ਪੂਰਨੀਆ: ਬਿਹਾਰ ਦੇ ਪੂਰਨੀਆ ਵਿੱਚ ਇੱਕ 10 ਸਾਲ ਦੀ ਬੱਚੀ (Rape of a 10 year old girl) ਨਾਲ ਦਰਿੰਦਗੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬਲਾਤਕਾਰ ਦੀ ਘਟਨਾ ਡਗਰੂਆ ਥਾਣਾ ਖੇਤਰ ਦੇ ਇੱਕ ਪਿੰਡ ਦੀ ਹੈ। ਪਿੰਡ ਵਿੱਚ ਇੱਕ 10 ਸਾਲਾ ਬੱਚੀ ਖੇਡ ਰਹੀ ਸੀ ਜਦੋਂ ਮੁਲਜ਼ਮ ਉਸ ਨੂੰ ਜ਼ਬਰਦਸਤੀ ਨੇੜੇ ਦੇ ਖੇਤ ਵਿੱਚ ਲੈ ਗਿਆ ਅਤੇ ਉਸ ਨਾਲ ਬਲਾਤਕਾਰ ਕੀਤਾ। ਇਸ ਤੋਂ ਬਾਅਦ ਉਸ ਨੇ ਬੇਰਹਿਮੀ ਨਾਲ ਉਸ ਦੇ ਗੁਪਤ ਅੰਗ ਵਿੱਚ ਮਿੱਟੀ ਪਾ ਦਿੱਤੀ। ਬੱਚੀ ਨੇ ਜਦੋਂ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ ਤਾਂ ਆਸ-ਪਾਸ ਦੇ ਲੋਕ ਦੌੜ ਕੇ ਉਥੇ ਪਹੁੰਚ ਗਏ ਅਤੇ ਲੜਕੀ ਨੂੰ ਚੁੱਕ ਕੇ ਘਰ ਲੈ ਗਏ। ਉਦੋਂ ਤੱਕ ਮੁਲਜ਼ਮ ਫਰਾਰ ਹੋ ਚੁੱਕਾ ਸੀ। ਐਤਵਾਰ ਨੂੰ ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ।
ਦੋਸਤਾਂ ਨਾਲ ਖੇਡ ਰਹੀ ਸੀ ਲੜਕੀ : ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਤੋਂ ਬਾਅਦ ਮੁਲਜ਼ਮ ਨੌਜਵਾਨ ਉਥੋਂ ਫਰਾਰ ਹੋ ਗਿਆ। ਵੈਸੇ ਪੁਲਿਸ ਨੇ ਉਸਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਨੌਜਵਾਨ ਦੀ ਉਮਰ 26 ਸਾਲ ਹੈ ਅਤੇ ਉਹ ਵੀ ਇਸੇ ਪਿੰਡ ਦਾ ਰਹਿਣ ਵਾਲਾ ਹੈ। ਮਾਸੂਮ ਪੀੜਤਾ ਨੇ ਪਰਿਵਾਰ ਵਾਲਿਆਂ ਨੂੰ ਦੱਸਿਆ ਕਿ ਉਹ ਘਰ ਤੋਂ ਕੁਝ ਦੂਰ ਇੱਕ ਖੇਤ ਵਿੱਚ ਆਪਣੇ ਕੁਝ ਦੋਸਤਾਂ ਨਾਲ ਖੇਡ ਰਹੀ ਸੀ। ਉਸੇ ਸਮੇਂ ਪਿੰਡ ਦਾ ਇੱਕ ਨੌਜਵਾਨ ਆਇਆ ਅਤੇ ਉਸ ਬੱਚੀ ਦੇ ਦੋਸਤਾਂ ਨੂੰ ਉਥੋਂ ਭਜਾ ਦਿੱਤਾ। ਫਿਰ ਉਹ ਪੀੜਤਾ ਨੂੰ ਜ਼ਬਰਦਸਤੀ ਚੁੱਕ ਕੇ ਖੇਤ ਦੇ ਪਿੱਛੇ ਟੋਏ ਵਿੱਚ ਲੈ ਗਿਆ ਅਤੇ ਉਸ ਨਾਲ ਘਿਨੌਣੀ ਹਰਕਤ ਕੀਤੀ। ਇਸ ਤੋਂ ਬਾਅਦ ਨੌਜਵਾਨ ਨੇ ਖੂਨ ਦਾ ਰਿਸਾਅ ਰੋਕਣ ਲਈ ਉਸਦੇ ਗੁਪਤ ਅੰਗ 'ਚ ਮਿੱਟੀ ਪਾ ਦਿੱਤੀ।
ਬੇਹੋਸ਼ ਪਈ ਸੀ ਮਾਸੂਮ: ਮਾਸੂਮ ਦੇ ਚੀਕ-ਚਿਹਾੜੇ ਨੂੰ ਦੇਖ ਕੇ ਨਾਲ ਹੀ ਖੇਡ ਰਹੇ ਬੱਚੇ ਪਿੰਡ ਵੱਲ ਭੱਜੇ ਅਤੇ ਜਾ ਕੇ ਸਾਰੀ ਗੱਲ ਪੀੜਤ ਪਰਿਵਾਰ ਅਤੇ ਪਿੰਡ ਵਾਸੀਆਂ ਨੂੰ ਦੱਸੀ। ਜਿਸ ਤੋਂ ਬਾਅਦ ਬੱਚੀ ਦੇ ਰਿਸ਼ਤੇਦਾਰ ਅਤੇ ਪਿੰਡ ਵਾਸੀ ਖੇਤ ਵੱਲ ਭੱਜੇ। ਜਿੱਥੇ 10 ਸਾਲਾ ਮਾਸੂਮ ਦਰਦ ਨਾਲ ਤੜਫਦੀ ਹੋਈ ਮਿਲੀ। ਇਸ ਗੰਦੇ ਕੰਮ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁਲਜ਼ਮ ਘਰੋਂ ਫਰਾਰ ਹੋ ਗਿਆ। ਪੀੜਤ ਪਰਿਵਾਰ ਦੀ ਤਰਫੋਂ ਐਫਆਈਆਰ ਦਰਜ ਕਰਨ ਤੋਂ ਬਾਅਦ ਪੁਲਿਸ ਨੇ ਐਤਵਾਰ ਨੂੰ ਫਰਾਰ ਮੁਲਜ਼ਮ ਨੌਜਵਾਨ ਨੂੰ ਗ੍ਰਿਫਤਾਰ ਕਰ ਲਿਆ। ਮਾਸੂਮਾਂ ਨਾਲ ਬੇਰਹਿਮੀ ਦੀ ਇਹ ਘਟਨਾ ਸ਼ੁੱਕਰਵਾਰ ਦੀ ਹੈ।
ਇਹ ਵੀ ਪੜ੍ਹੋ: Atiq Ahmed ਦੀ ਪਤਨੀ ਤੇ ਪੁੱਤ ਸਣੇ ਦੋ ਗੁਰਗਿਆਂ ਖ਼ਿਲਾਫ਼ ਇਕ ਹੋਰ ਮੁਕੱਦਮਾ, ਸਾਹਮਣੇ ਆਇਆ ਇਹ ਨਵਾਂ ਮਾਮਲਾ
