ਕੌਣ ਸਨ ਗੋਡਸੇ
ਨਾਥੂ ਰਾਮ ਗੌਡਸੇ ਦਾ ਜਨਮ ਇਕ ਬ੍ਰਾਹਮਣ ਪਰਵਾਰ ਵਿੱਚ ਹੋਇਆ ਸੀ। ਹਾਈ ਸਕੂਲ ਤੋਂ ਬਾਅਦ ਗੋਡਸੇ ਨੇ ਪੜ੍ਹਾਈ ਛੱਡ ਕੇ ਆਜ਼ਾਦੀ ਲਈ ਅੰਦੋਲਨ ਸ਼ੁਰੂ ਕੀਤਾ ਤੇ ਹਿੰਦੂ ਰਾਸ਼ਟਰੀ ਦਲ ਦੇ ਨਾਂਅ ਦਾ ਇੱਕ ਸੰਗਠਨ ਸ਼ੁਰੂ ਕੀਤਾ ਜਿਸ ਦਾ ਮਕਸਦ ਆਜ਼ਾਦੀ ਲਈ ਲੜਨਾ ਸੀ।
ਕਿਉਂ ਗੋਡਸੇ ਨੇ ਗਾਂਧੀ ਜੀ ਦਾ ਕੀਤਾ ਕਤਲ
ਗੋਡਸੇ ਨੇ ਗਾਂਧੀ ਜੀ ਦਾ ਕਤਲ ਕਿਉਂ ਕੀਤਾ, ਇਸ 'ਤੇ ਕਈ ਕਿਆਸ ਲਾਏ ਗਏ ਪਰ ਅਸਲ ਵਜ੍ਹਾ ਕੀ ਸੀ ਇਸ ਦੀ ਜਾਣਕਾਰੀ ਨਹੀਂ ਮਿਲ ਸਕੀ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਗੋਡਸੇ ਨੂੰ ਲੱਗਣ ਲੱਗਿਆ ਸੀ ਕਿ ਵੰਡ ਦੇ ਅਸਲੀ ਜ਼ਿੰਮੇਵਾਰ ਮਹਾਤਮਾ ਗਾਂਧੀ ਹਨ ਤੇ ਉਨ੍ਹਾਂ ਨੇ ਆਪਣੀ ਚੰਗਾ ਅਕਸ ਬਣਾਏ ਰੱਖਣ ਦੇਸ਼ ਦੀ ਵੰਡ ਕਰਵਾ ਦਿੱਤੀ।
ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜਦੋਂ ਗਾਂਧੀ ਜੀ ਪਾਕਿਸਤਾਨ ਗਏ ਸਨ, ਉਹ ਵੀ ਗੋਡਸੇ ਨੂੰ ਚੰਗਾ ਨਹੀਂ ਲੱਗਿਆ ਸੀ। ਗੋਡਸੇ ਨੂੰ ਇਹ ਵੀ ਲੱਗਿਆ ਸੀ ਕਿ ਕਸ਼ਮੀਰ ਮੁੱਦੇ ਤੋਂ ਬਾਅਦ ਹੀ ਜਿੰਨਾ ਨੇ ਗਾਂਧੀ ਜੀ ਨੂੰ ਪਾਕਿਸਤਾਨ ਦੌਰੇ ਦੀ ਸਹਿਮਤੀ ਦਿੱਤੀ ਸੀ। ਗੋਡਸੇ ਦਾ ਮੰਨਣਾ ਸੀ ਕਿ ਗਾਂਧੀ ਜੀ ਮੁਸਲਮਾਨਾਂ ਲਈ ਜ਼ਿਆਦਾ ਝੁਕਾਅ ਰੱਖਦੇ ਹਨ ਤੇ ਉਨ੍ਹਾਂ ਨੂੰ ਹਿੰਦੂਆਂ ਦੀ ਪਰਵਾਹ ਨਹੀਂ ਸੀ। ਇੰਨਾਂ ਹੀ ਨਹੀਂ ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਗੋਡਸੇ ਨੇ ਕਿਹਾ ਸੀ ਕਿ ਮਹਾਤਮਾ ਗਾਂਧੀ ਇੱਕ ਸਾਧੂ ਹੋ ਸਕਦੇ ਹਨ ਪਰ ਇੱਕ ਸਿਆਸੀ ਆਗੂ ਨਹੀਂ ਹੋ ਸਕਦੇ।
ਮਹਾਤਮਾ ਗਾਂਧੀ ਦੇ ਕਤਲ ਤੋਂ ਬਾਅਦ ਗੋਡਸੇ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਤੇ ਬਾਅਦ ਵਿੱਚ ਉਸ 'ਤੇ ਮੁਕਦਮਾ ਦਰਜ ਕੀਤਾ ਗਿਆ। ਇਸ ਦੇ ਨਾਲ ਹੀ ਪੰਜਾਬ ਹਾਈ ਕੋਰਟ ਵਿੱਚ 8 ਨਵੰਬਰ 1949 ਨੂੰ ਉਸ ਦਾ ਟ੍ਰਾਇਲ ਹੋਇਆ ਤੇ 15 ਨਵੰਬਰ ਨੂੰ ਅੰਬਾਲਾ ਜੇਲ੍ਹ ਵਿੱਚ ਫ਼ਾਂਸੀ ਦੀ ਸਜ਼ਾ ਹੋ ਗਈ।
