ਕੈਪਟਨ ਦਾ ਡਰ ਆਇਆ ਸਾਹਮਣੇ - ਬਿਕਰਮ ਸਿੰਘ ਮਜੀਠਾ

ਬਠਿੰਡਾ 'ਚ ਬਿਕਰਮ ਸਿੰਘ ਮਜੀਠਾ ਨੇ ਪ੍ਰੈਸ ਕਾਨਫਰੰਸ ਕੀਤੀ ਜਿਸ 'ਚ ਉਨ੍ਹਾਂ ਕਾਂਗਰਸ ਸਰਕਾਰ 'ਤੇ ਸ਼ਬਦੀ ਵਾਰ ਕੀਤਾ ਹੈ।

ਬਠਿੰਡਾ: ਸੀਨੀਅਰ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠਾ ਨੇ ਇਕ ਪ੍ਰੈਸ ਕਾਨਫਰੰਸ ਕੀਤੀ ਜਿਸ 'ਚ ਉਨ੍ਹਾਂ ਨੇ ਕਾਂਗਰਸ ਸਰਕਾਰ 'ਤੇ ਨਿਸ਼ਾਨਾ ਵਿੰਨਿਆ ਹੈ। ਉਨ੍ਹਾਂ ਕਿਹਾ ਹੈ ਕਿ ਕਾਂਗਰਸ ਨੇ ਲੋਕਤੰਤਰ ਨਹੀਂ ਰਹਿਣ ਦਿੱਤਾ ਬਲਕਿ ਗੁੰਡਾ ਰਾਜ ਚਲਾਇਆ ਹੈ।
ਕੈਪਟਨ ਦੇ ਬਠਿੰਡਾ ਰੋਡ ਸ਼ੋਅ ਦੀ ਨਿੱਖੇਧੀ ਕਰਦੇ ਹੋਏ ਮਜੀਠਾ ਨੇ ਕਿਹਾ, "ਇਸ ਹਲਕੇ ਨੇ ਤੁਹਾਨੂੰ ਮੁੱਖ ਮੰਤਰੀ ਬਣਾਇਆ ,ਤੁਸੀਂ ਇੱਥੇ ਦੇ ਹਲਕੇ ਦੇ ਲੋਕਾਂ ਨਾਲ ਗਲਤ ਕੀਤਾ ਹੈ, ਰੋਡ ਸ਼ੋਅ ਵੇਲੇ ਦੁਕਾਨਦਾਰਾਂ ਦੀਆਂ ਦੁਕਾਨਾਂ ਬੰਦ ਕਰਵਾ ਦਿੱਤੀਆਂ ਇਹ ਗਲਤ ਕੰਮ ਹੈ।"

ਇਸ ਤੋਂ ਇਲਾਵਾ ਅਕਾਲੀ ਆਗੂ ਨੇ ਕਾਂਗਰਸ, ਆਮ ਆਦਮੀ ਪਾਰਟੀ ਅਤੇ ਖਹਿਰਾ ਧੜਾ ਨੂੰ ਇਕ ਦੱਸਿਆ ਅਤੇ ਕਿਹਾ ਇਹ ਫ਼ਰੈਡਲੀ ਮੈਚ ਖੇਡ ਰਹੇ ਹਨ। ਕੈਪਟਨ ਦੇ ਮੰਤਰੀ ਵਾਲੇ ਬਿਆਨ 'ਤੇ ਚੁਟਕੀ ਲੈਂਦੇ ਹੋਏ ਮਜੀਠਾ ਨੇ ਕਿਹਾ ਕਿ ਕੌਣ ਇਸ ਤਰ੍ਹਾਂ ਆਖਦਾ ਹੈ ਜਿਹੜਾ ਹਾਰ ਗਿਆ ਉਹ ਮੰਤਰੀ ਦੇ ਅਹੁਦੇ ਤੋਂ ਗਿਆ, ਇਹ ਕੈਪਟਨ ਦਾ ਹਾਰ ਦੇ ਪ੍ਰਤੀ ਡਰ ਹੈ ਜੋ ਇਸ ਬਿਆਨ ਰਾਹੀਂ ਸਾਹਮਣੇ ਆਇਆ ਹੈ।