ਮੁਬੰਈ: ਬਾਲੀਵੁੱਡ ਅਦਾਕਾਰ ਆਯੁਸ਼ਮਾਨ ਖੁਰਾਨਾ ਅਤੇ ਅਨੰਨਿਆ ਪਾਂਡੇ ਸਟਾਰਰ ਫਿਲਮ ਡ੍ਰੀਮ ਗਰਲ 2 ਸਿਨੇਮਾਘਰਾਂ 'ਚ 25 ਅਗਸਤ ਨੂੰ ਰਿਲੀਜ਼ ਹੋਈ। ਡ੍ਰੀਮ ਗਰਲ 2 ਨੇ ਆਪਣੇ ਓਪਨਿੰਗ ਡੇ 'ਤੇ ਕਾਫ਼ੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਆਯੁਸ਼ਮਾਨ ਦੀ ਫਿਲਮ ਨੇ ਬਾਕਸ ਆਫਿਸ 'ਤੇ ਪਹਿਲੇ ਦਿਨ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਭਾਰਤ 'ਚ 10.69 ਕਰੋੜ ਰੁਪਏ ਦੀ ਕਮਾਈ ਕੀਤੀ।
ਡ੍ਰੀਮ ਗਰਲ 2 ਦਾ ਦੂਜੇ ਦਿਨ ਦਾ ਕਲੈਕਸ਼ਨ: ਇਹ ਫਿਲਮ ਦੁਨੀਆਂ ਭਰ 'ਚ 2023 ਦੀ 10ਵੀਂ ਸਭ ਤੋਂ ਜ਼ਿਆਦਾ ਓਪਨਿੰਗ ਕਲੈਕਸ਼ਨ ਕਰਨ ਵਾਲੀ ਫਿਲਮ ਬਣਨ ਵੱਲ ਵਧ ਰਹੀ ਹੈ। ਆਯੁਸ਼ਮਾਨ ਲਈ ਡ੍ਰੀਮ ਗਰਲ 2 ਸਭ ਤੋਂ ਵਧੀਆਂ ਓਪਨਿੰਗ ਕਰਨ ਵਾਲੀਆਂ ਫਿਲਮਾਂ 'ਚੋ ਇੱਕ ਹੈ। ਡ੍ਰੀਮ ਗਰਲ 2 ਨੇ ਦੂਜੇ ਦਿਨ ਸ਼ਨੀਵਾਰ ਨੂੰ 14.50 ਕਰੋੜ ਰੁਪਏ ਦਾ ਬਾਕਸ ਆਫ਼ਿਸ ਕਲੈਕਸ਼ਨ ਹਾਸਲ ਕੀਤਾ ਹੈ। ਡ੍ਰੀਮ ਗਰਲ 2 ਨੂੰ ਹਿੱਟ ਬਣਨ ਲਈ 75 ਕਰੋੜ ਦਾ ਅੰਕੜਾ ਪਾਰ ਕਰਨਾ ਹੋਵੇਗਾ। ਜੇਕਰ ਇਹ ਫਿਲਮ 65 ਕਰੋੜ ਨੂੰ ਪਾਰ ਕਰ ਜਾਂਦੀ ਹੈ, ਤਾਂ ਇਸਨੂੰ ਔਸਤ ਫਿਲਮ ਮੰਨਿਆ ਜਾਵੇਗਾ।
ਫਿਲਮ ਡ੍ਰੀਮ ਗਰਲ 2 ਦੀ ਸਟਾਰਕਾਸਟ: ਇਹ ਫਿਲਮ ਰਾਜ ਸ਼ਾਂਡਿਲਿਆ ਦੁਆਰਾ ਨਿਰਦੇਸ਼ਿਤ ਕੀਤੀ ਗਈ ਹੈ ਅਤੇ ਬਾਲਾਜੀ ਮੋਸ਼ਨ ਪਿਕਚਰਜ਼ ਦੇ ਬੈਨਰ ਹੇਠ ਏਕਤਾ ਕਪੂਰ ਅਤੇ ਸ਼ੋਭਾ ਕਪੂਰ ਨੇ ਪ੍ਰੋਡਿਊਸ ਕੀਤੀ ਹੈ। ਇਸ ਫਿਲਮ 'ਚ ਆਯੁਸ਼ਮਾਨ ਖੁਰਾਨਾ, ਅਨੰਨਿਆ ਪਾਂਡੇ ਲੀਡ ਰੋਲ 'ਚ ਨਜ਼ਰ ਆ ਰਹੇ ਹਨ। ਇਸਦੇ ਨਾਲ ਹੀ ਪਰੇਸ਼ ਰਾਵਲ, ਮਨਜੋਤ ਸਿੰਘ, ਸੀਮਾ ਪਾਹਵਾ, ਅਨੂ ਕਪੂਰ, ਰਾਜਪਾਲ ਯਾਦਵ, ਅਭਿਸ਼ੇਕ ਬੈਨਰਜੀ, ਅਸਰਾਨੀ ਵਿਜੈ ਰਾਜ ਅਤੇ ਮਨੋਜ ਜੋਸ਼ੀ ਵਰਗੇ ਕਲਾਕਾਰ ਮਹੱਤਵਪੂਰਨ ਭੂਮਿਕਾਵਾਂ 'ਚ ਹਨ।
