ਫ਼ਰੀਦਬਾਦ: ਅਰਾਵਲੀ ਪਹਾੜਾਂ ਦੀ ਇਹ ਖੂਨੀ ਝੀਲ ਜਿੰਨੀ ਸ਼ਾਂਤ ਅਤੇ ਖੂਬਸੂਰਤ ਵਿਖਾਈ ਦੇ ਰਹੀ ਹੈ, ਇਸ ਦਾ ਇਤਿਹਾਸ ਉਨਾਂ ਹੀ ਖ਼ਤਰਨਾਕ ਹੈ। ਸਾਫ ਪਾਣੀ ਨੂੰ ਵੇਖ ਕੇ ਤੁਹਾਡਾ ਵੀ ਮਨ ਇਸ ਝੀਲ ਵਿੱਚ ਗੋਤੇ ਲਗਾਉਣ ਲਈ ਕਰੇਗਾ, ਪਰ ਕਿਹਾ ਜਾਂਦਾ ਹੈ ਕਿ ਅੱਜ ਤੱਕ ਜੇ ਕੋਈ ਅਣਜਾਣ ਵਿਅਕਤੀ ਇਸ ਝੀਲ 'ਚ ਗਿਆ ਹੈ, ਤਾਂ ਉਹ ਕਦੇ ਵੀ ਵਾਪਸ ਨਹੀਂ ਆਇਆ।
ਆਲੇ ਦੁਆਲੇ ਦੇ ਇਲਾਕਿਆਂ ਵਿੱਚ ਰਹਿਣ ਵਾਲੇ ਲੋਕਾਂ ਦਾ ਕਹਿਣਾ ਹੈ ਕਿ ਕੁਦਰਤ ਦੀ ਗੋਦ ਵਿੱਚ ਬਣੀ ਇਸ ਝੀਲ ਨੂੰ ਵੇਖ ਕੇ ਤੁਹਾਨੂੰ ਸਭ ਕੁਝ ਆਮ ਲੱਗੇਗਾ। ਝੀਲ ਵਿੱਚ ਭਰਿਆ ਪਾਣੀ ਵੀ ਤੁਹਾਨੂੰ ਆਪਣੇ ਵੱਲ ਇਸ ਤਰ੍ਹਾਂ ਖਿੱਚੇਗਾ ਕਿ ਤੁਸੀਂ ਆਪਣੇ ਆਪ ਨੂੰ ਪਾਣੀ ਵਿੱਚ ਜਾਣ ਤੋਂ ਰੋਕ ਨਹੀਂ ਸਕੋਗੇ, ਪਰ ਝੀਲ ਦੇ ਪਾਣੀ ਵਿੱਚ ਜਾਣ ਤੋਂ ਬਾਅਦ, ਸਭ ਕੁਝ ਅਸਾਧਾਰਣ ਹੋ ਜਾਂਦਾ ਹੈ। ਇਹ ਸ਼ਾਂਤ ਦਿਖਾਈ ਦੇਣ ਵਾਲਾ ਠੰਡਾ ਪਾਣੀ ਤੁਹਾਡੀ ਜ਼ਿੰਦਗੀ ਖੋਹ ਸਕਦਾ ਹੈ।
ਸਥਾਨਕ ਵਾਸੀ ਅਨਿਲ ਨੇ ਦੱਸਿਆ ਕਿ ਜਦੋਂ ਤੁਸੀਂ ਇੱਥੇ ਆਉਂਦੇ ਹੋ ਅਤੇ ਇਸ ਝੀਲ ਨੂੰ ਵੇਖਦੇ ਹੋ, ਇਹ ਜਗ੍ਹਾ ਬਹੁਤ ਵਧੀਆ ਲੱਗਦੀ ਹੈ, ਮਨ ਕਰਦਾ ਹੈ ਕਿ ਇੱਥੇ ਹੀ ਰਹਿਣ ਲੱਗ ਜਾਈਏ, ਕਿਉਂਕਿ ਇੱਥੇ ਚਾਰੇ ਪਾਸੇ ਪਹਾੜ ਹਨ, ਇੱਥੇ ਦਾ ਨਜ਼ਾਰਾ ਕਾਫ਼ੀ ਵਧੀਆ ਹੈ।
