ਰਾਏਪੁਰ (ਛੱਤੀਸਗੜ੍ਹ): ਰਾਏਪੁਰ ਰੇਲਵੇ ਸਟੇਸ਼ਨ (Raipur railway station) 'ਤੇ ਇੱਕ ਸਟੇਸ਼ਨਰੀ ਟ੍ਰੇਨ ਵਿੱਚ ਧਮਾਕਾ (raipur train blast) ਹੋਇਆ ਹੈ, ਜਿਸ ਵਿੱਚ ਸੀਆਰਪੀਐਫ (CRPF) ਦੇ ਚਾਰ ਜਵਾਨ ਜਖਮੀ (CRPF jawan injured) ਹੋ ਗਏ। ਜਖਮੀ ਹੋਏ ਜਵਾਨਾਂ ਵਿੱਚੋਂ ਇੱਕ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਗੰਭੀਰ ਰੂਪ ਨਾਲ ਜ਼ਖਮੀ ਹੋਏ ਜਵਾਨ ਨੂੰ ਰਾਏਪੁਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।
ਇਹ ਵੀ ਪੜੋ: ਪੁਲਵਾਮਾ 'ਚ ਐਨਕਾਉਂਟਰ: ਫੌਜ ਦੇ ਨਿਸ਼ਾਨੇ 'ਤੇ ਲਸ਼ਕਰ ਦਾ ਕਮਾਂਡਰ
ਸੀਆਰਪੀਐਫ (CRPF) ਦੀ 211 ਬਟਾਲੀਅਨ ਦੇ ਜਵਾਨ ਵਿਸ਼ੇਸ਼ ਰੇਲ ਗੱਡੀ ਰਾਹੀਂ ਜੰਮੂ ਜਾ ਰਹੇ ਸਨ। ਰਾਏਪੁਰ ਵਿਖੇ ਟ੍ਰੇਨ ਦੇ ਰੁਕਣ ਤੋਂ ਬਾਅਦ, ਗ੍ਰਨੇਡ ਨੂੰ ਕਾਰਤੂਸ ਦੇ ਡੱਬੇ ਵਿੱਚ ਰੱਖਿਆ ਜਾ ਰਿਹਾ ਸੀ। ਇਸੇ ਦੌਰਾਨ ਧਮਾਕਾ ਹੋ ਗਿਆ। ਜਿਸ ਵਿੱਚ 4 ਫੌਜੀ ਜ਼ਖਮੀ ਹੋ ਗਏ। ਹੌਲਦਾਰ ਵਿਕਾਸ ਚੌਹਾਨ ਨੂੰ ਗੰਭੀਰ ਸੱਟਾਂ ਲੱਗਣ ਕਾਰਨ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਸੀਆਰਪੀਐਫ (CRPF) ਦੇ ਉੱਚ ਅਧਿਕਾਰੀ ਨਿੱਜੀ ਹਸਪਤਾਲ ਪਹੁੰਚ ਗਏ ਹਨ।
ਜ਼ਖਮੀ ਫੌਜੀਆਂ ਦੇ ਨਾਂ ਚਵਾਨ ਵਿਕਾਸ ਲਕਸ਼ਮਣ, ਰਮੇਸ਼ ਲਾਲ, ਰਵਿੰਦਰ ਕਾਰ, ਸੁਸ਼ੀਲ, ਦਿਨੇਸ਼ ਕੁਮਾਰ ਪਾਇਕਰਾ ਹਨ। ਜੀਆਰਪੀ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਰਾਏਪੁਰ ਪੁਲਿਸ ਨੇ ਦੱਸਿਆ ਕਿ ਸਵੇਰੇ ਸੀਆਰਪੀਐਫ ਦੀ ਵਿਸ਼ੇਸ਼ ਰੇਲ ਗੱਡੀ ਝਾਰਸੁਗੁੜਾ ਤੋਂ ਜੰਮੂ ਤਵੀ ਜਾ ਰਹੀ ਸੀ। ਸਾਮਾਨ ਦੀ ਲੋਡਿੰਗ ਦੇ ਦੌਰਾਨ ਇਗਨੀਟਰ ਸੈਟ ਦਾ ਇੱਕ ਡੱਬਾ ਜੋ ਕਿ ਲਾਂਚਿੰਗ ਟਿਬ ਵਿੱਚ ਵਰਤਿਆ ਜਾਂਦਾ ਹੈ, ਰੇਲਗੱਡੀ ਦੇ ਬੋਗੀ ਨੰਬਰ 9 ਦੇ ਕੋਲ ਹੱਥ ਤੋਂ ਡਿੱਗ ਗਿਆ ਅਤੇ ਹੇਠਾਂ ਡਿੱਗ ਗਿਆ। ਜਿਸ ਕਾਰਨ ਧਮਾਕਾ ਹੋਇਆ ਅਤੇ 4 ਜਵਾਨ ਜ਼ਖਮੀ ਹੋ ਗਏ। 3 ਜ਼ਖਮੀ ਜਵਾਨਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਿਨ੍ਹਾਂ ਨੂੰ ਟਰੇਨ ਦੇ ਨਾਲ ਭੇਜਿਆ ਗਿਆ। 1 ਜਵਾਨ ਨੂੰ ਰਾਏਪੁਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।
ਇਹ ਵੀ ਪੜੋ: ਕਾਂਗਰਸ ਵਰਕਿੰਗ ਕਮੇਟੀ ਦੀ ਮੀਟਿੰਗ, ਇਹਨਾਂ ਮੁੱਦਿਆਂ ’ਤੇ ਚਰਚਾ
ਜ਼ਖਮੀ ਜਵਾਨ ਖਤਰੇ ਤੋਂ ਬਾਹਰ
ਇੱਕ ਪ੍ਰਾਈਵੇਟ ਹਸਪਤਾਲ ਦੇ ਪਲਾਸਟਿਕ ਸਰਜਨ ਡਾਕਟਰ ਨੀਰਜ ਪਾਂਡੇ ਨੇ ਦੱਸਿਆ ਕਿ ਧਮਾਕੇ ਤੋਂ ਬਾਅਦ ਜਵਾਨ ਦੇ ਹੱਥਾਂ, ਲੱਤਾਂ ਅਤੇ ਸਿਰ ਵਿੱਚ ਸੱਟਾਂ ਲੱਗੀਆਂ ਹਨ। ਸਿਰ ਦੀ ਸੱਟ ਗੰਭੀਰ ਹੈ। ਫਰੰਟਲ ਸਾਈਨਸ ਟੁੱਟ ਗਿਆ ਹੈ। ਜਿਸਦਾ ਪ੍ਰਭਾਵ ਦਿਮਾਗ ਵਿੱਚ ਦਿਖਾਈ ਦਿੰਦਾ ਹੈ। ਹਾਲਾਂਕਿ ਜਵਾਨ ਦੀ ਹਾਲਤ ਖਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ।