- Mastaney Box Office Collection 2: ਲੋਕਾਂ ਦੇ ਦਿਲਾਂ 'ਤੇ ਛਾਅ ਰਹੀ ਹੈ ਪੰਜਾਬੀ ਫਿਲਮ 'ਮਸਤਾਨੇ', ਦੂਜੇ ਦਿਨ ਕੀਤੀ ਇੰਨੀ ਕਮਾਈ
- Dream Girl 2 Collection Day 1: ਦਰਸ਼ਕਾਂ ਦੇ ਦਿਲਾਂ 'ਤੇ ਪੂਜਾ ਬਣਕੇ ਛਾਏ ਆਯੁਸ਼ਮਾਨ ਖੁਰਾਨਾ, ਜਾਣੋ ਪਹਿਲੇ ਦਿਨ ਦੀ ਕਮਾਈ
- Singer Nirmal Sidhu in Canada: ਲਾਈਵ ਕੰਨਸਰਟ ਅਤੇ ਸ਼ੂਟਿੰਗ ਲਈ ਕੈਨੇਡਾ ਪੁੱਜੇ ਲੋਕ ਗਾਇਕ ਨਿਰਮਲ ਸਿੱਧੂ, ਬ੍ਰਿਟਿਸ਼ ਅਸੈਂਬਲੀ ਅਲਬਰਟਾ ਨੇ ਕੀਤਾ ਵਿਸ਼ੇਸ਼ ਸਨਮਾਨ
- White Punjab First Look: ਪੰਜਾਬੀ ਫਿਲਮ ‘ਵਾਈਟ ਪੰਜਾਬ’ ਦਾ ਪਹਿਲਾਂ ਲੁੱਕ ਹੋਇਆ ਰਿਲੀਜ਼, ਗਾਇਕ ਕਾਕਾ ਕਰੇਗਾ ਸਿਲਵਰ ਸਕਰੀਨ 'ਤੇ ਸ਼ਾਨਦਾਰ ਡੈਬਿਊ
- Mastaney Box Office Collection: ਲੋਕਾਂ ਨੂੰ ਖੁਸ਼ ਕਰਨ 'ਚ ਸਫ਼ਲ ਰਹੀ ਫਿਲਮ 'ਮਸਤਾਨੇ', ਪਹਿਲੇ ਦਿਨ ਕੀਤੀ ਇੰਨੀ ਕਮਾਈ
'ਡ੍ਰੀਮ ਗਰਲ 2' ਦੀ ਕਹਾਣੀ: ਫਿਲਮ ਦੀ ਕਹਾਣੀ ਕਰਮ ਅਤੇ ਉਸ ਦੀ ਪ੍ਰੇਮਿਕਾ (ਅਨੰਨਿਆ ਪਾਂਡੇ) ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਕਰਜ਼ੇ ਨਾਲ ਜੂਝ ਰਹੇ ਹਨ। ਸਮੱਸਿਆ ਨੂੰ ਹੱਲ ਕਰਨ ਲਈ ਕਰਮ ਆਪਣੇ ਆਪ ਨੂੰ ਪੂਜਾ ਦੇ ਰੂਪ ਵਿੱਚ ਪੇਸ਼ ਕਰਨ ਅਤੇ ਪਰੇਸ਼ ਰਾਵਲ ਦੁਆਰਾ ਨਿਭਾਏ ਗਏ ਇੱਕ ਅਮੀਰ ਵਪਾਰੀ ਦੇ ਪੁੱਤਰ ਨਾਲ ਵਿਆਹ ਕਰਨ ਦਾ ਫੈਸਲਾ ਕਰਦਾ ਹੈ।