ਨੌਜਵਾਨਾਂ ਨੂੰ ਇਸ ਝੀਲ ਦੀ ਜਾਣਕਾਰੀ ਇੰਟਰਨੈਟ ਜ਼ਰੀਏ ਮਿਲਦੀ ਹੈ। ਦਿੱਲੀ ਅਤੇ ਆਸ ਪਾਸ ਬਣੇ ਕਾਲਜਾਂ ਵਿਚ ਪੜ੍ਹ ਰਹੇ ਨੌਜਵਾਨ ਇੰਟਰਨੈੱਟ ਉੱਤੇ ਇਸ ਝੀਲ ਬਾਰੇ ਭਾਲ ਕਰਨ ਤੋਂ ਬਾਅਦ ਇਸ ਝੀਲ 'ਤੇ ਰੋਮਾਂਚ ਕਰਨ ਲਈ ਆਉਂਦੇ ਹਨ। ਇਸ ਝੀਲ ਦਾ ਨਾਮ ਇੰਟਰਨੈੱਟ ਉੱਤੇ 'ਡੈਥ ਵੈਲੀ' ਯਾਨੀ 'ਖੂਨੀ ਝੀਲ' ਦੇ ਨਾਮ ਨਾਲ ਮਸ਼ਹੂਰ ਹੈ।
ਇੱਥੇ ਘੁੰਮਣ ਆਏ ਯਸ਼ ਨੇ ਕਿਹਾ ਕਿ ਹਰ ਇਕ ਨੂੰ ਕੁਝ ਨਵਾਂ ਕਰਨਾ ਹੈ, ਜੋ ਵੀ ਟਰੈਂਡ ਵਿੱਚ ਚੱਲ ਰਿਹਾ ਹੈ, ਲੋਕ ਉਹੀ ਕਰਦੇ ਹਨ, ਜਿਵੇਂ ਡੈਥ ਵੈਲੀ ਟਰੈਂਡਿੰਗ ਵਿੱਚ ਚੱਲ ਰਹੀ ਹੈ, ਫਿਰ ਲੋਕ ਇੱਥੇ ਘੁੰਮਣ ਲਈ ਆਉਂਦੇ ਹਨ।
ਝੀਲ ਵਿੱਚ ਡੁੱਬਣ ਨਾਲ ਹੋਈਆਂ ਮੌਤਾਂ ਦਾ ਅੰਕੜਾ ਹਰ ਸਾਲ ਵੱਧ ਰਿਹਾ ਹੈ। ਇਨ੍ਹਾਂ ਮੌਤਾਂ ਦਾ ਮੁੱਖ ਕਾਰਨ ਝੀਲ ਦੀ ਡੂੰਘਾਈ ਦਾ ਅੰਦਾਜ਼ਾ ਨਾ ਹੋਣਾ ਹੈ ਜਿਸ ਕਾਰਨ ਲੋਕ ਪਾਣੀ ਵਿੱਚ ਜਾਣ ਤੋਂ ਬਾਅਦ ਇਸ ਡੂੰਘਾਈ ਨੂੰ ਨਹੀਂ ਮਾਪ ਪਾਉਂਦੇ ਅਤੇ ਆਪਣੀ ਜਿੰਦਗੀ ਤੋਂ ਹੱਥ ਧੋ ਬੈਠਦੇ ਹਨ।
ਸਥਾਨਕ ਵਾਸੀ ਅਨਿਲ ਅਤੇ ਓਮ ਪ੍ਰਕਾਸ਼ ਨੇ ਕਿਹਾ ਦੱਸਿਆ ਕਿ ਇਸ ਝੀਲ ਦੀ ਡੂੰਘਾਈ ਅਜੇ ਤੱਕ ਪਤਾ ਨਹੀਂ ਹੈ। ਇਸ ਝੀਲ ਵਿੱਚ ਬਹੁਤ ਸਾਰੇ ਪੱਥਰ ਹਨ. ਲੋਕਾਂ ਦੇ ਪੈਰ ਉਸ ਪੱਥਰ ਤੋਂ ਫਿਸਲ ਜਾਂਦੇ ਹਨ, ਲੋਕ ਸੋਚਦੇ ਹਨ ਕਿ ਇਹ ਘੱਟ ਡੂੰਘੀ ਝੀਲ ਹੈ, ਪਰ ਇਸ ਦੀ ਡੂੰਘਾਈ ਅੱਜੇ ਤੱਕ ਨਹੀਂ ਪਤਾ ਲੱਗ ਸਕੀ ਹੈ।
