ਨਵੀਂ ਦਿੱਲੀ: ਪੁਲਿਸ ਨੇ ਦਵਾਰਕਾ ਦੇ ਪਾਰਕ ਦੇ ਅੰਦਰ ਵਿਦਿਆਰਥਣ ਨਾਲ ਬਲਾਤਕਾਰ ਕਰਨ ਵਾਲੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਮੁਲਜ਼ਮ ਸਾਬਕਾ ਸੂਬੇਦਾਰ ਹੈ ਅਤੇ ਉਸ ਨੇ ਪੁਲਿਸ ਮੁਲਾਜ਼ਮ ਦੱਸ ਕੇ ਵਿਦਿਆਰਥਣ ਨਾਲ ਬਲਾਤਕਾਰ ਕੀਤਾ ਸੀ। ਘਟਨਾ ਸਮੇਂ ਲੜਕੀ ਪਾਰਕ 'ਚ ਆਪਣੇ ਦੋਸਤ ਨਾਲ ਬੈਠੀ ਸੀ। ਮੁਲਜ਼ਮ ਨੇ ਉਸਦੇ ਦੋਸਤ ਦੀ ਕੁੱਟਮਾਰ ਕਰਕੇ 5000 ਰੁਪਏ ਲੁੱਟ ਲਏ ਸਨ। ਇਸ ਮਾਮਲੇ ਵਿੱਚ ਇੱਕ ਹਫ਼ਤੇ ਤੋਂ ਵੱਧ ਜਾਂਚ ਤੋਂ ਬਾਅਦ ਇਹ ਗ੍ਰਿਫ਼ਤਾਰੀ ਕੀਤੀ ਗਈ ਹੈ।
ਜਾਣਕਾਰੀ ਮੁਤਾਬਕ ਇਹ ਘਟਨਾ 28 ਜਨਵਰੀ ਨੂੰ ਦਵਾਰਕਾ ਇਲਾਕੇ 'ਚ ਵਾਪਰੀ ਸੀ। ਲੜਕੀ ਦਵਾਰਕਾ ਸੈਕਟਰ 23 ਦੇ ਇੱਕ ਪਾਰਕ ਵਿੱਚ ਇੱਕ ਦੋਸਤ ਨਾਲ ਬੈਠੀ ਸੀ। ਉਸੇ ਸਮੇਂ ਖਾਕੀ ਵਰਦੀ ਪਾਈ ਇਕ ਵਿਅਕਤੀ ਉਥੇ ਆਇਆ। ਉਸ ਨੇ ਆਪਣੇ ਆਪ ਨੂੰ ਦਵਾਰਕਾ ਸੈਕਟਰ-23 ਥਾਣੇ ਦਾ ਪੁਲੀਸ ਮੁਲਾਜ਼ਮ ਦੱਸਿਆ। ਉਸ ਨੇ ਦੋਵਾਂ ਨੂੰ ਇੱਥੇ ਬੈਠਣ ਦਾ ਕਾਰਨ ਪੁੱਛ ਕੇ ਧਮਕੀ ਦਿੱਤੀ। ਥਾਣੇ ਲੈ ਜਾਣ ਦੀ ਧਮਕੀ ਦਿੱਤੀ ਅਤੇ ਪੈਸੇ ਦੀ ਮੰਗ ਕੀਤੀ।
ਵਿਰੋਧ ਕਰਨ 'ਤੇ ਉਸ ਨੇ ਲੜਕੀ ਦੇ ਦੋਸਤ ਦੀ ਕੁੱਟਮਾਰ ਕੀਤੀ ਅਤੇ ਉਸ ਨੂੰ ਪੈਸੇ ਲੈਣ ਲਈ ਭੇਜ ਦਿੱਤਾ। ਇਸ ਤੋਂ ਬਾਅਦ ਲੜਕੀ ਨੂੰ ਧਮਕੀ ਦਿੱਤੀ ਗਈ ਕਿ ਜੇਕਰ ਉਸ ਨੂੰ ਥਾਣੇ ਲਿਜਾਇਆ ਗਿਆ ਤਾਂ ਸਾਰੇ ਪੁਲੀਸ ਵਾਲੇ ਉਸ ਨਾਲ ਬਲਾਤਕਾਰ ਕਰਨਗੇ। ਉਸ 'ਤੇ ਦਬਾਅ ਪਾ ਕੇ ਮੁਲਜ਼ਮ ਨੇ ਉਸ ਨਾਲ ਬਲਾਤਕਾਰ ਕੀਤਾ। ਮੁਲਜ਼ਮ ਨੇ ਉਨ੍ਹਾਂ ਕੋਲੋਂ 5 ਹਜ਼ਾਰ ਰੁਪਏ ਵੀ ਲੁੱਟ ਲਏ ਸਨ।
ਪੀੜਤਾ ਨੇ 29 ਜਨਵਰੀ ਨੂੰ ਇਸ ਘਟਨਾ ਬਾਰੇ ਆਪਣੀ ਮਾਂ ਨੂੰ ਦੱਸਿਆ। ਇਸ ਤੋਂ ਬਾਅਦ ਉਸ ਦੇ ਪਿਤਾ ਨੂੰ ਪੂਰੇ ਮਾਮਲੇ ਦੀ ਜਾਣਕਾਰੀ ਦਿੱਤੀ ਗਈ। ਪੁਲਿਸ ਨੇ ਫਰਵਰੀ ਦੇ ਪਹਿਲੇ ਹਫ਼ਤੇ ਇਸ ਘਟਨਾ ਸਬੰਧੀ ਐਫਆਈਆਰ ਦਰਜ ਕੀਤੀ ਸੀ। ਇਸ ਮਾਮਲੇ ਵਿੱਚ ਕਈ ਟੀਮਾਂ ਨੇ ਜਾਂਚ ਕੀਤੀ ਅਤੇ ਆਖਿਰਕਾਰ ਮੁਲਜ਼ਮ ਫੜਿਆ ਗਿਆ। ਮੁਲਜ਼ਮ ਸੇਵਾਮੁਕਤ ਸੂਬੇਦਾਰ ਹੈ। ਫਿਲਹਾਲ ਪੁਲੀਸ ਉਸ ਤੋਂ ਪੁੱਛਗਿੱਛ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : ਚਾਰਕੋਣੇ ਮੁਕਾਬਲੇ ਵਿੱਚ ਕਿਵੇਂ ਬਣੇਗੀ ਪੰਜਾਬ ਵਿੱਚ ਸਰਕਾਰ?
