ਸਤਨਾ : ਮੱਧ ਪ੍ਰਦੇਸ਼ ਦੇ ਸਤਨਾ ਜ਼ਿਲ੍ਹੇ ਵਿੱਚ ਇੱਕ ਅਨੋਖਾ ਵਿਆਹ ਹੋਇਆ ਹੈ। ਇੱਥੇ ਮੈਹਰ ਦੇ ਇੱਕ ਪਿੰਡ ਵਿੱਚ ਜਨਮੀ ਲਾਡਲੀ ਬੇਟੀ ਨੂੰ ਹੈਲੀਕਾਪਟਰ ਰਾਹੀਂ ਵਿਦਾਈ ਕੀਤੀ ਗਈ। ਲਾੜੀ ਹੈਲੀਕਾਪਟਰ ਰਾਹੀਂ ਆਪਣੇ ਪਤੀ ਨਾਲ ਸਹੁਰੇ ਘਰ ਲਈ ਰਵਾਨਾ ਹੋਈ, ਜਿਸ ਨੂੰ ਦੇਖਣ ਲਈ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਵਿਦਾਈ ਲਈ ਜੈਪੁਰ ਤੋਂ ਹੈਲੀਕਾਪਟਰ ਮੰਗਵਾਇਆ ਗਿਆ। ਸਤਨਾ ਜ਼ਿਲ੍ਹੇ ਦੇ ਸਤਨਾ ਰੋਡ, ਮੈਹਰ ਬੇਲਦਰਾ ਪਿੰਡ ਵਾਸੀ ਅਜੈ ਸਿੰਘ ਦੀ ਲਾਡਲੀ ਧੀ ਆਯੂਸ਼ੀ ਸਿੰਘ ਦਾ ਵਿਆਹ 27 ਅਪ੍ਰੈਲ ਭਾਵ ਬੁੱਧਵਾਰ ਨੂੰ ਨੇਵੀ ਲੈਫਟੀਨੈਂਟ ਕਮਾਂਡਰ ਅਰਵਿੰਦ ਰੀਵਾ ਨਾਲ ਹੋਇਆ ਸੀ। ਅਰਵਿੰਦ ਰੀਵਾ ਇੰਦਰਾ ਨਗਰ ਦੇ ਰਹਿਣ ਵਾਲੇ ਸੇਵਾਮੁਕਤ ਸੂਬੇਦਾਰ ਅਰਜੁਨ ਸਿੰਘ ਦਾ ਪੁੱਤਰ ਹੈ। ਆਯੂਸ਼ੀ ਇੱਕ ਇੰਜੀਨੀਅਰ ਹੈ ਅਤੇ ਐੱਮ.ਟੈਕ ਕਰਨ ਤੋਂ ਬਾਅਦ ਇੰਦੌਰ ਵਿੱਚ ਨੌਕਰੀ ਕਰ ਰਹੀ ਹੈ।
ਜੈਪੁਰ ਤੋਂ ਮੰਗਿਆ ਹੈਲੀਕਾਪਟਰ: ਆਯੂਸ਼ੀ-ਅਰਵਿੰਦ ਦੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਮੈਹਰ ਦੇ ਸਤਨਾ ਰੋਡ 'ਤੇ ਅਜੈ ਸਿੰਘ ਦੇ ਘਰ ਬੇਲਦਰਾ ਹਾਊਸ ਤੋਂ ਹੋਈਆਂ। ਬਾਰਾਤ 27 ਅਪ੍ਰੈਲ ਨੂੰ ਆਈ ਅਤੇ 28 ਅਪ੍ਰੈਲ ਨੂੰ ਵਿਦਾਈ ਹੋਈ। ਲਾੜੀ ਦੀ ਵਿਦਾਈ ਲਈ ਉਸ ਦੇ ਪਿਤਾ ਨੇ ਹੈਲੀਕਾਪਟਰ ਬੁੱਕ ਕਰਵਾਇਆ ਸੀ। ਜੈਪੁਰ ਤੋਂ ਅਰਿਹੰਤ ਕੰਪਨੀ ਦਾ ਇਹ ਹੈਲੀਕਾਪਟਰ 28 ਅਪ੍ਰੈਲ ਨੂੰ ਸਵੇਰੇ 9 ਵਜੇ ਮੈਹਰ ਪਹੁੰਚਿਆ ਸੀ। ਮੈਹਰ 'ਚ ਵਿਆਹ ਵਾਲੀ ਥਾਂ ਦੇ ਕੋਲ ਹੈਲੀਪੈਡ ਬਣਾਇਆ ਗਿਆ ਸੀ। ਅਜੈ ਸਿੰਘ ਦੀ ਇੱਛਾ ਸੀ ਕਿ ਉਸ ਦੀ ਧੀ ਦਾ ਵਿਆਹ ਸ਼ਾਨੋ-ਸ਼ੌਕਤ ਨਾਲ ਕੀਤਾ ਜਾਵੇ ਅਤੇ ਉਸ ਦੀ ਵਿਦਾਈ ਵੀ ਸ਼ਾਨਦਾਰ ਢੰਗ ਨਾਲ ਕੀਤੀ ਜਾਵੇ।
ਲਾੜਾ-ਲਾੜੀ ਨੇ ਰੀਵਾ ਤੱਕ ਭਰੀ ਉਡਾਣ: ਅਜੈ ਸਿੰਘ ਨੇ ਨੇਵੀ ਦੇ ਲੈਫਟੀਨੈਂਟ ਕਮਾਂਡਰ ਨਾਲ ਆਪਣੀ ਪਿਆਰੀ ਆਯੂਸ਼ੀ ਦਾ ਵਿਆਹ ਤੈਅ ਕੀਤਾ ਅਤੇ ਵਿਦਾਈ ਲਈ ਹੈਲੀਕਾਪਟਰ ਬੁੱਕ ਕਰਵਾਇਆ। ਇਹ ਉਸ ਦੇ ਪਰਿਵਾਰ ਦਾ ਪਹਿਲਾ ਵਿਆਹ ਸੀ, ਇਸ ਲਈ ਇਹ ਪੂਰੇ ਧੂਮ-ਧਾਮ ਨਾਲ ਹੋਇਆ। ਵਿਦਾਈ ਦੌਰਾਨ ਲਾੜਾ-ਲਾੜੀ ਹੈਲੀਕਾਪਟਰ 'ਚ ਬੈਠ ਕੇ ਮੈਹਰ ਤੋਂ ਰੀਵਾ ਪਹੁੰਚੇ। ਹੈਲੀਕਾਪਟਰ ਫ਼ੌਜੀ ਸਕੂਲ ਨੇੜੇ ਹੈਲੀਪੈਡ 'ਤੇ ਉਤਾਰਿਆ, ਜਿੱਥੋਂ ਨਵ-ਵਿਆਹੁਤਾ ਜੋੜਾ ਕਾਰ ਰਾਹੀਂ ਇੰਦਰਾ ਨਗਰ ਸਥਿਤ ਆਪਣੇ ਘਰ ਗਿਆ। (Unique wedding in Maihar) (Brides farewell by helicopter)
ਇਹ ਵੀ ਪੜ੍ਹੋ : ਇਸ ਵਿਅਕਤੀ ਨੇ PM ਮੋਦੀ ਦੇ ਨਾਮ 'ਤੇ ਬਣਾਇਆ ਘਰ, ਬਣ ਗਿਆ ਖਿੱਚ ਦਾ ਕੇਂਦਰ
