ਮੰਗਲੌਰ: ਮੁਸਲਿਮ ਰੱਖਿਆ ਬਲ (MDF) ਨੇ ਕਿਹਾ ਹੈ ਕਿ ਜੇਕਰ ਕੋਈ ਮੁਸਲਿਮ ਲੜਕੀ ਜਨਤਕ ਥਾਵਾਂ 'ਤੇ ਸੈਲਫੀ ਲੈਣ ਲਈ ਆਪਣਾ ਬੁਰਕਾ ਉਤਾਰਦੀ ਹੈ ਤਾਂ ਉਸ ਨਾਲ ਕੁੱਟਮਾਰ ਕੀਤੀ ਜਾਵੇਗੀ। ਮੰਗਲੌਰ ਪੁਲਿਸ ਨੇ ਇਸਦਾ ਕੜਾ ਨੋਟਿਸ ਲਿਆ ਹੈ | ਮੁਸਲਿਮ ਡਿਫੈਂਸ ਫੋਰਸ (ਐੱਮ.ਡੀ.ਐੱਫ.) ਨੇ ਬੁਰਕਾ ਪਾ ਕੇ ਮਾਲਾਂ 'ਚ ਘੁੰਮਣ ਵਾਲੀਆਂ ਮੁਸਲਿਮ ਲੜਕੀਆਂ ਨੂੰ ਧਮਕੀ ਦਿੱਤੀ ਹੈ ਅਤੇ ਮੰਗਲੌਰ ਪੁਲਸ ਨੇ ਇਸ ਨੈਤਿਕ ਹੱਕ ਦਾ ਘਾਣ ਸਮਝਦਿਆਂ ਇਹਨਾਂ ਅਨਸਰਾਂ ਖਿਲਾਫ ਕਾਰਵਾਈ ਕੀਤੀ ਹੈ। ਸੋਸ਼ਲ ਨੈਟਵਰਕ 'ਤੇ MDF ਵਲੋਂ ਇੱਕ ਖਾਤਾ ਬਣਾਇਆ ਗਿਆ ਹੈ ਅਤੇ ਸੰਦੇਸ਼ਾਂ ਨਾਲ ਧਮਕੀ ਦਿੱਤੀ ਗਈ ਹੈ। “ਮਾਪਿਓ, ਇਸ ਤੋਂ ਸੁਚੇਤ ਰਹੋ, MDF ਸੰਗਠਨਾਂ ਤੋਂ ਸਾਵਧਾਨ ਰਹੋ |
ਸਿਟੀ ਸੈਂਟਰ ਮਾਲ ਬੇਸਮੈਂਟਾਂ ਵਿੱਚ ਅਸੀਂ ਕਈਆਂ ਨੂੰ ਬੁਰਕਾ ਪਹਿਨੇ ਅਤੇ ਦੁਰਵਿਵਹਾਰ ਕਰਦੇ ਦੇਖਿਆ ਹੈ। ਉਨ੍ਹਾਂ ਧਮਕੀ ਦਿੱਤੀ ਕਿ ਸਾਡੇ ਵਰਕਰ ਪਹਿਲਾਂ ਹੀ ਬੱਚਿਆਂ ਨੂੰ ਉਨ੍ਹਾਂ ਦੇ ਮਾਪਿਆਂ ਸਮੇਤ ਚੇਤਾਵਨੀ ਦੇ ਚੁੱਕੇ ਹਨ। ਜੇਕਰ ਇਹ ਦੁਬਾਰਾ ਦੇਖਿਆ ਗਿਆ, ਤਾਂ ਤੁਹਾਨੂੰ ਕੁੱਟਿਆ ਜਾਵੇਗਾ। ਇਸ ਲਈ ਮਾਪੇ ਹੋਣ ਦੇ ਨਾਤੇ, ਆਪਣੇ ਬੱਚਿਆਂ ਦੀਆਂ ਹਰਕਤਾਂ 'ਤੇ ਨਜ਼ਰ ਰੱਖੋ। ਆਪਣੇ ਬੱਚਿਆਂ 'ਤੇ ਨਜ਼ਰ ਰੱਖੋ ਕਿ ਉਹ ਕਿਸ ਸਮੇਂ ਕਾਲਜ ਪਹੁੰਚਦੀ ਹੈ ਅਤੇ ਕਾਲਜ ਤੋਂ ਘਰ ਆਉਂਦੀ ਹੈ।
ਇਹ ਸੰਦੇਸ਼ ਦੱਸਦੇ ਹਨ ਕਿ MDF ਅਜੇ ਵੀ ਅਣਅਧਿਕਾਰਤ ਤੌਰ 'ਤੇ ਕੰਮ ਕਰ ਰਿਹਾ ਹੈ, ਹਾਲਾਂਕਿ ਕੋਈ ਅਧਿਕਾਰਤ ਸੰਸਥਾ ਨਹੀਂ ਹੈ। ਇਸ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਮੰਗਲੌਰ ਸ਼ਹਿਰ ਦੇ ਪੁਲਸ ਕਮਿਸ਼ਨਰ ਸ਼ਸ਼ੀਕੁਮਾਰ ਨੇ ਕਿਹਾ ਕਿ ਕੁਝ ਮੁਸਲਿਮ ਸੰਗਠਨਾਂ ਅਤੇ ਨੇਤਾਵਾਂ ਨੇ ਹਾਲ ਹੀ 'ਚ ਮੈਨੂੰ ਮਿਲਣ ਆਏ ਸਨ ਅਤੇ ਅਪੀਲ ਦਾਇਰ ਕੀਤੀ ਸੀ।
"ਇੱਕ ਵਟਸਐਪ ਗਰੁੱਪ ਆਪਣੇ ਆਪ ਨੂੰ ਮੁਸਲਿਮ ਅਧਿਕਾਰਾਂ ਦਾ ਰਾਖਾ ਹੋਣ ਦਾ ਦਾਅਵਾ ਕਰਦਾ ਹੈ। ਉਹ ਕਹਿ ਰਹੇ ਹਨ ਕਿ ਜਨਤਕ ਥਾਵਾਂ 'ਤੇ ਬੁਰਕਾ ਪਹਿਨਣ ਵਾਲੀਆਂ ਮੁਸਲਿਮ ਔਰਤਾਂ ਨੂੰ ਜਨਤਕ ਥਾਵਾਂ 'ਤੇ ਫੋਟੋਆਂ ਅਤੇ ਸੈਲਫੀ ਲੈਣ ਲਈ ਬੁਰਕਾ ਉਤਾਰਨਾ ਨਹੀਂ ਚਾਹੀਦਾ ਹੈ, ਮੁੰਡਿਆਂ ਨਾਲ ਗੱਲ ਨਹੀਂ ਕਰਨੀ ਚਾਹੀਦੀ, ਨਹੀਂ ਤਾਂ ਉਹਨਾ 'ਤੇ ਹਮਲਾ ਕੀਤਾ ਜਾਵੇਗਾ ।
ਇਹ ਵੀ ਪੜ੍ਹੋ : ਬੀਜੇਪੀ ਆਗੂ ਤਜਿੰਦਰਪਾਲ ਬੱਗਾ ਨੂੰ ਪੰਜਾਬ ਪੁਲਿਸ ਨੇ ਕੀਤਾ ਗ੍ਰਿਫਤਾਰ