ਝੀਲ ਵਿੱਚ ਡੁੱਬਣ ਕਾਰਨ ਲਗਾਤਾਰ ਹੋਈਆਂ ਮੌਤਾਂ ਤੋਂ ਬਾਅਦ ਪ੍ਰਸ਼ਾਸਨ ਦੇ ਸਾਹਮਣੇ ਸਭ ਤੋਂ ਵੱਡੀ ਚੁਣੌਤੀ ਇਹ ਬਣ ਗਈ ਹੈ ਕਿ ਇਨ੍ਹਾਂ ਮੌਤਾਂ ਨੂੰ ਕਿਵੇਂ ਰੋਕਿਆ ਜਾਵੇ।
ਫ਼ਰੀਦਾਬਾਦ ਹੈਡ ਕੁਆਟਰ ਦੇ ਡੀਸੀਪੀ ਅਰਪਿਤ ਜੈਨ ਨੇ ਕਿਹਾ ਕਿ ਪੁਲਿਸ ਦੀ ਤਰਫੋਂ, ਅਸੀਂ ਸਭ ਤੋਂ ਵੱਧ ਬੇਨਤੀ ਕੀਤੀ ਹੈ ਅਤੇ ਕਹਿੰਦੇ ਰਹਿੰਦੇ ਹਾਂ ਕਿ ਜੇ ਤੁਸੀਂ ਇੱਥੇ ਆਉਂਦੇ ਹੋ, ਤਾਂ ਸਾਵਧਾਨ ਰਹੋ, ਕਿਉਂਕਿ ਝੀਲ ਵਿੱਚ ਇੱਕਦਮ ਡੂੰਘਾਈ ਹੈ, ਤਾਂ ਇਸ ਝੀਲ ਵਿੱਚ ਜਾਣ ਦੀ ਕੋਸ਼ਿਸ਼ ਨਾ ਕਰੋ। ਜੋ ਕੁਦਰਤੀ ਥਾਂ ਹੈ, ਉੱਥੇ ਬੈਠ ਕੇ ਆਨੰਦ ਮਾਣੋ, ਪਰ ਸਾਵਧਾਨ ਰਹੋ।
ਫ਼ਰੀਦਾਬਾਦ ਦੀ ਅਰਾਵਲੀ ਵਿੱਚ ਬਣੀ ਇਸ ਖੂਨੀ ਝੀਲ ਦੀ ਕਹਾਣੀ ਦਾ ਹਰ ਪਹਿਲੂ ਤੁਹਾਡੇ ਸਾਹਮਣੇ ਹੈ। ਹੁਣ ਤੱਕ ਸੈਂਕੜਾ ਜਾਨਾਂ ਇਸ ਝੀਲ ਵਿਚ ਖਤਮ ਹੋ ਚੁੱਕੀਆਂ ਹਨ। ਅਜਿਹੇ ਵਿੱਚ, ਜੇ ਤੁਸੀਂ ਰੋਮਾਂਚ ਕਰਨ ਲਈ ਇੰਟਰਨੈਟ ਉੱਤੇ ਸਰਚ ਕਰ ਕੇ ਇਸ ਝੀਲ ਉੱਤੇ ਆਉਣ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਸਾਵਧਾਨ ਹੋਣ ਦੀ ਜ਼ਰੂਰਤ ਹੈ, ਕਿਉਂਕਿ ਇਸ ਝੀਲ ਦੀ ਭੂਗੋਲਿਕ ਸਥਿਤੀ ਕਿਸੇ ਵੀ ਤਰ੍ਹਾਂ ਦੀ ਲਾਪਰਵਾਹੀ ਨੂੰ ਮਾਫ਼ ਨਹੀਂ ਕਰੇਗੀ।
