ਚੇਨਈ/ਨਵੀਂ ਦਿੱਲੀ: ਦੇਸ਼ ਵਿੱਚ ਪਹਿਲੀ ਵਾਰ ਇੱਕ ਨਿੱਜੀ ਪੁਲਾੜ ਕੰਪਨੀ ਵੱਲੋਂ ਬਣਾਏ ਰਾਕੇਟ ਵਿਕਰਮ-ਐਸ ਨੂੰ ਸਫਲਤਾਪੂਰਵਕ ਲਾਂਚ ਕੀਤਾ ਗਿਆ। ਇਹ ਭਾਰਤੀ ਪੁਲਾੜ ਪ੍ਰੋਗਰਾਮ ਨੂੰ ਇੱਕ ਵੱਖਰੀ ਉਚਾਈ 'ਤੇ ਲੈ ਗਿਆ ਹੈ। ਸ੍ਰੀਹਰੀਕੋਟਾ ਸਥਿਤ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਅੱਜ ਪੁਲਾੜ ਦੀ ਦੁਨੀਆ ਵਿੱਚ ਨਵਾਂ ਇਤਿਹਾਸ ਲਿਖਿਆ ਗਿਆ। ਹੈਦਰਾਬਾਦ ਦੀ ਪ੍ਰਾਈਵੇਟ ਸਪੇਸ ਕੰਪਨੀ ਸਕਾਈਰੂਟ ਏਰੋਸਪੇਸ ਦੇ ਰਾਕੇਟ ਵਿਕਰਮ-ਐਸ ਨੇ ਉਡਾਣ ਭਰੀ। ਰਾਕੇਟ ਆਵਾਜ਼ ਦੀ ਸਪੀਡ ਤੋਂ ਪੰਜ ਗੁਣਾ ਜ਼ਿਆਦਾ ਤੇਜ਼ੀ ਨਾਲ ਪੁਲਾੜ ਵੱਲ ਗਿਆ।
ਦੱਸ ਦਈਏ ਕਿ ਕੇਂਦਰ ਸਰਕਾਰ ਵੱਲੋਂ 2020 ਵਿੱਚ ਪੁਲਾੜ ਉਦਯੋਗ ਨੂੰ ਨਿੱਜੀ ਖੇਤਰ ਲਈ ਖੋਲ੍ਹਣ ਤੋਂ ਬਾਅਦ ਸਕਾਈਰੂਟ ਏਰੋਸਪੇਸ ਭਾਰਤ ਦੀ ਪਹਿਲੀ ਨਿੱਜੀ ਖੇਤਰ ਦੀ ਕੰਪਨੀ ਬਣ ਗਈ ਹੈ ਜਿਸ ਨੇ ਭਾਰਤੀ ਪੁਲਾੜ ਪ੍ਰੋਗਰਾਮ ਵਿੱਚ ਕਦਮ ਰੱਖਿਆ ਹੈ। ਪਹਿਲਾਂ ਇਸ ਰਾਕੇਟ ਨੂੰ 15 ਨਵੰਬਰ ਨੂੰ ਲਾਂਚ ਕਰਨ ਦੀ ਯੋਜਨਾ ਸੀ। ਵਿਕਰਮ ਐਸ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ ਲਾਂਚ ਹੋਣ ਤੋਂ ਬਾਅਦ 81 ਕਿਲੋਮੀਟਰ ਦੀ ਉਚਾਈ 'ਤੇ ਪਹੁੰਚ ਜਾਵੇਗਾ। ਰਾਕੇਟ ਦਾ ਨਾਂ ਭਾਰਤੀ ਪੁਲਾੜ ਪ੍ਰੋਗਰਾਮ ਦੇ ਪਿਤਾਮਾ ਅਤੇ ਮਰਹੂਮ ਵਿਗਿਆਨੀ ਵਿਕਰਮ ਸਾਰਾਭਾਈ ਦੇ ਨਾਂ 'ਤੇ ਰੱਖਿਆ ਗਿਆ ਹੈ।
ਕੇਂਦਰ ਸਰਕਾਰ ਵੱਲੋਂ 2020 ਵਿੱਚ ਪੁਲਾੜ ਉਦਯੋਗ ਨੂੰ ਨਿੱਜੀ ਖੇਤਰ ਲਈ ਖੋਲ੍ਹਣ ਤੋਂ ਬਾਅਦ ਸਕਾਈਰੂਟ ਏਰੋਸਪੇਸ ਭਾਰਤੀ ਪੁਲਾੜ ਪ੍ਰੋਗਰਾਮ ਵਿੱਚ ਕਦਮ ਰੱਖਣ ਵਾਲੀ ਭਾਰਤ ਦੀ ਪਹਿਲੀ ਨਿੱਜੀ ਖੇਤਰ ਦੀ ਕੰਪਨੀ ਬਣ ਗਈ ਹੈ। ਸ਼ੁੱਕਰਵਾਰ ਨੂੰ ਸਵੇਰੇ 