ਨਵੀਂ ਦਿੱਲੀ - ਭਾਰਤ ਮੌਸਮ ਵਿਗਿਆਨ ਵਿਭਾਗ ਨੇ ਮੰਗਲਵਾਰ ਨੂੰ ਕਿਹਾ ਕਿ ਦੱਖਣ-ਪੱਛਮੀ ਮੌਨਸੂਨ ਉੱਤਰ ਅਤੇ ਦੱਖਣ ਭਾਰਤ 'ਚ ਆਮ ਰਹਿਣ ਦੀ ਉਮੀਦ ਹੈ, ਕੇਂਦਰੀ ਭਾਰਤ 'ਚ ਆਮ ਨਾਲੋਂ ਜਿਆਦਾ ਅਤੇ ਪੂਰਬ ਤੇ ਉੱਤਰ-ਪੂਰਬ ਭਾਰਤ 'ਚ ਆਮ ਨਾਲੋਂ ਘੱਟ ਰਹਿਣ ਦਾ ਅਨੁਮਾਨ ਹੈ।
ਦੱਖਣ ਪੱਛਮੀ ਮਾਨਸੂਨ 2021 ਲਈ ਆਪਣੀ ਦੂਜੀ ਲੰਬੇ ਸਮੇਂ ਦੀ ਭਵਿੱਖਬਾਣੀ ਜਾਰੀ ਕਰਦਿਆਂ ਆਈ.ਐੱਮ.ਡੀ ਦੇ ਡਾਇਰੈਕਟਰ ਜਨਰਲ ਮੌਤੂੰਜੈ ਮਹਾਪਤਰਾ ਨੇ ਕਿਹਾ ਕਿ ਦੇਸ਼ 'ਚ ਜੂਨ 'ਚ ਆਮ ਮੌਨਸੂਨ ਰਹਿਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ, ਜੋ ਕਿ ਬਿਜਾਈ ਦਾ ਮੌਸਮ ਵੀ ਹੈ।
ਉਨ੍ਹਾਂ ਕਿਹਾ ਕਿ ਕੁਲ ਮਿਲਾ ਕੇ ਇਸ ਸਾਲ ਦੇਸ਼ ਭਰ ਵਿੱਚ ਮਾਨਸੂਨ ਆਮ ਰਹਿਣ ਦੀ ਸੰਭਾਵਨਾ ਹੈ।
ਕੋਰੋਨਾ ਵਾਇਰਸ ਮਹਾਂਮਾਰੀ ਨਾਲ ਪ੍ਰਭਾਵਿਤ ਅਰਥਚਾਰੇ ਲਈ ਇਹ ਚੰਗੀ ਖਬਰ ਹੈ। ਦੱਖਣ-ਪੱਛਮੀ ਮਾਨਸੂਨ ਦੇਸ਼ ਦੀ ਆਰਥਿਕਤਾ ਲਈ ਮਹੱਤਵਪੂਰਨ ਤੌਰ 'ਤੇ ਖੇਤੀਬਾੜੀ ਅਤੇ ਇਸ ਨਾਲ ਜੁੜੀਆਂ ਗਤੀਵਿਧੀਆਂ 'ਤੇ ਅਧਾਰਤ ਹੈ।
ਖੇਤੀਬਾੜੀ ਤੋਂ ਇਲਾਵਾ, ਦੇਸ਼ ਦਾ ਵੱਡਾ ਹਿੱਸਾ ਭੰਡਾਰਾਂ ਨੂੰ ਭਰਨ ਲਈ ਚਾਰ ਮਹੀਨਿਆਂ ਦੇ ਬਰਸਾਤੀ ਮੌਸਮ 'ਤੇ ਨਿਰਭਰ ਕਰਦਾ ਹੈ।
ਮਹਾਪਤਰਾ ਨੇ ਆਨਲਾਈਨ ਬ੍ਰੀਫਿੰਗ ਵਿੱਚ ਕਿਹਾ ਕਿ ਅਸੀਂ ਇੱਕ ਚੰਗੇ ਮੌਨਸੂਨ ਦੀ ਉਮੀਦ ਕਰ ਰਹੇ ਹਾਂ ਜੋ ਕਿ ਖੇਤੀਬਾੜੀ ਸੈਕਟਰ ਵਿੱਚ ਸਹਾਇਤਾ ਕਰੇਗੀ।
ਉਨ੍ਹਾਂ ਕਿਹਾ ਕਿ ਮਾਤਰਾ ਵਿੱਚ, ਦੇਸ਼ ਵਿੱਚ ਮੌਨਸੂਨ ਦੀ ਬਾਰਿਸ਼ ਲੰਬੇ ਸਮੇਂ ਦੀ ਔਸਤ (ਐਲਪੀਏ) ਦੇ 101 ਫੀਸਦ ਹੋਣ ਦੀ ਸੰਭਾਵਨਾ ਹੈ। ਜਿਸ ਵਿੱਚ ਚਾਰ ਪ੍ਰਤੀਸ਼ਤ ਤੋਂ ਘੱਟ ਜਾਂ ਵੱਧ ਦੀ ਆਦਰਸ਼ ਗਲਤੀ ਹੋ ਸਕਦੀ ਹੈ।
