ਹੈਦਰਾਬਾਦ: ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ, ਕ੍ਰਿਤੀ ਸੈਨਨ ਅਤੇ ਤੱਬੂ ਦੀ ਆਉਣ ਵਾਲੀ ਕਾਮੇਡੀ ਫਿਲਮ 'ਦਿ ਕਰੂ' ਵਿੱਚ ਇੱਕ ਹੋਰ ਨਵਾਂ ਸਿਤਾਰਾ ਜੁੜ ਗਿਆ ਹੈ। ਜੀ ਹਾਂ...ਵੀਰਵਾਰ ਨੂੰ ਰਿਪੋਰਟਾਂ ਦੇ ਅਨੁਸਾਰ ਰੀਆ ਕਪੂਰ ਅਤੇ ਏਕਤਾ ਕਪੂਰ ਦੀ ਆਉਣ ਵਾਲੀ ਫਿਲਮ ਵਿੱਚ ਅਦਾਕਾਰ ਕਪਿਲ ਸ਼ਰਮਾ ਇੱਕ ਮਹੱਤਵਪੂਰਣ ਭੂਮਿਕਾ ਵਿੱਚ ਨਜ਼ਰ ਆਉਣਗੇ, ਜੋ ਹਰ ਕਿਸੇ ਲਈ ਇੱਕ ਸੁਹਾਵਣੀ ਅਤੇ ਹੈਰਾਨੀ ਵਾਲੀ ਗੱਲ ਹੋਵੇਗੀ।
ਅਦਾਕਾਰ ਜਲਦੀ ਹੀ ਕਿਸੇ ਅਣਦੱਸੀ ਵਿਦੇਸ਼ੀ ਸਥਾਨ 'ਤੇ ਫਿਲਮ ਦੇ ਆਪਣੇ ਹਿੱਸੇ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਹਾਲਾਂਕਿ ਟੀਮ ਵੱਲੋਂ ਅਧਿਕਾਰਤ ਪੁਸ਼ਟੀ ਦੀ ਅਜੇ ਉਡੀਕ ਹੈ। ਕ੍ਰਿਤੀ ਅਤੇ ਕਰੀਨਾ ਨੇ ਪਿਛਲੇ ਮਹੀਨੇ ਸ਼ੂਟ 'ਤੇ ਕੰਮ ਕਰਨਾ ਸ਼ੁਰੂ ਕੀਤਾ ਸੀ ਅਤੇ ਤੱਬੂ ਇਸ ਹਫਤੇ ਉਨ੍ਹਾਂ ਨਾਲ ਜੁੜ ਗਈ ਹੈ। ਖਬਰਾਂ ਅਨੁਸਾਰ ਫਿਲਮ ਵਿੱਚ ਦਿਲਜੀਤ ਦੁਸਾਂਝ ਵੀ ਮੁੱਖ ਰੂਪ ਵਿੱਚ ਹਨ। ਫਿਲਮ ਦਰਸ਼ਕਾਂ ਨੂੰ ਇੱਕ ਰੋਮਾਂਚਕ ਯਾਤਰਾ 'ਤੇ ਲੈ ਜਾਣ ਦਾ ਵਾਅਦਾ ਕਰਦੀ ਹੈ। ਆਉਣ ਵਾਲੀ ਕਾਮੇਡੀ ਫਿਲਮ ਦਾ ਨਿਰਦੇਸ਼ਨ ਰਾਜੇਸ਼ ਕ੍ਰਿਸ਼ਨਨ ਕਰ ਰਹੇ ਹਨ।
ਨਿਰਮਾਤਾ ਏਕਤਾ ਦੇ ਅਨੁਸਾਰ 'ਦਿ ਕਰੂ' ਦਰਸ਼ਕਾਂ ਦਾ ਮੰਨੋਰੰਜਨ ਅਤੇ ਪ੍ਰੇਰਨਾ ਦੇਵੇਗੀ। ਉਸਨੇ ਇੱਕ ਬਿਆਨ ਵਿੱਚ ਕਿਹਾ "ਮੈਨੂੰ ਲੱਗਦਾ ਹੈ ਕਿ ਹਰੇਕ ਮੈਂਬਰ ਦੇ ਸਹਿਯੋਗੀ ਯਤਨਾਂ ਨੇ ਸਿਨੇਮਾ ਨੂੰ ਜਾਦੂ ਬਣਾਇਆ ਹੈ। ਕਰੂ ਦੇ ਨਾਲ ਮੈਂ ਇੱਕ ਕਹਾਣੀ ਬਣਾਉਣ ਲਈ ਆਪਣੀ ਟੀਮ ਦੇ ਨਾਲ ਇੱਕ ਯਾਤਰਾ 'ਤੇ ਜਾਣ ਲਈ ਉਤਸੁਕ ਹਾਂ ਜੋ ਮਨੋਰੰਜਨ ਦੇ ਨਾਲ-ਨਾਲ ਪ੍ਰੇਰਨਾ ਵੀ ਦੇਵੇਗੀ। ਇੰਨੀ ਸ਼ਾਨਦਾਰ ਕਾਸਟ ਅਤੇ ਚਾਲਕ ਦਲ ਦੇ ਨਾਲ, ਮੈਨੂੰ ਕੋਈ ਸ਼ੱਕ ਨਹੀਂ ਹੈ ਕਿ ਇਹ ਫਿਲਮ ਟੀਮ ਵਰਕ ਅਤੇ ਕਲਪਨਾ ਦੀ ਸ਼ਕਤੀ ਦਾ ਪ੍ਰਮਾਣ ਹੋਵੇਗੀ।"
2018 ਦੀ ਕਾਮੇਡੀ ਫਿਲਮ ਵੀਰੇ ਦੀ ਵੈਡਿੰਗ ਤੋਂ ਬਾਅਦ 'ਦਿ ਕਰੂ' ਏਕਤਾ ਅਤੇ ਰੀਆ ਦਾ ਦੂਜਾ ਸਹਿਯੋਗ ਹੈ। ਫਿਲਮ ਨੂੰ ਭਾਰਤ ਦੇ ਆਲੇ-ਦੁਆਲੇ ਦੇ ਕਈ ਸਥਾਨਾਂ 'ਤੇ ਫਿਲਮਾਇਆ ਜਾਵੇਗਾ, ਜਿਸ ਵਿੱਚ ਮੁੰਬਈ ਮੁੱਖ ਸਥਾਨ ਵਜੋਂ ਹੋਵੇਗੀ। ਫਿਲਮ ਦੇ ਇਸ ਸਾਲ ਸਿਨੇਮਾਘਰਾਂ 'ਚ ਆਉਣ ਦੀ ਉਮੀਦ ਹੈ।
ਦੱਸ ਦਈਏ ਕਿ ਕਰੀਨਾ ਕਪੂਰ ਨੂੰ ਥੋੜ੍ਹਾ ਸਮਾਂ ਪਹਿਲਾਂ ਬਾਕਸ ਆਫਿਸ 'ਤੇ ਰਿਲੀਜ਼ ਹੋਈ ਲਾਲ ਸਿੰਘ ਚੱਢਾ ਵਿੱਚ ਦੇਖਿਆ ਗਿਆ ਸੀ। ਇਨ੍ਹੀਂ ਦਿਨੀਂ ਉਹ 'ਦਿ ਕਰੂ' ਦੇ ਨਾਲ-ਨਾਲ ਨੈੱਟਫਲਿਕਸ ਦੀ ਫਿਲਮ 'ਡਿਵੋਸ਼ਨ ਆਫ ਸਸਪੈਕਟ ਐਕਸ' 'ਚ ਰੁੱਝੀ ਹੋਈ ਹੈ। ਕ੍ਰਿਤੀ ਸੈਨਨ ਜਲਦੀ ਹੀ ਪ੍ਰਭਾਸ ਅਤੇ ਸੈਫ ਅਲੀ ਖਾਨ ਦੇ ਨਾਲ ਫਿਲਮ ਆਦਿਪੁਰਸ਼ ਵਿੱਚ ਨਜ਼ਰ ਆਵੇਗੀ। ਤੱਬੂ ਦੀ ਹਾਲ ਹੀ ਵਿੱਚ ਅਜੈ ਦੇਵਗਨ ਨਾਲ 'ਭੋਲਾ' ਫਿਲਮ ਰਿਲੀਜ਼ ਹੋਈ ਹੈ।
ਇਹ ਵੀ ਪੜ੍ਹੋ:BTS Video: ਸ਼ਹਿਨਾਜ਼ ਗਿੱਲ ਨਾਲ ਡਾਂਸ ਕਰ ਰਿਹਾ ਸੀ ਜੱਸੀ ਗਿੱਲ, ਰਾਘਵ ਜੁਆਲ ਨੂੰ ਨਹੀਂ ਆਇਆ ਪਸੰਦ, ਕੀਤਾ ਇਹ ਕੰਮ
