ਨਵੀਂ ਦਿੱਲੀ—ਸੈਂਸੈਕਸ ਦੀਆਂ ਚੋਟੀ ਦੀਆਂ 10 ਕੰਪਨੀਆਂ 'ਚੋਂ 7 ਦਾ ਬਾਜ਼ਾਰ ਪੂੰਜੀਕਰਣ (ਮਾਰਕੀਟ ਕੈਪ) ਪਿਛਲੇ ਹਫਤੇ ਸਮੂਹਿਕ ਤੌਰ 'ਤੇ 1,51,140.39 ਕਰੋੜ ਰੁਪਏ ਵਧਿਆ ਹੈ। ਰਿਲਾਇੰਸ ਇੰਡਸਟਰੀਜ਼ ਅਤੇ ਟਾਟਾ ਕੰਸਲਟੈਂਸੀ ਸਰਵਿਿਸਜ਼ (ਟੀ.ਸੀ.ਐੱਸ.) ਸਭ ਤੋਂ ਵੱਧ ਲਾਭ 'ਚ ਰਹੀਆਂ। ਸਮੀਖਿਆ ਅਧੀਨ ਹਫ਼ਤੇ 'ਚ ਰਿਲਾਇੰਸ ਇੰਡਸਟਰੀਜ਼, ਟੀ.ਸੀ.ਐੱਸ., ਹਿੰਦੁਸਤਾਨ ਯੂਨੀਲੀਵਰ, ਆਈ.ਟੀ.ਸੀ., ਇੰਫੋਸਿਸ, ਸਟੇਟ ਬੈਂਕ ਆਫ ਇੰਡੀਆ (ਐੱਸ.ਬੀ.ਆਈ.) ਅਤੇ ਭਾਰਤੀ ਏਅਰਟੈੱਲ ਦਾ ਬਾਜ਼ਾਰ ਮੁਲਾਂਕਣ ਵੀ ਵਧਿਆ ਹੈ। ਜਦਕਿ ਐਚਡੀਐਫਸੀ ਬੈਂਕ, ਆਈਸੀਆਈਸੀਆਈ ਬੈਂਕ ਅਤੇ ਐਚਡੀਐਫਸੀ ਦੀ ਮਾਰਕੀਟ ਸਥਿਤੀ ਠੀਕ ਨਹੀਂ ਰਹੀ।
ਮਾਰਕਿਟ ਕੈਪ 'ਚ ਵਾਧੇ 'ਚ ਰਹੀਆਂ ਕੰਪਨੀਆਂ: ਪਿਛਲੇ ਹਫਤੇ ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 772.01 ਅੰਕ ਜਾਂ 1.25 ਫੀਸਦੀ ਵਧਿਆ। ਸਮੀਖਿਆ ਅਧੀਨ ਹਫਤੇ 'ਚ ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਪੂੰਜੀਕਰਣ 43,131.02 ਕਰੋੜ ਰੁਪਏ ਵੱਧ ਕੇ 16,95,833.65 ਕਰੋੜ ਰੁਪਏ 'ਤੇ ਪਹੁੰਚ ਗਿਆ।ਆਈ.ਟੀ.ਸੀ. ਦਾ ਬਾਜ਼ਾਰ ਮੁੱਲ 39,243.32 ਕਰੋੜ ਰੁਪਏ ਵੱਧ ਕੇ 12,18,098.20 ਕਰੋੜ ਰੁਪਏ ਹੋ ਗਿਆ।ਆਈਟੀਸੀ ਦਾ ਮਾਰਕੀਟ ਕੈਪ 29,578.69 ਕਰੋੜ ਰੁਪਏ ਵੱਧ ਕੇ 5,51,431.15 ਕਰੋੜ ਰੁਪਏ ਅਤੇ ਇੰਫੋਸਿਸ ਦਾ 20,171.09 ਕਰੋੜ ਰੁਪਏ ਵੱਧ ਕੇ 5,46,662.99 ਕਰੋੜ ਰੁਪਏ 'ਤੇ ਪਹੁੰਚ ਗਿਆ ਹੈ।
ਸਟੇਟ ਬੈਂਕ ਆਫ ਇੰਡੀਆ (ਐਸ.ਬੀ.ਆਈ.) ਦਾ ਬਾਜ਼ਾਰ ਪੂੰਜੀਕਰਣ 9,638.58 ਕਰੋੜ ਰੁਪਏ ਵੱਧ ਕੇ 5,22,848.39 ਕਰੋੜ ਰੁਪਏ ਅਤੇ ਭਾਰਤੀ ਏਅਰਟੈੱਲ ਦਾ 6,981.11 ਕਰੋੜ ਰੁਪਏ ਵੱਧ ਕੇ 4,56,031.45 ਕਰੋੜ ਰੁਪਏ ਹੋ ਗਿਆ। ਹਿੰਦੁਸਤਾਨ ਯੂਨੀਲੀਵਰ ਦਾ ਬਾਜ਼ਾਰ ਪੂੰਜੀਕਰਣ 2,396.58 ਕਰੋੜ ਰੁਪਏ ਵੱਧ ਕੇ 6,23,017.62 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
ਬੈਂਕਾਂ ਨੂੰ ਹੋਇਆ ਨੁਕਸਾਨ: ਇਸ ਰੁਝਾਨ ਦੇ ਉਲਟ ਐਚਡੀਐਫਸੀ ਬੈਂਕ ਦਾ ਮੁੱਲ 17,825.74 ਕਰੋੜ ਰੁਪਏ ਘੱਟ ਕੇ 9,02,742.36 ਕਰੋੜ ਰੁਪਏ ਹੋ ਗਿਆ।ਐਚਡੀਐਫਸੀ ਦਾ ਮਾਰਕੀਟ ਕੈਪ 11,382.46 ਕਰੋੜ ਰੁਪਏ ਘੱਟ ਕੇ 4,88,466.16 ਕਰੋੜ ਰੁਪਏ ਰਹਿ ਗਿਆ। ਆਈਸੀਆਈਸੀਆਈ ਬੈਂਕ ਦਾ ਬਾਜ਼ਾਰ ਮੁਲਾਂਕਣ 2,642.52 ਕਰੋੜ ਰੁਪਏ ਘੱਟ ਕੇ 6,64,553.58 ਕਰੋੜ ਰੁਪਏ ਰਹਿ ਗਿਆ। ਜਦਕਿ ਰਿਲਾਇੰਸ ਇੰਡਸਟਰੀਜ਼ ਨੇ ਚੋਟੀ ਦੀਆਂ 10 ਕੰਪਨੀਆਂ ਦੀ ਸੂਚੀ ਵਿੱਚ ਪਹਿਲਾ ਸਥਾਨ ਬਰਕਰਾਰ ਰੱਖਿਆ ਹੈ। ਇਸ ਤੋਂ ਬਾਅਦ ਕ੍ਰਮਵਾਰ (ਟੀ.ਸੀ.ਐੱਸ, ਐਚਡੀਐਫਸੀ ਬੈਂਕ, ਆਈਸੀਆਈਸੀਆਈ ਬੈਂਕ, ਹਿੰਦੁਸਤਾਨ ਯੂਨੀਲੀਵਰ, ਆਈ.ਟੀ.ਸੀ.,ਇੰਫੋਸਿਸ , (ਐੱਸ.ਬੀ.ਆਈ ,ਐਚਡੀਐਫਸੀ ਅਤੇ ਭਾਰਤੀ ਏਅਰਟੈੱਲ ਦਾ ਨੰਬਰ ਆਉਂਦਾ ਹੈ।
(ਪੀਟੀਆਈ-ਭਾਸ਼ਾ)
