ਨਵੀਂ ਦਿੱਲੀ : ਮਸ਼ਹੂਰ ਕੰਪਨੀ ਗੂਗਲ ਨੇ ਸ਼ੁੱਕਰਵਾਰ ਨੂੰ ਸੰਜੇ ਗੁਪਤਾ ਨੂੰ ਭਾਰਤ ਵਿੱਚ ਕੰਪਨੀ ਦੇ ਕਾਰੋਬਾਰ ਅਤੇ ਵਿਕਰੀ ਲਈ ਨਵਾਂ ਦੇਸ਼ ਮੈਨੇਜ਼ਰ ਅਤੇ ਉਪ-ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਸੰਜੇ ਗੁਪਤਾ ਅਗਲੇ ਸਾਲ ਦੀ ਸ਼ੁਰੂਆਤ ਵਿੱਚ ਇਹ ਜਿੰਮੇਵਾਰੀ ਸੰਭਾਲਣਗੇ। ਉਹ ਗੁਰੂਗ੍ਰਾਮ, ਹੈਦਰਾਬਾਦ ਅਤੇ ਬੈਂਗਲੁਰੂ ਦੀਆਂ ਟੀਮਾਂ ਦੇ ਨਾਲ ਮਿਲ ਕੇ ਕੰਮ ਕਰਨਗੇ।
ਗੂਗਲ ਮੁਤਾਬਕ, ਗੁਪਤਾ ਦੇਸ਼ ਵਿੱਚ ਇੰਟਰਨੈੱਟ ਈਕੋਸਿਸਟਮ ਦਾ ਵਿਸਥਾਰ ਕਰਨਗੇ, ਗਾਹਕਾਂ ਅਤੇ ਕਾਰੋਬਾਰ ਵਿਚਕਾਰ ਇੰਟਰਨੈੱਟ ਅਪਣਾਉਣ ਅਤੇ ਨਵੀਨਤਾ ਵਿੱਚ ਤੇਜ਼ੀ ਲਿਆਉਣ ਲਈ ਕੰਪਨੀ ਦੀਆਂ ਚੱਲ ਰਹੀਆਂ ਕੋਸ਼ਿਸ਼ਾਂ ਵਿੱਚ ਯੋਗਦਾਨ ਦੇਣਗੇ।
ਗੂਗਲ ਵਿੱਚ ਏਪੀਏਸੀ ਦੇ ਪ੍ਰਧਾਨ ਸਕਾਟ ਬਿਓਮੋਂਟ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਭਾਰਤ ਵਿੱਚ ਚੱਲ ਰਿਹਾ ਸਾਡਾ ਵਪਾਰ ਭਾਰਤ ਵਿੱਚ ਹੀ ਨਹੀਂ, ਬਲਕਿ ਦੁਨੀਆਂ ਭਰ ਵਿੱਚ ਗੂਗਲ ਦੀ ਵਰਤੋਂ ਕਰਨ ਵਾਲਿਆਂ ਲਈ ਮਾਣ ਦਾ ਸੋਮਾ ਹੈ। ਸਾਡਾ ਭਾਰਤੀ ਕਾਰੋਬਾਰ ਆਪਣੇ ਆਪ ਲਈ ਅਤੇ ਉਸ ਨਵੀਨਤਾ ਲਈ ਵੀ ਮਹੱਤਵਪੂਰਨ ਹੈ, ਜੋ ਗੂਗਲ ਵਿੱਚ ਹੋਰ ਸਫ਼ਲਤਾਵਾਂ ਨੂੰ ਅੱਗੇ ਵਧਾਉਂਦਾ ਹੈ। ਸੰਜੇ ਨੂੰ ਸਾਡੇ ਨਾਲ ਜੁੜਣ ਉੱਤੇ ਸਾਨੂੰ ਖ਼ੁਸ਼ੀ ਹੈ।
ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਉਨ੍ਹਾਂ ਦੀ ਵਿਸ਼ੇਸਤਾ, ਅਨੁਭਵ ਅਤੇ ਅਗਵਾਈ ਨੂੰ ਆਪਣੀਆਂ ਟੀਮਾਂ ਦੇ ਨਾਲ ਮਿਲਾਉਣ ਅਤੇ ਉਸ ਆਧੁਨਿਕ ਗਤੀਸ਼ੀਲ, ਮੁਕਾਬਲੇ ਅਤੇ ਰੁਮਾਂਚਕ ਡਿਜ਼ਿਟਲ ਅਰਥ-ਵਿਵਸਥਾ ਵਿੱਚ ਆਪਣੀਆਂ ਮੌਜੂਦਾ ਕੋਸ਼ਿਸ਼ਾਂ ਨੂੰ ਅੱਗੇ ਵਧਾਉਣ ਲਈ ਉਤਸ਼ਾਹਿਤ ਹਾਂ। ਅਸੀਂ ਭਾਰਤ ਵਿੱਚ ਸਾਰਿਆਂ ਲਈ ਇੱਕ ਜ਼ਿਆਦਾ ਲਾਭਦਾਇਕ ਅਤੇ ਸ਼ਾਮਲ ਇੰਟਰਨੈੱਟ ਦਾ ਨਿਰਮਾਣ ਕਰਨਾ ਚਾਹੁੰਦੇ ਹਾਂ।
ਲਗਭਗ 3 ਦਹਾਕਿਆਂ ਦੇ ਕਰੀਅਰ ਦੇ ਨਾਲ ਗੁਪਤਾ ਇਸ ਤੋਂ ਪਹਿਲਾਂ ਸਟਾਰ ਅਤੇ ਡਿਜ਼ਨੀ ਇੰਡੀਆ ਦੇ ਨਾਲ ਜੁੜੇ ਹੋਏ ਸਨ। ਉੱਥੇ ਉਹ ਪ੍ਰਬੰਧਕ ਨਿਰਦੇਸ਼ਕ ਸਨ।
ਉਨ੍ਹਾਂ ਨੇ ਹਾਟਸਟਾਰ ਦੇ ਮਾਧਿਅਮ ਰਾਹੀਂ ਰਿਵਾਇਤੀ ਟੈਲੀਵੀਜ਼ਨ ਸਮੱਗਰੀ ਨੂੰ ਡਿਜ਼ੀਟਲ ਗਾਹਕਾਂ ਤੱਕ ਪਹੁੰਚਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ।
ਉਹ ਖੇਡ ਵਪਾਰ ਦੇ ਨਾਲ ਵੀ ਜੁੜੇ ਹੋਏ ਸਨ ਅਤੇ ਉਨ੍ਹਾਂ ਨੂੰ ਬੇਹੱਦ ਪ੍ਰਸਿੱਧ ਕਬੱਡੀ ਦੀ ਪ੍ਰੋ ਕਬੱਡੀ ਲੀਗ ਅਤੇ ਫ਼ੁੱਟਬਾਲ ਦੀ ਇੰਡੀਅਨ ਸੁਪਰ ਲੀਗ ਨੂੰ ਸ਼ੁਰੂ ਕਰਵਾਉਣ ਦਾ ਮਾਣ ਵੀ ਜਾਂਦਾ ਹੈ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਹਿੰਦੋਸਤਾਨ ਯੂਨੀਲੀਵਰ ਅਤੇ ਭਾਰਤੀ ਏਅਰਟੈੱਲ ਵਿੱਚ ਵੀ ਆਪਣੀਆਂ ਸੇਵਾਵਾਂ ਦਿੱਤੀਆਂ ਹਨ। ਉਨ੍ਹਾਂ ਨੇ ਮੋਬਾਈਲ ਵਪਾਰ ਦੇ ਲਈ ਮੁੱਖ ਮਾਰਕਿਟਿੰਗ ਅਧਿਕਾਰੀ ਦੇ ਰੂਪ ਵਿੱਚ ਕਈ ਸਫ਼ਲ ਵਿਕਰੀ ਅਤੇ ਮਾਰਕਿਟਿੰਗ ਪਹਿਲ ਦੀ ਅਗੁਵਾਈ ਕੀਤੀ ਸੀ।
