ਦੁੱਧ ਦਾ ਟੈਂਕਰ ਪਲਟਿਆ, ਸੜਕ 'ਤੇ ਵਗਦੀ ਨਜ਼ਰ ਆਈ ਦੁੱਧ ਦੀ ਨਦੀ

ਜੈਪੁਰ 'ਚ ਇਕ ਦੁੱਧ ਨਾਲ ਭਰਿਆ ਟੈਂਕਰ ਬੇਕਾਬੂ ਹੋ ਕੇ ਪਲਟ ਗਿਆ ਜਿਸ ਤੋਂ ਬਾਅਦ ਦੁੱਧ ਦੀ ਇੱਕ ਨਦੀ ਸੜਕ ਤੇ ਵਗਦੀ ਦਿਖਾਈ ਦਿੱਤੀ।ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਪਿੰਡਵਾਸੀ ਵੱਡੇ ਬਰਤਨ ਲੈ ਕੇ ਦੁੱਧ ਆਪਣੇ ਘਰ ਲੈਕੇ ਜਾਣ ਲਈ ਪਹੁੰਚ ਗਏ।

ਵਿਰਾਟਨਗਰ (ਜੈਪੁਰ) ਦਿੱਲੀ ਐਨਐਚ 'ਤੇ ਪਿੰਡ ਭਾਬਾਰੂ ਨੇੜੇ ਦੁੱਧ ਨਾਲ ਭਰਿਆ ਟੈਂਕਰ ਬੇਕਾਬੂ ਹੋ ਕੇ ਪਲਟ ਗਿਆ। ਹਾਦਸੇ ਤੋਂ ਬਾਅਦ ਟੈਂਕਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਇਸ ਹਾਦਸੇ ਦੌਰਾਨ ਟੈਂਕਰ ਦਾ ਢੱਕਣ ਖੁੱਲ੍ਹ ਜਾਣ ਦੇ ਕਾਰਨ ਟੈਂਕਰ ਦਾ ਸਾਰੇ ਦੁੱਧ ਨੇ ਸੜਕ ਤੇ ਨਦੀ ਦਾ ਰੂਪ ਧਾਰ ਲਿਆ। ਜਿਸਦੀ ਜਾਣਕਾਰੀ ਮਿਲਦੇ ਹੀ ਦੁੱਧ ਲੈਣ ਲਈ ਵੱਡੀ ਗਿਣਤੀ ਚ ਪਿੰਡ ਵਾਸੀ ਮੌਕੇ ਤੇ ਪਹੁੰਚ ਗਏ।

ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਘਟਨਾ ਸਥਾਨ ਤੇ ਪੁਲਿਸ ਵੀ ਪਹੁੰਚ ਗਈ।ਜਿਸਨੇ ਮੌਕੇ ਤੇ ਪਹੁੰਚ ਕੇ ਪੂਰੀ ਸਥਿਤੀ ਨੂੰ ਸੰਭਾਲਿਆ।ਪੁਲਿਸ ਦੇ ਅਨੁਸਾਰ ਡਰਾਈਵਰ ਸੰਵੇਰਾ ਸਰਸ ਡੇਅਰੀ ਦਾ ਦੁੱਧ ਭਿਲਵਾੜਾ ਤੋਂ ਦੁੱਧ ਭਰ ਕੇ ਦਿੱਲੀ ਵੱਲ ਜਾ ਰਿਹਾ ਸੀ।

ਭੱਬਰੂ ਪਹੁੰਚਣ 'ਤੇ ਟੈਂਕਰ ਬੇਕਾਬੂ ਹੋ ਗਿਆ ਅਤੇ ਹਾਈਵੇ ਤੇ ਪਲਟ ਗਿਆ ਜਿਸ ਕਾਰਨ ਵੱਡੀ ਮਾਤਰਾ ਚ ਦੁੱਧ ਸੜਕ ਤੇ ਆ ਗਿਆ। ਇਸ ਹਾਦਸੇ ਤੋਂ ਬਾਅਦ ਟੈਂਕਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਸੂਚਨਾ ਮਿਲਣ 'ਤੇ ਪੁਲਿਸ ਮੌਕੇ' ਤੇ ਪਹੁੰਚੀ ਅਤੇ ਉਕਤ ਟੈਂਕਰ ਨੂੰ ਇਕ ਕਰੇਨ ਦੀ ਮਦਦ ਨਾਲ ਸਿੱਧਾ ਕੀਤਾ। ਇਸ ਹਾਦਸੇ ਵਿੱਚ ਦੁੱਧ ਦਾ ਬਹੁਤ ਨੁਕਸਾਨ ਹੋਇਆ ਹੈ।

ਦੁੱਧ ਦਾ ਟੈਂਕਰ ਪਲਟ ਜਾਣ ਦੀ ਖ਼ਬਰ ਸਥਾਨਕ ਲੋਕਾਂ ਚ ਅੱਗ ਵਾਂਗ ਫੈਲ ਗਈ। ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਮੌਕੇ ਤੇ ਪਹੁੰਚ ਗਏ। ਜਿੰਨ੍ਹਾ ਦੇ ਹੱਥ ਭਾਂਡੇ ਸਨ ਤੇ ਉਹ ਦੁੱਧ ਦੇ ਟੈਂਕਰ ਕੋਲ ਪਹੁੰਚੇ। ਉਨ੍ਹਾਂ ਨੂੰ ਦੁੱਧ ਨਾਲ ਭਰਨ ਦੀ ਦੌੜ ਵਿਚ ਕੋਰੋਨਾ ਦੇ ਸੰਕਰਮਣ ਦਾ ਕੋਈ ਡਰ ਨਹੀਂ ਸੀ।