ ਸਿੰਘ ਸਟਾਰਰ ਫਿਲਮ 'ਚੇਤਾ ਸਿੰਘ' ਦਾ ਖੌਫ਼ਨਾਕ ਪੋਸਟਰ ਰਿਲੀਜ਼, ਫਿਲਮ ਇਸ ਦਿਨ ਹੋਵੇਗੀ ਰਿਲੀਜ਼
ਹੁਣ ਇਥੇ ਜੇਕਰ ਟ੍ਰੇਲਰ ਬਾਰੇ ਗੱਲ ਕਰੀਏ ਤਾਂ ਟ੍ਰੇਲਰ ਹਾਸੇ ਦੇ ਪਲਾਂ, ਦਿਲ ਨੂੰ ਛੂਹਣ ਵਾਲੀ ਦੋਸਤੀ ਅਤੇ ਤੀਬਰ ਡਰਾਮੇ ਨੂੰ ਦਰਸਾਉਂਦਾ ਹੈ। ਫਿਲਮ ਵਿੱਚ ਅਰਮਾਨ ਅਰਜੁਨ ਨਾਂ ਦੇ ਕਿਰਦਾਰ ਵਿੱਚ, ਜਦੋਂ ਕਿ ਤਨੂੰ ਰਾਵੀ ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ। ਉਨ੍ਹਾਂ ਦੀ ਆਨ-ਸਕ੍ਰੀਨ ਕੈਮਿਸਟਰੀ ਫਿਲਮ ਦੇ ਹਾਈਲਾਈਟਸ ਵਿੱਚੋਂ ਇੱਕ ਹੈ। ਅਰਮਾਨ ਅਤੇ ਤਨੂ ਤੁਹਾਨੂੰ ਸਾਊਥਾਲ ਦੀਆਂ ਰੌਣਕ ਭਰੀਆਂ ਗਲੀਆਂ ਵਿੱਚ ਲੈ ਜਾਣ ਲਈ ਤਿਆਰ ਹਨ।
ਫਿਲਮ ਬਾਰੇ ਹੋਰ ਗੱਲ ਕਰੀਏ ਤਾਂ ਸੁੱਖ ਸੰਘੇੜਾ ਆਪਣੇ ਕਰੀਅਰ ਵਿੱਚ ਦੂਜੀ ਵਾਰ ਫਿਲਮ ਦਾ ਨਿਰਦੇਸ਼ਨ ਕਰਨਗੇ। ਫਿਲਮ ਮੈਜਿਕ ਅਤੇ ਪਿੰਕ ਪੋਨੀ ਦੇ ਬੈਨਰ ਹੇਠ ਰਿਲੀਜ਼ ਹੋਵੇਗੀ, ਜਦੋਂ ਕਿ ਇਸ ਨੂੰ ਰਿਦਮ ਬੁਆਏਜ਼ ਐਂਟਰਟੇਨਮੈਂਟ ਦੁਆਰਾ ਪੇਸ਼ ਜਾਵੇਗਾ। ਅਰਮਾਨ ਬੇਦਿਲ ਅਤੇ ਤਨੂੰ ਗਰੇਵਾਲ ਦੇ ਨਾਲ ਫਿਲਮ ਵਿੱਚ ਇਫਤਿਖਾਰ ਠਾਕੁਰ, ਸਰਬਜੀਤ ਚੀਮਾ, ਪ੍ਰੀਤ ਔਜਲਾ, ਗੋਲਡਬੁਆਏ, ਰੌਬਿਨ, ਗੁਰਪ੍ਰੀਤ ਭੰਗੂ, ਮਲਕੀਤ ਰੌਣੀ ਅਤੇ ਪ੍ਰੀਤੋ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਫਿਲਮ 4 ਅਗਸਤ 2023 ਨੂੰ ਰਿਲੀਜ਼ ਹੋਵੇਗੀ।
