ਦਿਵਿਆਂਗ ਮੀਨਾ ਦਾ ਟੈਲੇਂਟ ਜਿਸ ਦੀ ਵਿਦੇਸ਼ਾਂ ਤੱਕ ਚਰਚਾ

ਇੱਥੇ ਪ੍ਰਦਰਸ਼ਿਤ ਸਾਰੀਆਂ ਸੁੰਦਰ ਚੀਜ਼ਾਂ ਨੂੰ ਦੁਕਾਨਾਂ ਤੋਂ ਨਹੀਂ ਖ਼ਰੀਦਿਆਂ ਗਿਆ ਹੈ। ਇਹ ਕਲਾਕਾਰੀ ਦਿਵਿਆਂਗ ਲੜਕੀ ਵਲੋਂ ਕੀਤੀ ਗਈ ਹੈ, ਹਾਲਾਂਕਿ ਕੋਈ ਵੀ ਇਸ 'ਤੇ ਵਿਸ਼ਵਾਸ ਨਹੀਂ ਕਰ ਸਕਦਾ, ਪਰ ਇਹ ਬਿਲਕੁਲ ਸੱਚ ਹੈ।

ਕਰਨਾਟਕ: ਸ਼ਿਵਮੋਗਾ ਦੀ ਰਹਿਣ ਵਾਲੀ ਮੀਨਾ ਮਸਕੁਲਰ ਡਿਸਟ੍ਰੋਫੀ ਬਿਮਾਰੀ ਕਾਰਨ ਉਸ ਦੇ ਪੈਰਾਂ ਉੱਤੇ ਸਹਾਰਾ ਪੈਣਾ ਖ਼ਤਮ ਹੋ ਚੁੱਕਾ ਹੈ, ਪਰ ਇਹ ਸਰੀਰਕ ਕਮਜ਼ੋਰੀ ਉਸ ਦੀ ਪ੍ਰਤਿਭਾ ਦੇ ਰਾਹ ਵਿੱਚ ਨਹੀਂ ਆਈ। ਉਸ ਨੇ ਆਪਣੇ ਹੱਥਾਂ ਨਾਲ ਖੂਬਸੂਰਤ ਤਸਵੀਰਾਂ ਉੱਲੀਕੀਆਂ ਹਨ। ਸ਼ਿਵਮੋਗਾ ਜ਼ਿਲ੍ਹੇ ਦੇ ਹੋਸਲਾਈ ਦੀ ਰਹਿਣ ਵਾਲੀ ਮੀਨਾ, ਸਾਰਿਆਂ ਲਈ ਪ੍ਰੇਰਣਾ ਸਰੋਤ ਹੈ। ਉਸ ਦੀ ਪੇਂਟਿੰਗ ਨਾ ਸਿਰਫ ਭਾਰਤ ਵਿੱਚ, ਬਲਕਿ ਵਿਦੇਸ਼ਾਂ ਵਿੱਚ ਵੀ ਖੂਬ ਲੋਕਪ੍ਰਿਅ ਹੋ ਗਈਆਂ ਹਨ।

ਮੀਨਾ ਨੂੰ ਪੜ੍ਹਾਈ ਵਿੱਚ ਰੁਚੀ ਸੀ ਅਤੇ ਕਲਾ ਅਤੇ ਸ਼ਿਲਪਕਾਰੀ ਦੇ ਕੰਮਾਂ ਵਿਚ ਵੀ ਉਸ ਨੇ ਦਿਲਚਸਪੀ ਪੈਦਾ ਕੀਤੀ। ਮੀਨਾ ਨੇ ਆਪਣੀ SSLC ਦੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਸ਼ੌਂਕ ਵਜੋਂ ਕਲਾ ਅਤੇ ਸ਼ਿਲਪਕਾਰੀ ਨੂੰ ਅੱਗੇ ਵਧਾਉਣ ਦਾ ਫੈਸਲਾ ਲਿਆ। ਦੋਸਤਾਂ ਦੇ ਸੁਝਾਅ ਤੋਂ ਬਾਅਦ, ਆਪਣੀ ਕਲਾ ਨੂੰ ਪੇਸ਼ੇ ਵਜੋਂ ਅਪਣਾਉਣ ਦਾ ਫੈਸਲਾ ਕੀਤਾ ਗਿਆ। ਮੀਨਾ ਨੇ ਮੁੰਬਈ ਦੀ ਇਕ ਕੰਪਨੀ ਤੋਂ ਇਕ ਸਾਲ ਦਾ ਆਨਲਾਈਨ ਕੋਰਸ ਕੀਤਾ ਹੈ।

ਮੀਨਾ ਨੇ ਆਪਣੀ ਸਰੀਰਕ ਬਿਮਾਰੀ ਕਰਕੇ ਹੌਂਸਲਾ ਨਹੀ ਢਾਇਆ ਅਤੇ ਕਲਾ ਅਤੇ ਸ਼ਿਲਪਕਾਰੀ ਨੂੰ ਸ਼ੌਕ ਵਜੋਂ ਅਪਨਾ ਲਿਆ। ਇਸ ਕਲਾਕਾਰੀ ਨੇ ਮੀਨਾ ਦੀ ਸਹਾਇਤਾ ਕੀਤੀ ਅਤੇ ਉਸ ਨੇ ਪੂਰਾ ਸਮਾਂ ਦੇ ਕੇ ਪੇਂਟਿੰਗ ਸ਼ੁਰੂ ਕੀਤੀ। ਇਹ ਸ਼ੌਂਕ ਉਸ ਦੀ ਜ਼ਿੰਦਗੀ ਦਾ ਇਕ ਮਹੱਤਵਪੂਰਣ ਹਿੱਸਾ ਬਣ ਗਿਆ ਹੈ। ਉਸ ਨੇ ਮੁੰਬਈ ਸਥਿਤ ਇਕ ਆਰਟ ਐਂਡ ਕਰਾਫਟ ਕੰਪਨੀ ਤੋਂ ਘਰ ਦੀ ਸਜਾਵਟ ਦਾ ਆਨਲਾਈਨ ਕੋਰਸ ਵੀ ਕੀਤਾ ਹੈ।

ਮੀਨਾ ਦੀ ਮਾਂ ਜੋਤੀ ਨੇ ਦੱਸਿਆ ਕਿ, "ਅਸੀਂ ਉਸ ਦੀ ਪ੍ਰਤਿਭਾ ਤੋਂ ਹੈਰਾਨ ਹੋਏ ਸੀ। ਉਸ ਨੇ ਇਹ ਕਲਾਕਾਰੀ ਖੁਦ ਸਿੱਖੀ ਹੈ। ਸਾਰੇ ਉਸ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਕਲਾ ਕਾਰਜਾਂ ਵਿੱਚ ਮੀਨਾ ਵਿਚ ਵਿਕਾਸ ਵੇਖ ਕੇ ਅਸੀਂ ਬਹੁਤ ਖੁਸ਼ ਹਾਂ। ਮੈਂ ਉਸ ਦੀ ਮਦਦ ਨਹੀਂ ਕਰਦੀ, ਪਰ ਹਾਂ ਮੈਂ ਛੋਟੇ ਮੋਟੇ ਕੰਮ ਕਰਵਾ ਦਿੰਦੀ ਹਾਂ। ਇਸ ਦਾ ਕਾਰਨ ਹੈ, ਉਸ ਦੀ ਮਿਹਨਤ ਜਿਸ ਨੇ ਉਸ ਨੂੰ ਵੱਡਾ ਬਣਾ ਦਿੱਤਾ ਹੈ।"

