ਚੰਡੀਗੜ੍ਹ: ਵਿਵਾਦਿਤ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਗੀਤ ਸੰਜੂ ਨੂੰ ਲੈ ਕੇ ਪੰਜਾਬ ਪੁਲਿਸ ਵੱਲੋਂ ਸਿੱਧੂ ਖਿਲਾਫ਼ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਇਸ ਮਾਮਲੇ ਨੂੰ ਲੈ ਕੇ ਈਟੀਵੀ ਭਾਰਤ ਨੇ ਸੂਫ਼ੀ ਗਾਇਕ ਯਾਕੂਬ ਨਾਲ ਖ਼ਾਸ ਗੱਲਬਾਤ ਕੀਤੀ।
ਇਸ ਦੌਰਾਨ ਯਾਕੂਬ ਨੇ ਸਰਕਾਰ ਕੋਲੋਂ ਮੰਗ ਕੀਤੀ ਕਿ ਸ਼ਰਾਬ, ਨਸ਼ਾ, ਹਥਿਆਰ ਲੱਚਰ ਗਾਇਕੀ ਨੂੰ ਖ਼ਤਮ ਕਰਨ ਦੇ ਲਈ ਇੱਕ ਅਲੱਗ ਤੋਂ ਸੈਂਸਰ ਬੋਰਡ ਬਣਨਾ ਚਾਹੀਦਾ ਹੈ। ਯਾਕੂਬ ਨੇ ਇਹ ਵੀ ਦੱਸਿਆ ਕਿ ਜੇਕਰ ਅਫ਼ਸਰ ਚਾਹੁਣ ਤਾਂ ਬਹੁਤ ਕੁਝ ਬਦਲ ਸਕਦਾ ਹੈ। ਇੰਨਾ ਹੀ ਨਹੀਂ ਗਾਣਿਆਂ ਵਿੱਚ ਵਰਤੇ ਜਾਣ ਵਾਲੇ ਬੋਲ ਵੀ ਚੈੱਕ ਕੀਤੇ ਜਾਣੇ ਚਾਹੀਦੇ ਹਨ ਤੇ ਫਾਲਤੂ ਦੇ ਸ਼ਬਦਾਂ ਨੂੰ ਗਾਣੇ ਵਿੱਚ ਨਹੀਂ ਵਰਤਣ ਦੇਣਾ ਚਾਹੀਦਾ।
ਸੂਫ਼ੀ ਗਾਇਕ ਯਾਕੂਬ ਨੇ ਇਹ ਵੀ ਕਿਹਾ ਕਿ ਜੋ ਗਾਇਕ ਚਰਚਾ ਦੇ ਵਿੱਚ ਰਹਿਣ ਦੇ ਲਈ ਕੁਝ ਵੀ ਕੋਂਟਰੋਵਰਸੀ ਸ਼ੁਰੂ ਕਰਦੇ ਹਨ ਅਜਿਹੇ ਕਲਾਕਾਰ ਉਨ੍ਹਾਂ ਨੂੰ ਪਸੰਦ ਨਹੀਂ। ਪੰਜਾਬ ਦੇ ਆਪਣੇ ਬਣਾਏ ਜਾਣ ਵਾਲੇ ਸੈਂਸਰ ਬੋਰਡ ਦੇ ਵਿੱਚ ਚੰਗੇ ਲੋਕ ਉਸ ਨੂੰ ਚਲਾਉਣ ਤਾਂ ਜੋ ਗਾਇਕਾਂ ਦੀ ਸ਼ਬਦਾਵਲੀ ਦੇ ਉੱਤੇ ਕੰਟਰੋਲ ਰੱਖਿਆ ਜਾ ਸਕੇ।
ਯਾਕੂਬ ਮੁਤਾਬਕ ਆਰਟਿਸਟ ਸਮਾਜ ਦਾ ਇੱਕ ਚਿਹਰਾ ਤੇ ਮਾਰਗ ਦਰਸ਼ਨ ਕਰਨ ਵਾਲੇ ਹੁੰਦੇ ਹਨ ਤੇ ਉਨ੍ਹਾਂ ਦੇ ਉੱਪਰ ਵੀ ਬਹੁਤ ਸਾਰੀਆਂ ਜ਼ਿੰਮੇਵਾਰੀਆਂ ਹੁੰਦੀ ਹੈ ਜਿਨ੍ਹਾਂ ਦਾ ਖਿਆਲ ਰੱਖਣਾ ਜ਼ਰੂਰੀ ਹੁੰਦਾ ਹੈ ਪਰ ਸਿੱਧੂ ਮੂਸੇਵਾਲਾ ਵਰਗੇ ਗਾਇਕ ਕੋਂਟਰੋਵਰਸੀ ਰਾਹੀਂ ਚਰਚਾ ਦੇ ਵਿੱਚ ਰਹਿਣਾ ਜ਼ਿਆਦਾ ਪਸੰਦ ਕਰਦੇ ਹਨ।
