ਹੈਦਰਾਬਾਦ: ਭਾਰਤੀ ਰਿਫ਼ਾਇਨਰੀਆਂ ਨੇ ਆਪਣੀ ਸਮਰੱਥਾ ਨੂੰ ਲਗਭਗ 93 ਫ਼ੀਸਦ ਤੋਂ 75 ਫ਼ੀਸਦ ਤੱਕ ਘੱਟ ਕੀਤਾ ਹੈ। ਨਾਲ ਹੀ ਕੌਮਾਂਤਰੀ ਪੱਧਰ ਉੱਤੇ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ 48 ਦਿਨਾਂ ਦੀ ਸਥਿਰਤਾ ਤੋਂ ਬਾਅਦ ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਤੇਜ਼ੀ ਆਈ ਹੈ।
ਪਿਛਲੇ 6 ਮਹੀਨਿਆਂ ਵਿੱਚ ਪੈਟਰੋਲ ਦੀ ਕੀਮਤ ਵਿੱਚ ਲਗਭਗ 65 ਪੈਸੇ ਪ੍ਰਤੀ ਲੀਟਰ ਦਾ ਵਾਧਾ ਹੋਇਆ ਹੈ। ਇਹੀ ਹਾਲ ਬਾਕੀ ਸ਼ਹਿਰਾਂ ਵਿੱਚ ਵੀ ਹੈ।
ਰਨ ਕੈਪੇਸਿਟੀ ਵਿੱਚ ਕਮੀ ਦੇ ਨਾਲ, ਬਾਜ਼ਾਰ ਵਿੱਚ ਪੈਟਰੋਲ ਦੀ ਸਪਲਾਈ ਘੱਟ ਹੈ ਅਤੇ ਇਸ ਲਈ ਪੈਟਰੋਲ ਦੀ ਕੀਮਤ ਵਿੱਚ ਵਾਧਾ ਹੁੰਦਾ ਹੈ।
ਯੂਪੀਈਐੱਸ ਸਕੂਲ ਆਫ਼ ਬਿਜਨਸ ਦੇ ਐਸੋਸੀਏਟ ਪ੍ਰੋਫ਼ੈਸਰ ਅਤੇ ਅਰਥ-ਸ਼ਾਸਤਰ ਅਤੇ ਅੰਤਰ ਰਾਸ਼ਟਰੀ ਵਪਾਰ ਦੇ ਮੁੱਖ ਡਾ. ਹਿਰਾਮਨਾਏ ਰਾਏ ਨੇ ਕਿਹਾ ਕਿ ਭਾਰਤ ਵਿੱਚ ਰਿਫਾਇਨਰੀਆਂ ਨੇ ਆਪਣੀ ਸਮਰੱਥਾ ਨੂੰ 93 ਫ਼ੀਸਦ ਤੋਂ ਘਟਾ ਕੇ 75 ਫ਼ੀਸਦ ਕਰ ਦਿੱਤਾ ਹੈ। ਜਿਸ ਕਾਰਨ ਪੂਰਤੀ ਵਿੱਚ ਗਿਰਾਵਟ ਆਈ ਹੈ। ਇਸ ਨਾਲ ਕੀਮਤਾਂ ਵਿੱਚ ਤੇਜ਼ੀ ਆਈ ਹੈ। ਘਰੇਲੂ ਈਂਧਨ ਦੀ ਮੰਗ ਡਿੱਗਣ ਕਾਰਨ ਰਿਫਾਇਨਰੀਆਂ ਨੇ ਸਮਰੱਥਾ ਘੱਟ ਕਰ ਦਿੱਤੀ ਹੈ।
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਜੇ ਵਸਤੂ ਟੈਕਸ ਵਿੱਚ ਵਾਧਾ ਨਹੀਂ ਹੁੰਦਾ ਹੈ ਤਾਂ ਵੀ ਅੰਤਰ-ਰਾਸ਼ਟਰੀ ਦਰਾਂ ਵਿੱਚ ਵਾਧਾ ਦੇ ਕਾਰਨ ਪੈਟਰੋਲ ਦੀ ਕੀਮਤ ਵੱਧ ਸਕਦੀ ਹੈ।
ਦੱਸ ਦਈਏ ਕਿ ਬ੍ਰੈਂਟ ਕਰੂਡ ਅਪ੍ਰੈਲ (22 ਅਪ੍ਰੈਲ) ਮਹੀਨਿਆਂ ਵਿੱਚ 13.78 ਡਾਲਰ ਪ੍ਰਤੀ ਬੈਰਲ ਤੱਕ ਫ਼ਿਸਲ ਗਿਆ ਸੀ, ਜੋ ਹੁਣ 45 ਡਾਲਰ ਪ੍ਰਤੀ ਬੈਰਲ ਉੱਤੇ ਪਹੁੰਚ ਗਿਆ ਹੈ।
ਆਈਓਸੀਐੱਲ, ਐੱਚਪੀਸੀਐੱਲ, ਆਇਲ ਇੰਡੀਆ ਆਦਿ ਸਮੇਤ ਸੂਬੇ ਦੀਆਂ ਤੇਲ ਕੰਪਨੀਆਂ ਨੂੰ ਅੰਤਰ-ਰਾਸ਼ਟਰੀ ਦਰਾਂ ਦੇ ਅਨੁਕੂਲ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਰੋਜ਼ਾਨਾ ਬਦਲਾਅ ਕਰਦੀ ਹੈ।
ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਕਮੀ
ਭਾਵੇਂ ਹੀ ਪੈਟਰੋਲ ਦੀ ਕੀਮਤ ਚੜ੍ਹ ਰਹੀ ਹੈ, ਪਰ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਹਾਲ ਹੀ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਡੀਜ਼ਲ ਦੀ ਤੁਲਨਾ ਵਿੱਚ ਪੈਟਰੋਲ ਉੱਤੇ ਵਸਤੂ ਟੈਸਕ ਦੀ ਮਾਤਰਾ ਜ਼ਿਆਦਾ ਹੈ। ਇਸ ਲਈ ਡੀਜ਼ਲ ਉੱਤੇ ਇਸ ਦਾ ਅਸਰ ਘੱਟ ਹੈ।
ਇਸ ਤੋਂ ਇਲਾਵਾ ਪੰਪ ਚਲਾਉਣ ਲਈ ਕਿਸਾਨਾਂ ਸਮੇਤ ਕਈ ਆਮਦਨ ਸਮੂਹਾਂ ਵੱਲੋਂ ਡੀਜ਼ਲ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਰਾਏ ਨੇ ਕਿਹਾ ਕਿ ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਸਰਕਾਰ ਦੇਸ਼ ਵਿੱਚ ਡੀਜ਼ਲ ਦੀਆਂ ਕੀਮਤਾਂ ਨੂੰ ਸਥਿਰ ਕਰਨਾ ਚਾਹੁੰਦੀ ਹੈ।