11:30 ਵਜੇ ਪਹਿਲੇ ਨਿੱਜੀ ਰਾਕੇਟ ਵਿਕਰਮ-ਐੱਸ ਨੂੰ ਲਾਂਚ ਕਰਨ ਦਾ ਸਮਾਂ ਤੈਅ ਕੀਤਾ ਗਿਆ ਹੈ। ਪਹਿਲਾਂ ਇਸ ਨੂੰ 15 ਨਵੰਬਰ ਨੂੰ ਲਾਂਚ ਕਰਨ ਦੀ ਯੋਜਨਾ ਸੀ। ਵਿਕਰਮ-ਐਸ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ ਲਾਂਚ ਹੋਣ ਤੋਂ ਬਾਅਦ 81 ਕਿਲੋਮੀਟਰ ਦੀ ਉਚਾਈ 'ਤੇ ਪਹੁੰਚ ਜਾਵੇਗਾ। ਰਾਕੇਟ ਦਾ ਨਾਂ ਭਾਰਤੀ ਪੁਲਾੜ ਪ੍ਰੋਗਰਾਮ ਦੇ ਪਿਤਾਮਾ ਅਤੇ ਮਰਹੂਮ ਵਿਗਿਆਨੀ ਵਿਕਰਮ ਸਾਰਾਭਾਈ ਦੇ ਨਾਂ 'ਤੇ ਰੱਖਿਆ ਗਿਆ ਹੈ।
'ਪ੍ਰਾਰੰਭ' ਨਾਂ ਦਾ ਮਿਸ਼ਨ ਦੋ ਘਰੇਲੂ ਅਤੇ ਇੱਕ ਵਿਦੇਸ਼ੀ ਗਾਹਕ ਦੇ ਤਿੰਨ ਪੇਲੋਡ ਨੂੰ ਲੈ ਕੇ ਜਾਵੇਗਾ। ਵਿਕਰਮ-ਐਸ ਸਬ-ਔਰਬਿਟਲ ਫਲਾਈਟ ਚੇਨਈ ਤੋਂ ਸਟਾਰਟਅੱਪ ਸਪੇਸ ਕਿਡਜ਼, ਆਂਧਰਾ ਪ੍ਰਦੇਸ਼ ਤੋਂ ਸਟਾਰਟਅੱਪ ਐਨ-ਸਪੇਸ ਟੈਕ ਅਤੇ ਅਰਮੀਨੀਆਈ ਸਟਾਰਟਅੱਪ ਬਾਜ਼ਮਕਿਊ ਸਪੇਸ ਰਿਸਰਚ ਲੈਬ ਤੋਂ ਤਿੰਨ ਪੇਲੋਡ ਲੈ ਕੇ ਜਾਵੇਗੀ। ਸਕਾਈਰੂਟ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਛੇ ਮੀਟਰ ਉੱਚਾ ਰਾਕੇਟ ਦੁਨੀਆ ਦਾ ਪਹਿਲਾ ਰਾਕੇਟ ਹੈ ਜਿਸ ਵਿੱਚ ਰੋਟੇਸ਼ਨਲ ਸਥਿਰਤਾ ਲਈ 3-ਡੀ ਪ੍ਰਿੰਟਿਡ ਠੋਸ ਪ੍ਰੋਪੇਲੈਂਟ ਹਨ। ਭਾਰਤੀ ਪੁਲਾੜ ਰੈਗੂਲੇਟਰ ਇਨ-ਸਪੇਸ ਨੇ ਬੁੱਧਵਾਰ ਨੂੰ ਸਕਾਈਰੂਟ ਦੇ ਵਿਕਰਮ-ਐਸ ਸਬ-ਔਰਬਿਟਲ ਵਾਹਨ ਨੂੰ ਲਾਂਚ ਕਰਨ ਲਈ ਅਧਿਕਾਰਤ ਕੀਤਾ ਸੀ।
ਇੰਡੀਅਨ ਨੈਸ਼ਨਲ ਸਪੇਸ ਪ੍ਰਮੋਸ਼ਨ ਐਂਡ ਅਥਾਰਾਈਜ਼ੇਸ਼ਨ ਸੈਂਟਰ (IN-SPACE) ਦੇ ਚੇਅਰਮੈਨ ਪਵਨ ਗੋਇਨਕਾ ਨੇ ਕਿਹਾ ਕਿ ਇਹ ਭਾਰਤ ਵਿੱਚ ਨਿੱਜੀ ਖੇਤਰ ਲਈ ਇੱਕ ਵੱਡੀ ਛਾਲ ਹੈ। ਸਕਾਈਰੂਟ ਨੂੰ ਰਾਕੇਟ ਲਾਂਚ ਕਰਨ ਲਈ ਅਧਿਕਾਰਤ ਪਹਿਲੀ ਭਾਰਤੀ ਕੰਪਨੀ ਬਣਨ ਲਈ ਵਧਾਈ। ਕੇਂਦਰੀ ਪ੍ਰਸੋਨਲ ਰਾਜ ਮੰਤਰੀ ਜਤਿੰਦਰ ਸਿੰਘ ਨੇ ਕਿਹਾ ਕਿ ਭਾਰਤ ਇਸਰੋ ਦੇ ਦਿਸ਼ਾ-ਨਿਰਦੇਸ਼ਾਂ ਤਹਿਤ ਸ੍ਰੀਹਰੀਕੋਟਾ ਤੋਂ 'ਸਕਾਈਰੂਟ ਐਰੋਸਪੇਸ' ਦੁਆਰਾ ਵਿਕਸਤ ਕੀਤੇ ਪਹਿਲੇ ਨਿੱਜੀ ਰਾਕੇਟ ਨੂੰ ਲਾਂਚ ਕਰਕੇ ਇਤਿਹਾਸ ਰਚਣ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਪੁਲਾੜ ਖੇਤਰ ਦੇ ਸੁਧਾਰਾਂ ਨੇ ਸਟਾਰਟ-ਅੱਪਸ ਲਈ ਨਵੀਨਤਾਕਾਰੀ ਸੰਭਾਵਨਾਵਾਂ ਖੋਲ੍ਹ ਦਿੱਤੀਆਂ ਹਨ ਅਤੇ ਥੋੜ੍ਹੇ ਸਮੇਂ ਵਿੱਚ ਹੀ ਲਗਭਗ 102 ਸਟਾਰਟ-ਅੱਪ ਪੁਲਾੜ ਮਲਬਾ ਪ੍ਰਬੰਧਨ, ਨੈਨੋ-ਸੈਟੇਲਾਈਟ, ਲਾਂਚ ਵਾਹਨ ਅਤੇ ਖੋਜ ਆਦਿ ਦੇ ਖੇਤਰਾਂ ਵਿੱਚ ਕੰਮ ਕਰ ਰਹੇ ਹਨ। ਮੰਤਰੀ ਦੇ ਬਿਆਨ ਦੇ ਜਵਾਬ ਵਿੱਚ ਸਕਾਈਰੂਟ ਏਰੋਸਪੇਸ ਨੇ ਸੋਸ਼ਲ ਮੀਡੀਆ 'ਤੇ ਕਿਹਾ, "ਸਾਨੂੰ ਆਪਣੇ ਮਿਸ਼ਨ 'ਤੇ ਮਾਣ ਹੈ ਜੋ ਭਾਰਤੀ ਨਿੱਜੀ ਖੇਤਰ ਲਈ ਇਤਿਹਾਸ ਰਚਣ ਜਾ ਰਿਹਾ ਹੈ ਅਤੇ ਸਾਡੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੁਪਨੇ ਨੂੰ ਪੂਰਾ ਕਰਨ ਜਾ ਰਿਹਾ ਹੈ।"
ਇਸਰੋ ਦੇ ਚੇਅਰਮੈਨ ਐਸ ਸੋਮਨਾਥ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਬੈਂਗਲੁਰੂ ਵਿੱਚ 'ਪ੍ਰਾਰੰਭ' ਦਾ ਉਦਘਾਟਨ ਕੀਤਾ ਸੀ। ਸਕਾਈਰੂਟ ਏਰੋਸਪੇਸ ਦੇ ਸਹਿ-ਸੰਸਥਾਪਕ ਪਵਨ ਕੇ. ਚੰਦਨਾ ਨੇ ਕਿਹਾ, ਸਾਡੀ ਟੀਮ ਦੁਆਰਾ ਮਹੀਨਿਆਂ ਦੀ ਨੀਂਦ ਤੋਂ ਰਹਿਤ ਰਾਤਾਂ ਅਤੇ ਸਾਵਧਾਨੀਪੂਰਵਕ ਤਿਆਰੀਆਂ ਤੋਂ ਬਾਅਦ, ਅਸੀਂ ਆਪਣੇ ਪਹਿਲੇ ਲਾਂਚ ਮਿਸ਼ਨ 'ਪ੍ਰਾਰੰਭ' ਦੀ ਘੋਸ਼ਣਾ ਕਰਨ ਲਈ ਬਹੁਤ ਉਤਸ਼ਾਹਿਤ ਹਾਂ।
ਇਹ ਵੀ ਪੜੋ: ਰਾਜੀਵ ਗਾਂਧੀ ਕਤਲਕਾਂਡ: ਸਰਕਾਰ ਨੇ ਦੋਸ਼ੀਆਂ ਦੀ ਰਿਹਾਈ ਦੇ ਹੁਕਮਾਂ ਦੀ ਸਮੀਖਿਆ ਲਈ ਪਟੀਸ਼ਨ ਦਾਇਰ ਕੀਤੀ