ਐਲਪੀਏ ਦੇ 96 ਤੋਂ 104 ਪ੍ਰਤੀਸ਼ਤ ਦੇ ਦਾਇਰੇ ਵਿੱਚ ਮਾਨਸੂਨ ਨੂੰ ਆਮ ਮੰਨਿਆ ਜਾਂਦਾ ਹੈ।
ਦੇਸ਼ ਭਰ 'ਚ ਮਾਨਸੂਨ ਦੀ ਬਾਰਿਸ਼ ਲਈ ਐੱਲ.ਪੀ.ਏ 1961-2010 ਦੀ ਮਿਆਦ ਲਈ 88 ਸੈਂਟੀਮੀਟਰ ਹੈ।
ਆਈ.ਐੱਮ.ਡੀ ਨੇ ਦੱਖਣੀ ਪੱਛਮੀ ਮੌਨਸੂਨ 2021 ਲਈ ਆਪਣੇ ਪਹਿਲੇ ਲੰਮੇ ਸਮੇਂ ਦੀ ਭਵਿੱਖਬਾਣੀ 'ਚ ਐੱਲ.ਪੀ.ਏ ਦੇ 98 ਪ੍ਰਤੀਸ਼ਤ ਬਾਰਿਸ਼ ਹੋਣ ਦਾ ਅਨੁਮਾਨ ਲਗਾਇਆ ਸੀ, ਜੋ ਕਿ ਆਮ ਸ਼੍ਰੇਣੀ 'ਚ ਆਉਂਦਾ ਹੈ। ਪਰ ਹੁਣ ਉਸ ਨੇ ਆਪਣੀ ਪਹਿਲੀ ਭਵਿੱਖਬਾਣੀ ਨੂੰ ਐੱਲ.ਪੀ.ਏ ਦੇ 101 ਪ੍ਰਤੀਸ਼ਤ ਤੱਕ ਕਰ ਦਿੱਤਾ ਹੈ, ਜੋ ਆਮ ਸ਼੍ਰੇਣੀ 'ਚ ਉੱਚ ਪੱਧਰ 'ਤੇ ਹੈ।
ਮਹਾਪਤਰਾ ਨੇ ਕਿਹਾ ਕਿ ਆਮ ਬਾਰਿਸ਼ ਦੀ 40 ਪ੍ਰਤੀਸ਼ਤ ਸੰਭਾਵਨਾ, ਸਧਾਰਣ ਮੀਂਹ ਤੋਂ ਉਪਰ 22 ਪ੍ਰਤੀਸ਼ਤ, ਵਧੇਰੇ ਮੀਂਹ ਦੀ 12 ਪ੍ਰਤੀਸ਼ਤ ਅਤੇ ਸਧਾਰਣ ਮੀਂਹ ਤੋਂ 18 ਪ੍ਰਤੀਸ਼ਤ ਘੱਟ ਸੰਭਾਵਨਾ ਹੈ।
ਮਹਾਪਤਰਾ ਨੇ ਕਿਹਾ ਕਿ ਦੱਖਣ ਪੱਛਮੀ ਮਾਨਸੂਨ ਦੇ 3 ਜੂਨ ਤੱਕ ਕੇਰਲ ਪਹੁੰਚਣ ਲਈ ਹਾਲਤ ਅਨੁਕੂਲ ਹਨ। ਕੇਰਲ 'ਚ ਮਾਨਸੂਨ ਦੇ ਆਗਮਨ ਦੀ ਤਰੀਕ ਇੱਕ ਜੂਨ ਹੈ ਅਤੇ ਇਸ ਦੇ ਨਾਲ ਹੀ ਚਾਰ ਮਹੀਨਿਆਂ ਦੇ ਮੀਂਹ ਦੇ ਮੌਸਮ ਦੀ ਸ਼ੁਰੂਆਤ ਹੁੰਦੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਸਾਲ ਤੋਂ ਆਈ.ਐੱਮ.ਡੀ ਸੀਜ਼ਨ ਦੇ ਸਾਰੇ ਚਾਰ ਮਹੀਨਿਆਂ ਲਈ ਮਹੀਨਾਵਾਰ ਬਾਰਿਸ਼ ਦੀ ਭਵਿੱਖਬਾਣੀ ਕਰੇਗੀ।
ਇਹ ਵੀ ਪੜ੍ਹੋ:Hemkund Sahib:5-5 ਫੁੱਟ ਡਿੱਗੀ ਬਰਫ, ਚਿੱਟੀ ਚਾਦਰ 'ਚ ਢੱਕਿਆ ਸ੍ਰੀ ਹੇਮਕੁੰਟ ਸਾਹਿਬ