ਮੀਨਾ ਨੇ ਆਰਟ ਐਂਡ ਕਰਾਫਟ ਵਿੱਚ ਸੂਫਸੁ ਆਰਟ ਵਰਕ, ਡੁਕੂ ਪੇਜ, ਮਿਕਸਡ ਮੀਡੀਆ, ਐਮਡੀਐਫ, ਪੈਟ, ਸਿਰੇਮਿਕ ਗਲਾਸ 'ਤੇ ਕਲਾ ਅਤੇ ਸ਼ਿਲਪਕਾਰੀ ਵਿਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਸਿਰੇਮਿਕ ਗਲਾਸ ਤਕਨੀਕ ਦੀ ਵਰਤੋਂ ਕਰਦਿਆਂ ਘਰ ਦੀ ਸਜਾਵਟ ਦਾ ਕੰਮ ਵੀ ਸਿੱਖਿਆ ਹੈ। ਮੀਨਾ ਨੇ ਫਰਨੀਚਰ 'ਤੇ ਵੀ ਕਲਾਕਾਰੀ ਦਾ ਕੰਮ ਵੀ ਕੀਤਾ ਹੈ।

ਮੀਨਾ ਦੀ ਦੋਸਤ ਨਿਰੰਜਨੀ ਨੇ ਕਿਹਾ ਕਿ ਉਸ ਨੂੰ ਕਲਾਕਾਰੀ ਬਾਰੇ ਸਮਝਾਉਣ ਵਿੱਚ ਸਿਰਫ 2 ਦਿਨ ਹੀ ਲੱਗਦੇ ਹਨ। ਉਸ ਨੇ ਵੱਖ-ਵੱਖ ਤਰੀਕੇ ਨਾਲ ਹੈਂਡਵਰਕ ਕੀਤੇ ਹਨ। ਉਹ ਕਈ ਸਾਲਾਂ ਤੋਂ ਇਹ ਕਲਾਕਾਰੀ ਕਰ ਰਹੀ ਹੈ ਅਤੇ ਬਹੁਤ ਸਾਰੀਆਂ ਔਰਤਾਂ ਲਈ ਪ੍ਰੇਰਣਾ ਬਣ ਗਈ ਹੈ।

ਮੀਨਾ ਕੀ-ਹੋਲਡਰ, ਫੋਟੋ ਹੋਲਡਰ, ਵਾਲ ਹੋਲਡਰ, ਕੀ-ਬੰਚ ਹੈਂਗਰ, ਵਾਚ ਬਾਕਸ, ਬੋਟਲ ਵਰਕ ਆਦਿ 'ਤੇ ਕਲਾ ਦਾ ਕੰਮ ਕਰ ਰਹੀ ਹੈ। ਪਹਿਲਾਂ ਉਹ ਇਕੱਲੇ ਕੰਮ ਕਰ ਰਹੀ ਸੀ, ਪਰ ਹੁਣ ਉਹ ਆਪਣੇ ਦੋਸਤਾਂ ਨਾਲ ਮਿਲ ਕੇ ਕੰਮ ਕਰਦੀ ਹੈ। ਉਹ ਆਪਣੀ ਕਲਾ ਦੇ ਕੰਮ ਲਈ ਵਿਦੇਸ਼ਾਂ ਤੋਂ ਪੇਂਟ ਦੀ ਆਮਦ ਕਰਦੀ ਹੈ।

ਆਪਣੀ ਸਰੀਰਕ ਕਮੀਆਂ ਨੂੰ ਦੂਰ ਕਰਦਿਆਂ ਮੀਨਾ ਨੇ ਕਲਾ ਦੇ ਕੰਮ ਨੂੰ ਚੁਣੌਤੀ ਵਜੋਂ ਲਿਆ ਅਤੇ ਦੂਜੀਆਂ ਕੁੜੀਆਂ ਲਈ ਪ੍ਰੇਰਣਾ ਦਾਇਕ ਬਣ ਗਈ। ਉਹ ਦੂਜਿਆਂ ਲਈ ਇਕ ਉੱਤਮ ਉਦਾਹਰਣ ਹੈ ਅਤੇ ਬਹੁਤਿਆਂ ਲਈ ਪ੍ਰੇਰਣਾ ਸਰੋਤ ਵੀ ਹੈ।