ਮੁੰਬਈ (ਬਿਊਰੋ): ਸੋਨਮ ਕਪੂਰ ਨੇ ਆਪਣੀ ਹਾਲੀਆ ਇੰਸਟਾਗ੍ਰਾਮ ਪੋਸਟ 'ਚ ਪ੍ਰੈਗਨੈਂਸੀ ਤੋਂ ਬਾਅਦ ਦੇ ਫਿਟਨੈੱਸ ਸਫਰ ਨੂੰ ਸ਼ੇਅਰ ਕੀਤਾ ਹੈ। ਸੋਨਮ ਕਪੂਰ ਬਾਲੀਵੁੱਡ ਦੀਆਂ ਸਭ ਤੋਂ ਜਿਆਦਾ ਪਸੰਦ ਕੀਤੀਆਂ ਜਾਣ ਵਾਲੀਆਂ ਅਦਾਕਾਰਾਂ ਵਿੱਚੋਂ ਇੱਕ ਹੈ।
ਕੁਝ ਸਮਾਂ ਪਹਿਲਾਂ ਮਾਂ ਬਣੀ ਸੋਨਮ ਕਪੂਰ ਆਪਣੇ ਲੁੱਕ ਨਾਲ ਆਪਣੇ ਪ੍ਰਸ਼ੰਸਕਾਂ ਨੂੰ ਦੀਵਾਨਾ ਬਣਾਉਂਦੀ ਰਹਿੰਦੀ ਹੈ। ਅੱਜ ਇੱਕ ਵਾਰ ਫਿਰ ਫੈਸ਼ਨਿਸਟਾ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਕੁਝ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਹ ਕਾਫੀ ਆਕਰਸ਼ਕ ਨਜ਼ਰ ਆ ਰਹੀ ਹੈ। ਤਸਵੀਰਾਂ ਸ਼ੇਅਰ ਕਰਨ ਦੇ ਨਾਲ ਹੀ ਉਸ ਨੇ ਦੱਸਿਆ ਕਿ ਕਿਵੇਂ ਵਾਯੂ ਨੂੰ ਜਨਮ ਦੇਣ ਤੋਂ ਬਾਅਦ ਉਸ ਨੇ ਖੁਦ ਨੂੰ ਫਿੱਟ ਅਤੇ ਐਕਟਿਵ ਰੱਖਿਆ ਹੈ।
ਸੋਨਮ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਸ ਨੇ ਖੂਬਸੂਰਤ ਲਹਿੰਗਾ ਪਾਇਆ ਹੋਇਆ ਹੈ, ਜਿਸ ਨਾਲ ਉਸ ਨੇ ਖੂਬਸੂਰਤ ਈਅਰਰਿੰਗਸ ਨਾਲ ਆਪਣਾ ਲੁੱਕ ਪੂਰਾ ਕੀਤਾ। ਉਸ ਦਾ ਸਮੋਕੀ ਆਈ ਮੇਕਅੱਪ ਉਸ ਦੀ ਪੂਰੀ ਦਿੱਖ ਨੂੰ ਚਾਰ ਚੰਨ ਲਗਾ ਰਿਹਾ ਸੀ।
ਇਸ ਪੋਸਟ ਨੂੰ ਸ਼ੇਅਰ ਕਰਦੇ ਹੋਏ ਸੋਨਮ ਨੇ ਪ੍ਰੈਗਨੈਂਸੀ ਤੋਂ ਬਾਅਦ ਆਪਣੇ ਫਿਟਨੈੱਸ ਸਫਰ ਬਾਰੇ ਲਿਖਿਆ, 'ਮੈਨੂੰ ਦੁਬਾਰਾ ਆਪਣੇ ਵਰਗਾ ਮਹਿਸੂਸ ਕਰਨ 'ਚ 16 ਮਹੀਨੇ ਲੱਗ ਗਏ। ਬਿਨਾਂ ਕਿਸੇ ਕਰੈਸ਼ ਡਾਈਟ ਅਤੇ ਵਰਕਆਊਟ ਦੇ ਹੌਲੀ-ਹੌਲੀ ਇਕਸਾਰ ਸਵੈ-ਸੰਭਾਲ ਅਤੇ ਬੱਚੇ ਦੀ ਦੇਖਭਾਲ। ਮੈਂ ਅਜੇ ਉੱਥੇ ਨਹੀਂ ਹਾਂ ਪਰ ਮੈਂ ਲਗਭਗ ਉੱਥੇ ਹੀ ਹਾਂ ਜਿੱਥੇ ਮੈਂ ਬਣਨਾ ਚਾਹੁੰਦੀ ਹਾਂ...ਮੈਂ ਅਜੇ ਵੀ ਆਪਣੇ ਸਰੀਰ ਲਈ ਸ਼ੁਕਰਗੁਜ਼ਾਰ ਹਾਂ। ਇੱਕ ਔਰਤ ਹੋਣਾ ਇੱਕ ਬਹੁਤ ਹੀ ਸ਼ਾਨਦਾਰ ਅਨੁਭਵ ਹੈ।'
ਕੁਝ ਦਿਨ ਪਹਿਲਾਂ ਸੋਨਮ ਬਾਜਵਾ ਨੇ ਇੱਕ ਪੋਸਟ ਸ਼ੇਅਰ ਕੀਤੀ ਸੀ, ਜਿਸ ਵਿੱਚ ਸੋਨਮ ਕਪੂਰ ਨੇ 2023 ਨੂੰ ਰੋਲਰ ਕੋਸਟਰ ਰਾਈਡ ਦੱਸਦਿਆਂ ਖੁਲਾਸਾ ਕੀਤਾ ਕਿ ਉਹ ਮਾਤਾ-ਪਿਤਾ ਬਣਨ ਨਾਲ ਆਉਣ ਵਾਲੇ ਬਦਲਾਅ ਨੂੰ ਸਵੀਕਾਰ ਕਰਨ ਦੀ ਸਥਿਤੀ 'ਚ ਆ ਗਈ ਹੈ। ਉਸਨੇ ਅੱਗੇ ਕਿਹਾ, 'ਫਿਰ ਮੇਰੇ ਪਤੀ ਦੇ ਬਹੁਤ ਬਿਮਾਰ ਹੋਣ ਨਾਲ ਨਜਿੱਠਣਾ, ਜਿਸਦਾ ਕੋਈ ਡਾਕਟਰ ਇਲਾਜ ਨਹੀਂ ਕਰ ਸਕਦਾ ਸੀ, ਉਹ ਤਿੰਨ ਮਹੀਨੇ ਨਰਕ ਸਨ।'
ਉਲੇਖਯੋਗ ਹੈ ਕਿ ਸੋਨਮ ਕਪੂਰ ਨੂੰ ਆਖਰੀ ਵਾਰ 'ਬਲਾਇੰਡ' ਫਿਲਮ ਵਿੱਚ ਦੇਖਿਆ ਗਿਆ ਸੀ ਜਿਸ ਤੋਂ ਉਸਨੇ ਗਰਭ ਅਵਸਥਾ ਤੋਂ ਬਾਅਦ ਵਾਪਸੀ ਕੀਤੀ ਸੀ। ਅਦਾਕਾਰਾ ਨੇ ਪਹਿਲਾਂ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਹ 2024 ਵਿੱਚ ਆਪਣੀ ਅਗਲੀ ਫੀਚਰ ਫਿਲਮ 'ਬੈਟਲ ਫਾਰ ਬਿਟੋਰਾ' ਵਿੱਚ ਕੰਮ ਕਰੇਗੀ।
