ਤਿਰੂਵਨੰਤਪੁਰਮ: ਕੇਰਲਾ ਵਿੱਚ ਮੰਗਲਵਾਰ ਨੂੰ ਜ਼ੀਕਾ ਵਾਇਰਸ ਲਈ ਦੋ ਹੋਰ ਟੈਸਟ ਪਾਜ਼ੀਟਿਵ ਪਾਏ ਗਏ, ਜਿਸ ਨਾਲ ਰਾਜ ਵਿੱਚ ਲਾਗਾਂ ਦੀ ਸੰਖਿਆ 21 ਹੋ ਗਈ। ਪੁੰਥੁਰਾ ਅਤੇ ਸਸਥਮੰਗਲਮ ਨਿਵਾਸੀਆਂ ਵਿੱਚ ਤਾਜ਼ਾ ਮਾਮਲੇ ਸਾਹਮਣੇ ਆਏ ਹਨ। ਉਨ੍ਹਾਂ ਦੀ ਬਿਮਾਰੀ ਦੀ ਪੁਸ਼ਟੀ ਕੀਤੀ ਗਈ ਸੀ, ਜਿਸਦਾ ਪਤਾ ਤਿਰੂਵਨੰਤਪੁਰਮ ਮੈਡੀਕਲ ਕਾਲਜ ਅਤੇ ਕੋਇੰਬਟੂਰ-ਅਧਾਰਤ ਪ੍ਰਯੋਗਸ਼ਾਲਾ ਦੀ ਵਾਇਰਲੌਜੀ ਲੈਬ ਵਿਚ ਪਾਇਆ ਗਿਆ ਸੀ।
ਇਹ ਵੀ ਪੜੋ: Corona Update:24 ਘੰਟਿਆਂ ਵਿੱਚ 32,906 ਨਵੇਂ ਕੇਸ, 2,020 ਮੌਤਾਂ ਦਰਜ
ਕੇਰਲ ਦੇ ਸਿਹਤ ਮੰਤਰੀ ਵੀਨਾ ਜਾਰਜ ਨੇ ਜ਼ਿਲ੍ਹਾ ਮੈਡੀਕਲ ਅਫਸਰ ਨੂੰ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕਰਨ ਅਤੇ ਬਚਾਅ ਦੇ ਉਪਰਾਲਿਆਂ ਨੂੰ ਤੇਜ਼ ਕਰਨ ਦੇ ਨਿਰਦੇਸ਼ ਦਿੱਤੇ। ਜ਼ੀਕਾ ਜ਼ਿਆਦਾਤਰ ਸੰਕਰਮਿਤ ਏਡੀਜ਼ ਜਾਤੀ ਦੇ ਮੱਛਰ ਦੇ ਚੱਕ ਨਾਲ ਫੈਲਦਾ ਹੈ ਅਤੇ ਆਲੇ ਦੁਆਲੇ ਦੀ ਸਫਾਈ ਵਾਇਰਸ ਨੂੰ ਰੋਕਣ ਲਈ ਸਭ ਤੋਂ ਜ਼ਰੂਰੀ ਸਾਵਧਾਨੀ ਹੈ।
