ਨਵੀਂ ਦਿੱਲੀ: ਉੱਤਰ ਪੂਰਬੀ ਦਿੱਲੀ ਦੇ ਹਰਸ਼ ਵਿਹਾਰ ਸਥਿਤ ਮੰਡੋਲੀ ਜੇਲ 'ਚ ਇਕ ਕੈਦੀ ਨਾਲ ਬਦਸਲੂਕੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੋਸ਼ ਹੈ ਕਿ ਜੇਲ 'ਚ ਬੰਦ ਦੋ ਕੈਦੀਆਂ ਨੇ ਮੂੰਹ 'ਤੇ ਬਲੇਡ ਨਾਲ ਵਾਰ ਕੀਤੇ ਜਾਣ ਦਾ ਡਰ ਦਿਖਾ ਕੇ ਉਸ ਨਾਲ ਕੁਕਰਮ ਕੀਤਾ।
ਪੀੜਤਾ ਦੀ ਸ਼ਿਕਾਇਤ 'ਤੇ ਜੇਲ ਪ੍ਰਸ਼ਾਸਨ ਨੇ ਮਾਮਲੇ ਦੀ ਸੂਚਨਾ ਪੁਲਸ ਨੂੰ ਦਿੱਤੀ। ਪੁਲਿਸ ਨੇ ਪੀੜਤ ਦਾ ਮੈਡੀਕਲ ਕਰਵਾ ਕੇ ਦੋਸ਼ੀ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ 25 ਸਾਲਾ ਪੀੜਤ ਕੈਦੀ ਨਿਆਂਇਕ ਹਿਰਾਸਤ 'ਚ ਮੰਡੋਲੀ ਜੇਲ 'ਚ ਬੰਦ ਹੈ। ਉਸ ਨੂੰ ਬੈਰਕ ਨੰਬਰ 103 ਵਿੱਚ ਰੱਖਿਆ ਗਿਆ ਹੈ। ਉਹ 7 ਫ਼ਰਵਰੀ ਦੀ ਰਾਤ ਨੂੰ ਆਪਣੀ ਬੈਰਕ ਵਿੱਚ ਸੌਂ ਗਿਆ ਸੀ। ਸਵੇਰੇ ਕਰੀਬ 4 ਵਜੇ ਜਦੋਂ ਉਹ ਬੈਰਕ ਦੇ ਅੰਦਰ ਬਣੇ ਟਾਇਲਟ 'ਚ ਗਿਆ ਤਾਂ ਬੈਰਕ 'ਚ ਬੰਦ ਦੋ ਕੈਦੀ ਪੰਕਜ ਅਤੇ ਪ੍ਰਵੇਸ਼ ਵੀ ਟਾਇਲਟ 'ਚ ਦਾਖਲ ਹੋ ਗਏ। ਉਨ੍ਹਾਂ ਨੇ ਪੀੜਤ ਕੈਦੀ ਦੇ ਮੂੰਹ 'ਤੇ ਬਲੇਡ ਮਾਰ ਕੇ ਧਮਕੀ ਦਿੱਤੀ ਅਤੇ ਦੋਵਾਂ ਨੇ ਪੀੜਤ ਕੈਦੀ ਨਾਲ ਵਾਰੋ-ਵਾਰ ਕੁਕਰਮ ਕੀਤਾ।
ਫਿਲਹਾਲ ਪੁਲਿਸ ਨੇ ਇਸ ਪੂਰੇ ਮਾਮਲੇ 'ਚ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਦੋਨਾਂ ਦੋਸ਼ੀਆਂ ਨੂੰ ਵੀ ਕੁਕਰਮ ਦੇ ਮਾਮਲੇ 'ਚ ਗ੍ਰਿਫਤਾਰ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ: ਹੁਣ ਫਲਾਈਟ ਨਾ ਰੱਦ ਹੋਵੇਗੀ, ਨਾ ਲੇਟ !
