ਰੋਹਤਕ: ਨਵਾਂ ਸਾਲ ਬਾਹਰ ਮਨਾਉਣ ਵਾਲੇ ਦੋ ਦੋਸਤਾਂ ਨੇ ਇਸ ਵਾਰ ਸਰਹੱਦ 'ਤੇ ਕਿਸਾਨਾਂ ਨਾਲ ਨਵਾਂ ਸਾਲ ਮਨਾਉਣ ਲਈ ਦਿੱਲੀ ਲਈ ਜਾ ਰਹੇ ਹਨ। ਦੋਵੇ ਦੋਸਤ ਸਾਈਕਲ 'ਤੇ ਪੰਜਾਬ ਤੋਂ ਦਿੱਲੀ ਜਾ ਕੇ ਟਿੱਕਰੀ ਬਾਰਡਰ 'ਤੇ ਨਵਾਂ ਸਾਲ ਕਿਸਾਨਾਂ ਨਾਲ ਮਨਾਉਣ ਫੈਸਲਾ ਕੀਤਾ ਹੈ।
ਪਰਮਿੰਦਰ ਸਿੰਘ ਅਤੇ ਗੁਰਚਰਨ ਸਿੰਘ ਨਾਂਅ ਦੇ ਇਹ ਦੋਵੇਂ ਨੌਜਵਾਨ ਪੰਜਾਬ ਦੇ ਪਿੰਡ ਘੱਗਾ ਜ਼ਿਲ੍ਹਾ ਪਟਿਆਲਾ ਦੇ ਰਹਿਣ ਵਾਲੇ ਹਨ। ਅਕਸਰ ਇਹ ਦੋਵੇਂ ਦੋਸਤ ਨਵੇਂ ਸਾਲ 'ਤੇ ਸੈਰ ਕਰਨ ਲਈ ਬਾਹਰ ਜਾਂਦੇ ਹਨ, ਪਰ ਇਸ ਵਾਰ ਦੋਵੇਂ ਦੋਸਤ ਨਵੇਂ ਸਾਲ ਨੂੰ ਮਨਾਉਣ ਲਈ ਟਿੱਕਰੀ ਬਾਰਡਰ 'ਤੇ 250 ਕਿਲੋਮੀਟਰ ਦੀ ਦੂਰੀ 'ਤੇ ਜਾ ਰਹੇ ਹਨ।
ਦੋਵੇ ਦੋਸਤ ਹਰ ਸਾਲ ਨਵਾਂ ਸਾਲ ਮਨਾਉਣ ਲਈ ਪਰਿਵਾਰ ਨਾਲ ਬਾਹਰ ਜਾਂਦੇ ਸਨ
ਪਰਮਿੰਦਰ ਅਤੇ ਗੁਰਚਰਨ ਦਾ ਕਹਿਣਾ ਹੈ ਕਿ ਉਹ ਦੋਵੇਂ ਦੋਸਤ ਹਰ ਸਾਲ ਪਰਿਵਾਰ ਨਾਲ ਬਾਹਰ ਜਾਂਦੇ ਹਨ। ਪਰ ਇਸ ਸਾਲ, ਕਿਸਾਨ ਅੰਦੋਲਨ ਦੇ ਸਮਰਥਨ ਲਈ, ਉਹ ਟਿੱਕਰੀ ਬਾਰਡਰ 'ਤੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ ਮੋਦੀ ਸਰਕਾਰ ਨੂੰ ਖੇਤੀ ਕਾਨੂੰਨ 'ਤੇ ਅਪਣੀ ਜ਼ਿੱਦ ਛੱਡ ਦੇਣੀ ਚਾਹੀਦੀ ਹੈ, ਤਾਂ ਕਿ ਕਿਸਾਨੀ ਬਰਬਾਦ ਨਾ ਹੋਵੇ। ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਤਿੰਨੋਂ ਖੇਤੀ ਕਾਨੂੰਨਾਂ ਨੂੰ ਵਾਪਸ ਲਿਆ ਜਾਵੇ।
