ਕਲਬੁਰਗੀ: ਜੇ ਤੁਸੀਂ ਆਪਣੀ ਜ਼ਿੰਦਗੀ ਵਿੱਚ ਕੁਝ ਕਰਨਾ ਚਾਹੁੰਦੇ ਹੋ, ਕਦੇ ਵੀ ਕਿਸੇ ਵੀ ਮੁਸ਼ਕਲ ਤੋਂ ਨਾ ਘਬਰਾਓ, ਕਰਨਾਟਕ ਦੀ ਇੱਕ ਔਰਤ ਨੇ ਇਸ ਨੂੰ ਸੱਚ ਸਾਬਤ ਕੀਤਾ ਹੈ। ਇੱਕ ਗਾਇਨੀਕੋਲੋਜਿਸਟ ਦੀ ਸਲਾਹ ਨੂੰ ਨਜ਼ਰ ਅੰਦਾਜ਼ ਕਰਦਿਆਂ, ਗਰਭਵਤੀ ਔਰਤ ਨੇ ਪੁਲਿਸ ਸਬ-ਇੰਸਪੈਕਟਰ ਦੀ ਭਰਤੀ ਵਿੱਚ ਹਿੱਸਿਆ ਲਿਆ। ਇਸ ਮੌਕੇ 24 ਸਾਲਾ ਅਸ਼ਵਿਨੀ ਸੰਤੋਸ਼ ਕੋਰੇ ਨੇ ਇਸ ਪੁਲਿਸ ਭਰਤੀ ਲਈ ਖੇਡ ਦੇ ਮੈਦਾਨ ਵਿੱਚ ਸਾਰੇ ਟੈਸਟ ਪਾਸ ਕੀਤੇ।
ਇੱਕ ਮੀਡੀਆ ਰਿਪੋਰਟ ਦੇ ਅਨੁਸਾਰ ਬਿਦਰ ਦੇ ਇੱਕ ਇੰਜੀਨੀਅਰ ਅਸ਼ਵਨੀ ਨੇ 2 ਵਾਰ ਸਰੀਰਕ ਪ੍ਰੀਖਿਆ ਪਾਸ ਕੀਤੀ ਸੀ, ਪਰ ਉਹ ਲਿਖਤੀ ਪ੍ਰੀਖਿਆ ਵਿੱਚ ਪਾਸ ਨਹੀਂ ਹੋ ਸਕੇ ਸਨ। ਇਸ ਵਾਰ ਉਹ ਦੁਵਿਧਾ ਵਿੱਚ ਸੀ।
ਕਿਉਂਕਿ ਉਹ ਗਰਭਵਤੀ ਸੀ, ਕਿ ਸਰੀਰਕ ਜਾਂਚ ਵਿੱਚ ਸ਼ਾਮਲ ਹੋਣਾ ਹੈ ਜਾਂ ਨਹੀਂ। ਉਨ੍ਹਾਂ ਨੇ ਕਿਹਾ ਕਿ ਉਸਦੇ ਗਾਇਨੀਕੋਲੋਜਿਸਟ ਨੇ ਸਲਾਹ ਦਿੱਤੀ ਸੀ, ਕਿ ਅਜਿਹਾ ਕਰਨਾ ਉਸ ਦੇ ਅਤੇ ਅਣਜੰਮੇ ਬੱਚੇ ਲਈ ਖਤਰਨਾਕ ਹੋ ਸਕਦਾ ਹੈ।
400 ਮੀਟਰ ਦੌੜ ਵੀ ਪੂਰੀ ਕੀਤੀ
ਕਿਹਾ ਜਾਂਦਾ ਹੈ, ਕਿ ਅਸ਼ਵਨੀ ਸੰਤੋਸ਼ ਕੋਰੇ ਬੱਚੇ ਨੂੰ ਲੈ ਕੇ ਚਿੰਤ ਵਿੱਚ ਸੀ। ਇਸ ਲਈ ਉਸ ਨੇ ਅਧਿਕਾਰੀਆਂ ਨੂੰ ਬੇਨਤੀ ਕੀਤੀ, ਕਿ ਉਹ ਉਸ ਦੀ ਗਰਭ ਅਵਸਥਾ ਦਾ ਹਵਾਲਾ ਦਿੰਦੇ ਹੋਏ ਉਸ ਨੂੰ 400 ਮੀਟਰ ਦੌੜ ਤੋਂ ਛੋਟ ਦਿੱਤੀ ਜਾਵੇ। ਪਰ ਅਧਿਕਾਰੀਆਂ ਨੇ ਨਿਯਮਾਂ ਦਾ ਹਵਾਲਾ ਦਿੰਦੇ ਹੋਏ ਇਸ ਤੋਂ ਇਨਕਾਰ ਕਰ ਦਿੱਤਾ
ਅਸ਼ਵਨੀ ਨੇ ਹਾਰ ਨਹੀਂ ਮੰਨੀ, ਉਸ ਨੇ 400 ਮੀਟਰ ਦੌੜ ਵਿੱਚ ਵੀ ਸ਼ਾਮਲ ਹੋਣ ਦਾ ਫੈਸਲਾ ਕੀਤਾ। ਉਸ ਨੇ ਇਸ ਨੂੰ 1.36 ਮਿੰਟਾਂ ਵਿੱਚ ਪੂਰਾ ਕੀਤਾ। ਇੰਨਾ ਹੀ ਨਹੀਂ, ਉਸ ਨੇ ਲੰਬੀ ਛਾਲ, ਸ਼ਾਟ ਪੁਟ ਵਰਗੇ ਸਾਰੇ ਟੈਸਟ ਪਾਸ ਕੀਤੇ ਹਨ।
ਹਾਲਾਂਕਿ ਇਸ ਸੰਬੰਧ ਵਿੱਚ ਉੱਤਰ-ਪੂਰਬੀ ਰੇਂਜ ਦੇ ਆਈ.ਜੀ.ਪੀ. ਮਨੀਸ਼ ਖਰਬੀਕਰ ਦਾ ਕਹਿਣਾ ਹੈ, ਕਿ ਉਸ ਨੂੰ ਅਤੇ ਚੋਣ ਕਮੇਟੀ ਦੇ ਮੈਂਬਰਾਂ ਨੂੰ ਉਸ ਦੀ ਗਰਭ ਅਵਸਥਾ ਬਾਰੇ ਪਤਾ ਨਹੀਂ ਸੀ।
ਇਹ ਵੀ ਪੜ੍ਹੋ:Boyfriend ਨੂੰ ਦੂਜੇ ਦੇ ਨਾਲ ਦੇਖ ਭੜਕੀ GirlFriend , ਫਿਰ ਕੀਤਾ ਇਹ ਕੰਮ...
