ਬੈਗਲੂਰੂ: ਦੇਸ਼ ‘ਚ ਕੋਰੋਨਾ ਮਹਾਮਾਰੀ ਭਿਆਨਕ ਰੂਪ ਅਖਤਿਆਰ ਕਰ ਰਹੀ ਹੈ। ਲਗਾਤਾਰ ਮੌਤਾਂ ਤੇ ਕੋਰੋਨਾ ਦੇ ਮਾਮਲਿਆਂ ਚ ਵਾਧਾ ਹੋ ਰਿਹਾ ਹੈ। ਇਸੇ ਦੌਰਾਨ ਕਰਨਾਟਕ ਚ ਇੱਕ ਪੀਐੱਮ ਮੋਦੀ ਤੇ ਸੂਬੇ ਦੇ ਸੀਐੱਮ ਬੀਐੱਸ ਯੈਦੂਰੱਪਾ ਦੀ ਤਸਵੀਰ ਕਾਫੀ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ ਦੇ ਵਾਇਰਲ ਹੋਣ ਦਾ ਕਾਰਨ ਹਰ ਇੱਕ ਨੂੰ ਹੈਰਾਨ ਕਰ ਰਿਹਾ ਹੈ ਜਿਸ ਕਰਕੇ ਇਹ ਤਸਵੀਰ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਇਸ ਤਸਵੀਰ ਤੇ ਜੋ ਸ਼ਬਦ ਲਿਖੇ ਗਏ ਹਨ ਉਹ ਕੱਨੜ ਭਾਸ਼ਾ ਚ ਲਿਖੇ ਗਏ ਹਨ ਤੇ ਇਨਾਂ ਸ਼ਬਦਾਂ ਦੇ ਰਾਹੀਂ ਸ਼ਮਸ਼ਾਨਘਾਟ ਦਾ ਰਸਤਾ ਦਿਖਾਇਆ ਗਿਆ ਹੈ।ਇਸ ਤਸਵੀਰ ਨੂੰ ਲੈਕੇ ਸਥਾਨਕ ਤੇ ਹੋਰ ਆਮ ਲੋਕਾਂ ਚ ਭਾਰੀ ਰੋਸ ਦੀ ਲਹਿਰ ਪਾਈ ਜਾ ਰਹੀ ਹੈ ਤੇ ਸੋਸ਼ਲ ਮੀਡੀਆ ਤੇ ਇਸ ਤਸਵੀਰ ਨੂੰ ਤੇਜ਼ੀ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
ਇਹ ਵੀ ਪੜੋ:ਕੋਰੋਨਾ ਨਾਲ ਮੌਤਾਂ ਦਾ ਵਧੀਆ ਅੰਕੜਾ, ਸ਼ਮਸ਼ਾਨਘਾਟ ’ਚ ਲੱਕੜਾਂ ਦੀ ਵਧੀ ਮੰਗ
ਦੱਸ ਦਈਏ ਕਿ ਇਸ ਤਸਵੀਰ ਤੇ ਕੁਝ ਹੋਰ ਵੀ ਲਿਖਿਆ ਗਿਆ ਹੈ ਕਿ ਪਰਿਵਾਰਾਂ , ਐਂਬੂਲੈਂਸ ਚਾਲਕਾਂ ਅਤੇ ਕੋਰੋਨਾ ਕਾਰਨ ਜਿਸ ਮਰੀਜ਼ ਦੀ ਮੌਤ ਹੋਈ ਹੈ ਉਸਦੇ ਸਸਕਾਰ ਚ ਆਏ ਲੋਕਾਂ ਨੂੰ ਮੁਫਤ ਚ ਭੋਜਨ ਵੀ ਉਪਲਬਧ ਕਰਵਾਇਆ ਜਾਵੇਗਾ।ਹਾਲਾਂਕਿ ਬਾਅਦ ਚ ਵਿਵਾਦਾਂ ਚ ਆਈ ਇਸ ਪੋਸਟਰ ਤੋਂ ਉਸ ਸਥਾਨ ਤੋਂ ਹਟਾ ਦਿੱਤਾ ਗਿਆ ਹੈ। ਇਸ ਪੋਸਟਰ ਨੂੰ ਲੈਕੇ ਬਣੇ ਵਿਵਾਦ ਤੋਂ ਬਾਅਦ ਵਿਰੋਧੀਆਂ ਦੇ ਵਲੋਂ ਮੋਦੀ ਸਰਕਾਰ ਤੇ ਕਈ ਤਰ੍ਹਾਂ ਦੇ ਸਵਾਲ ਵੀ ਖੜ੍ਹੇ ਕੀਤੇ ਜਾ ਰਹੇ ਹਨ।ਜਿਸ ਕਰਕੇ ਸਿਆਸੀ ਮਾਹੌਲ ਵੀ ਭਖਦਾ ਜਾ ਰਿਹਾ ਹੈ।
ਇਹ ਵੀ ਪੜੋ:ਚੰਡੀਗੜ੍ਹ ਚ ਕੋਰੋਨਾ ਕਾਰਨ ਰਿਕਾਰਡ ਮੌਤਾਂ, 8 ਹਜ਼ਾਰ ਦੇ ਪਾਰ ਐਕਟਿਵ ਕੇਸ
