ਨਵੀਂ ਦਿੱਲੀ: ਕਾਂਗਰਸ ਨੇਤਾ ਅਲਕਾ ਲਾਂਬਾ ਨੇ ਦੇਸ਼ ਦੀ ਹਾਲਤ ਨੂੰ ਲੈ ਕੇ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਪੁਲਿਸ ਨਾਲ ਝੜਪ ਮਗਰੋਂ ਉਹ ਜ਼ਖ਼ਮੀ ਹੋ ਗਈ। ਜਿਸ ਤੋਂ ਬਾਅਦ ਉਹ ਮੀਡੀਆ ਨੂੰ ਇਹ ਕਹਿੰਦੇ ਨਜ਼ਰ ਆਈ ਕਿ "ਮੇਰੀਆਂ ਸੱਟਾਂ ਠੀਕ ਹੋ ਜਾਣਗੀਆਂ। ਮੈਨੂੰ ਇਲਾਜ ਦੀ ਲੋੜ ਨਹੀਂ ਹੈ। ਮੈਂ ਉਨ੍ਹਾਂ ਨੂੰ ਸਹਿ ਲਵਾਂਗਾ।" ਉਹ ਕਹਿ ਕੇ ਹੰਝੂ ਪੂੰਝ ਰਹੇ ਸੀ ਕਿ "ਮੈਂ ਆਪਣੇ ਲਈ ਨਹੀਂ ਰੋ ਰਹੀ, ਮੈਂ ਦੇਸ਼ ਲਈ ਰੋ ਰਹੀ ਹਾਂ। ਮੈਂ ਭਾਰਤ ਮਾਤਾ ਦੀ ਇਸ ਦੁਰਦਸ਼ਾ 'ਤੇ ਰੋ ਰਹੀ ਹਾਂ।"
ਉਨ੍ਹਾਂ ਕਿਹਾ "ਦੇਸ਼ ਵਿੱਚ ਲੋਕਤੰਤਰ ਨੂੰ ਸੱਟ ਵੱਜੀ ਹੈ। ਇਹ ਸਰਕਾਰ ਲੋਕਤੰਤਰ ਨੂੰ ਤਬਾਹ ਕਰ ਰਹੀ ਹੈ। ਉਹਨਾਂ ਜ਼ਮੀਨ 'ਤੇ ਬੈਠ ਕੇ ਰੋਂਦੇ ਹੋਏ ਕਿਹਾ "ਸਾਨੂੰ ਇੱਥੇ ਬੈਠ ਕੇ ਸੱਤਿਆਗ੍ਰਹਿ ਕਰਨ ਦਾ ਸੰਵਿਧਾਨਕ ਹੱਕ ਹੈ ਪਰ ਇਹ ਵੀ ਸਾਡੇ ਤੋਂ ਖੋਹਿਆ ਜਾ ਰਹੀ ਹੈ।" ਉਹਨਾਂ ਨੇ ਕਿਹਾ "ਮੈਂ ਰੋ ਨਹੀਂ ਰਹੀ ਹਾਂ, ਮੇਰੇ ਜ਼ਖਮ ਭਰ ਜਾਣਗੇ। ਅੱਜ ਦੇਸ਼ ਦੀ ਕੀ ਹਾਲਤ ਹੈ। ਦੇਸ਼ ਅੱਜ ਰੋ ਰਿਹਾ ਹੈ। ਸਰਹੱਦ 'ਤੇ ਜਵਾਨ ਅਤੇ ਦੇਸ਼ 'ਚ ਕਿਸਾਨ ਰੋ ਰਹੇ ਹਨ। ਦੇਸ਼ ਦੇ ਸੰਵਿਧਾਨ ਨੂੰ ਜੋ ਸੱਟ ਵੱਜੀ ਹੈ। ਉਹ ਕਿਵੇਂ ਠੀਕ ਹੋਵੇਗੀ?"
ਉਹਨਾਂ ਦਾ ਕਹਿਣਾ ਹੈ ਕਿ "ਨੈਸ਼ਨਲ ਹੈਰਾਲਡ ਮਾਮਲੇ ਨੂੰ ਲੈ ਕੇ ਰਾਹੁਲ ਗਾਂਧੀ ਵੱਲੋਂ ਲਗਾਤਾਰ ਕੀਤੇ ਜਾ ਰਹੇ ਸਵਾਲਾਂ ਅਤੇ ਸਰਕਾਰੀ ਮਸ਼ੀਨਰੀ ਦੀ ਦੁਰਵਰਤੋਂ ਵਿਰੁੱਧ ਅਸੀਂ ਸੱਤਿਆਗ੍ਰਹਿ ਕਰ ਰਹੇ ਹਾਂ। ਸਾਨੂੰ ਅਜਿਹਾ ਕਰਨ ਦੀ ਇਜਾਜ਼ਤ ਵੀ ਨਹੀਂ ਦਿੱਤੀ ਜਾ ਰਹੀ ਹੈ। ਅਸੀਂ ਨਿਹੱਥੇ ਵਿਰੋਧ ਕਰ ਰਹੇ ਹਾਂ। ਸਾਨੂੰ ਸੱਤਿਆਗ੍ਰਹਿ ਵੀ ਨਹੀਂ ਕਰਨ ਦਿੱਤਾ ਜਾ ਰਿਹਾ।"
ਇਹ ਵੀ ਪੜ੍ਹੋ : Sidhu Moose wala Murder Case: ਹਰਿਆਣਾ ਦੇ ਇਸ ਜ਼ਿਲ੍ਹੇ 'ਚ ਰੱਖੇ ਗਏ ਸੀ ਹਥਿਆਰ, ਦਿੱਲੀ ਪੁਲਿਸ ਨੇ ਕੀਤੇ ਬਰਾਮਦ
