ਸ਼੍ਰੀਨਗਰ: ਰਾਸ਼ਟਰੀ ਜਾਂਚ ਏਜੰਸੀ (ਐੱਨ.ਆਈ.ਏ.) ਨੇ ਵੀਰਵਾਰ ਨੂੰ ਸ਼੍ਰੀਨਗਰ ਦੇ ਨੌਹੱਟਾ ਇਲਾਕੇ ਦੇ ਗਨੀ ਮੁਹੱਲੇ 'ਚ ਅਲ-ਉਮਰ ਦੇ ਮੁਖੀ ਮੁਸ਼ਤਾਕ ਜ਼ਰਗਰ ਉਰਫ 'ਲਾਤਰਮ' ਦੇ ਘਰ ਨੂੰ ਅਟੈਚ ਕਰ ਲਿਆ। ਗ੍ਰਹਿ ਮੰਤਰਾਲੇ (MHA) ਨੇ ਜ਼ਰਗਰ, ਜੋ ਵਰਤਮਾਨ ਵਿੱਚ ਪਾਕਿਸਤਾਨ ਵਿੱਚ ਹੈ, ਨੂੰ UAPA ਤਹਿਤ 'ਅੱਤਵਾਦੀ' ਘੋਸ਼ਿਤ ਕੀਤਾ ਹੈ। ਯੂ.ਏ.ਪੀ.ਏ. ਕੱਟੜਪੰਥੀ ਗਤੀਵਿਧੀਆਂ ਨੂੰ ਕੰਟਰੋਲ ਕਰਨ ਲਈ ਇੱਕ ਸਖ਼ਤ ਕਾਰਵਾਈ ਹੈ।
ਅੱਜ ਸਵੇਰੇ ਐਨਆਈਏ ਨੇ ਲਿਆ ਐਕਸ਼ਨ: ਰਿਪੋਰਟਾਂ ਅਨੁਸਾਰ ਸਥਾਨਕ ਪੁਲਿਸ ਅਤੇ ਨੀਮ ਫੌਜੀ ਬਲ ਸੀਆਰਪੀਐਫ ਦੀ ਮਦਦ ਨਾਲ ਐਨਆਈਏ ਦੀ ਇੱਕ ਟੀਮ ਨੇ ਅੱਜ ਸਵੇਰੇ ਸ੍ਰੀਨਗਰ ਦੇ ਨੌਹੱਟਾ ਖੇਤਰ ਵਿੱਚ ਸਥਿਤ ਲਾਤਰਾਮ ਦੀ ਜਾਇਦਾਦ ਕੁਰਕ ਕੀਤੀ। ਐਨਆਈਏ ਦੇ ਬੁਲਾਰੇ ਅਨੁਸਾਰ, ਜਰਗਰ ਦਾ ਗਨਈ ਮੁਹੱਲਾ ਜਾਮੀਆ ਮਸਜਿਦ, ਨੌਹੱਟਾ, ਸ੍ਰੀਨਗਰ ਵਿਖੇ ਦੋ ਮਰਲੇ ਦਾ ਮਕਾਨ UA(P)A ਦੀਆਂ ਧਾਰਾਵਾਂ ਤਹਿਤ ਅਟੈਚ ਕੀਤਾ ਗਿਆ ਹੈ।
ਇਹ ਵੀ ਪੜੋ: Umesh Pal Murder Case: ਹਥਿਆਰਾਂ ਦੇ ਸੌਦਾਗਰ ਸਫ਼ਦਰ ਅਲੀ ਦੇ ਦੋ ਮੰਜ਼ਿਲਾ ਮਕਾਨ 'ਤੇ ਚੱਲਿਆ ਬੁਲਡੋਜ਼ਰ
ਇਹ ਹੈ ਮਾਮਲਾ: ਜ਼ਰਗਰ ਨੂੰ 15 ਮਈ 1992 ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਫਿਰ 1999 ਵਿੱਚ ਜੈਸ਼ ਮੁਖੀ ਮਸੂਦ ਅਜ਼ਹਰ ਅਤੇ ਸ਼ੇਖ ਉਮਰ ਦੇ ਨਾਲ ਰਿਹਾਅ ਹੋ ਗਿਆ। 1999 ਵਿੱਚ, ਉਸ ਨੂੰ ਹਾਈਜੈਕ ਕੀਤੀ ਗਈ ਇੰਡੀਅਨ ਏਅਰਲਾਈਨਜ਼ ਦੀ ਫਲਾਈਟ ਆਈ.ਸੀ.-814 ਦੇ ਮੁਸਾਫਰਾਂ ਦੇ ਬਦਲੇ ਛੱਡ ਦਿੱਤਾ ਗਿਆ ਸੀ। ਇਹ ਜਹਾਜ਼ ਨੇਪਾਲ ਦੇ ਕਾਠਮੰਡੂ ਦੇ ਤ੍ਰਿਭੁਵਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਵੱਲ ਜਾ ਰਿਹਾ ਸੀ। ਉਸ ਨੂੰ ਅਗਵਾ ਕਰਕੇ ਕੰਧਾਰ ਲਿਜਾਇਆ ਗਿਆ, ਜਿੱਥੇ ਤਿੰਨ ਅੱਤਵਾਦੀਆਂ ਦੇ ਬਦਲੇ ਬੰਧਕਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ। ਇਹ ਗੱਲਬਾਤ ਤਤਕਾਲੀ ਭਾਜਪਾ ਦੇ ਵਿਦੇਸ਼ ਮੰਤਰੀ ਜਸਵੰਤ ਸਿੰਘ ਦੀ ਅਗਵਾਈ ਹੇਠ ਹੋਈ ਸੀ।
ਇਹ ਵੀ ਪੜੋ: AAP MLA Amanatullah khan got bail: 'ਆਪ' ਵਿਧਾਇਕ ਅਮਾਨਤੁੱਲਾ ਖਾਨ ਨੂੰ ਵੱਡੀ ਰਾਹਤ, ਦੰਗਿਆਂ ਦੇ ਮਾਮਲੇ ਵਿੱਚ ਬਰੀ
ਜ਼ਰਗਰ 1989 ਵਿੱਚ ਸਾਬਕਾ ਕੇਂਦਰੀ ਗ੍ਰਹਿ ਮੰਤਰੀ ਮੁਫਤੀ ਮੁਹੰਮਦ ਸਈਦ ਦੀ ਧੀ ਰੁਬਈਆ ਸਈਦ ਦੇ ਅਗਵਾ ਵਿੱਚ ਵੀ ਸ਼ਾਮਲ ਸੀ। ਜ਼ਰਗਰ ਗੈਰਕਾਨੂੰਨੀ ਗਤੀਵਿਧੀਆਂ (ਰੋਕਥਾਮ) ਐਕਟ ਦੇ ਤਹਿਤ ਨਾਮਜ਼ਦ ਅੱਤਵਾਦੀ ਹੈ। ਆਪਣੀ ਰਿਹਾਈ ਦੇ ਬਾਅਦ ਤੋਂ ਉਹ ਪਾਕਿਸਤਾਨ ਤੋਂ ਕੰਮ ਕਰ ਰਿਹਾ ਹੈ ਅਤੇ ਘਾਟੀ ਵਿੱਚ ਅੱਤਵਾਦੀ ਗਤੀਵਿਧੀਆਂ ਲਈ ਫੰਡਿੰਗ ਕਰ ਰਿਹਾ ਹੈ।